سمعت صوت الاذان قامت بكسل اتوضت وصلت وقرت قران فتحت الشباك الجو كان رهيب شافت غيث وعزام وغسان و مناف وابوها راجعين من الجامع حست بشعور جميل ابتسمت بدون شعور لشوفتهم همست:الحمدلله نزلت ومشت المطبخ بهدوء عملت لقيمات وكيك وجهزت الشاي رتبت الحديقه ورجعت استحمت ولبست دخلت غرفة غيث:صباح الخيير
غيث:صباح النور تعالي مشت قعدت قدامو عاينو لبعض همس بصوت مبحوح:كنتي وين الاهتم بيك والصرف عليك منو العالجك وقت مرضك وساهر معاك ميهاف امس مقدرت انوم الليل كلو وانا افكر ف الفترة الفاتت
ميهاف:تعال كلهم منتظرين بفارغ الصبر متين اتكلم ابتسم غيث وطلع معاها شافتهم قاعدين كلهم جرت بسرعه ونطت جنب ابوها وحضنتو:صباااح الخيييييير
الهيثم:ههه صباح النور
غسان:زحي من ابوي
ميهاف:ابيت ههه بتغار
غسان:انا اغار ابدا
ميهاف:واضح واضح جات تولين جاريه وحضنت ابوها مشت ميهاف وقعدت جنب عزام وحضنتو مدت لسانها لتولين ضحك عزام عليهم تولين:بابا ميهاف:زحي من اخوي تولين اتعلقت بابوها اكتر ونفس الشي ميهاف عزام:خلاص انتو الاتنين بناتي
غسان:ههه طويله وعويرة خاته راسك ف راس طفله مدت لسانها
عزام:خليها عندي كم ميهاف انا
ميهاف:هههخخخ غسان شوف جبهتك وين
مناف:ف جبهه هنا حقت منو
غيث:ارميها للاخ
غسان:معاقين ضحكو كلهم عليو
ميهاف:احم احم كنت ماشه لبنات عمي زي م انتو عارفين ركبت الحافله وبعد مسافه حسيت بشي ضربني ف راسي وفقدت الوعي لما فتحت م كنت شايفه كويس لقيت روحي نايمه ف الارض كيف معارفه طلعت كيف ومتين بعد مسافه وتعب قدرت اقوم مشيت وكنت عايزه اقطع وبما اني م شايفه شي ضربتني عربيه حسيت اني طرت وضربت الارض اتالمت شديد وتاني اغمي على اسعفوني بسرعه ودخلت ف غيبوبه 6شهور وانا نايمه لما صحيت م لقيت زول جنبي م كنت شايفه شي غير الظلام م كنت قادره اتحرك اتشليت دا اول شي جا ف بالي وم كنت متذكره شي الدكتور قال دا شي طبيعي فقدت النظر والذاكره كليا بسبب الضربه الفي راسي ضربتين ف نفس المكان و ف يوم واحد عانيت كتير وانا عمياء بس ماما فاطمه وبابا كمال م قصرو معاي و عزوز ساعدوني كنت مفكره اول م يرجع لي نظري اشوفكم حسيت بشعور غريب وكاني غريبه ديل م اهلي وين اخواني امي وابوي انا وين دي م غرفتي دا م بيتنا دا م اسمي طيب انا منو كل يوم بسأل نفسي نفس الاسئله شويه شويه اتأقلمت مع الوضع بس م لقيت اجوبه اشتغلت ف شركه هم ادوني اسم بتهم وشهادتها نفس مجالي كل مره بحلم بزول غريب واول مره اشوفو اول م اصحي برسم الزول الشفتو اول واحد كان مناف وتاني ماما وبابا غيث عزام غسان رند رغد طلال وف زول م بعرفو دانيه عزه كلكم م كنت متذكره اسم واحد فيكم حلمت بمواقف ولحظات حلوة مرات ببكي نص الليل شفتكم كم مره بس انا منقبه ف الفترة الاخيرة بجيني صداع حاد وبتذكر شويه واخر مرة اغمي على ولما صحيت جيتكم اما الشلل ف الحمدلله بعد فترة اتعالجت وبعديها رجع لي النظر
مناف والعبرة خانقاو:عانيتي براك نحن م كنا معاك بكيتي وم شاركتك الدمعه م لقيتيني جنبك عميتي وم كنت عيونك البتشوفي بيهن
ميهاف:لو كنت معاكم م كنتو ح تستحملو تشوفوني بالحالة دي كل يوم دموعكم حتنزل حتعانو وانا م متذكراكم وم بمش وعمياء (عسى ان تكرهوا شيئا وهو خيرا لكم)عاينو للجانب المشرق انا رجعت والحمدلله كلهم قالو الحمدلله
عزام:م انخطبتي يعني انتي حلوة م شاء الله
ميهاف:ههه امم اتقدمو لي كم واحد بس م كنت بفكر بالزواج وبابا كمال كان برفض
غسان:كيف يوافق احتمال تكوني متزوجه
ميهاف:مرة وحده
الهيثم:كل شي جائز
ميهاف:بس م لدرجه الزواج انا م مخطوبه حتي عاينو لغيث بخوف هز براسهو يطمنهم
ميهاف:احم عايزة امش اجيب شويه اغراض واقدم استغالتي ممكن
الهيثم:اكيد
اسراء:خلي غيث يوصلك
ميهاف:ماما م يحتاج صح وين عربيتي وعايزه تلفون جديد وشريحتي وتاني لازم امش السوق عشان اشتري هدوم هدومي كلهم ماف
دانيه:طيب قضي اشغالك ونمش السوق بعدين
غيث:حاجيب ليك التلفون
غسان:وانا الشريحه
عزام:المفتاح عندي تعالي لبست بسرعه وطلعت شالت المفتاح من عزام
مناف:حامش معاك
ميهاف:صدقني م يحتاج
الهيثم:ع الدوام يلا طلع قروش واداهن ل ميهاف وعزام كمان
ميهاف:م يحتاج شوف بابا اداني
عزام:امسكي ي بت من اخوك الكبير طلع غسان واداها كمان
غسان:بدون كلام خليهم معاك غيث ومناف كمان
غيث:لو م شيلتهم حنزعل ابتسمت و شالتهم عربيتها كانت زي م هي وكانها جديده
مناف:تحتاج تبديل
ميهاف:وين جديدة
الهيثم عاين ليها بخوف:متاكده
ميهاف:بابا ليه خايفين على حامش وارجع بسرعه ان شاء الله ابتسمت اول شي طلعت عربيه الهيثم حتى عزام حتي غسان حتي غيث حتي مناف حتي ميهاف مناف من الشباك:على وين عاطل
غيث:ههه اجيب ليها تلفون
غسان ضرب بوري:حرك ي ولد مشو كلهم ورا بعض حتي اي واحد مشا بطريق ميهاف وصلت بسرعه لانها ساقت بسرعه نزلت وضربت الباب فتحت فاطمه الباب فاطمه:ميهاف
ميهاف حضنتها:كيفك فاطمه بكت بعد سلام طويل قعدت معاهم
ميهاف:عندي اغراض مهمه حاشيلهم
يتبع
