ريفال فتحت قعدت وعاينت ليهم باستغراب فاطمه حضنتها وبكت:حمدلله على سلامتك ي بتي ريفال:الله يسلمك
كمال:ريفال اسمعيني للاخر
ريفال ابتسمت:انا ميهاف
انصدمو لما شافو ردت فعلها كانو متخيلين تصرخ فيهم
كمال:يبتي قبل سنتين عزوز كان متهور وم بعرف السواقه وصاحبو عايز يعلمو كان سايق بسرعه وفجأة طلعتي قدامو م عرف يتصرف وضربك خاف وم عرف يتصرف صاحبو اتكفل بعلاجك وكنتي فاقدة الذاكره كليا قال م بتحمل المسؤليه خفنا على الولد من السجن وكنا ف وضع م عالم بيو الا الله وبتنا متوفيه قبل الحادث بشهر كذبنا عليك وقلنا انتي بتنا كانت بتشبهك تصرفاتها وضحكتها وطيبتها الله يرحمها اديناك اسمها وكل شي بخصها ويشهد الله عاملانك زيها كانت غاليه علينا شديد ربنا عوضنا بيك الموضوع دا كان شاغلني وكل مره بحاول اكلمك خفت اخسرك وتكرهينا ورينا اهلك الحقيقين وبنوصلك ليهم
ميهاف:شكرا لانكم اهتميتو بي يديكم العافيه
عزوز بصوت باكي:سامحيني بسببي بعدتي عن اهلك سنتين اسف
ميهاف:كان بامكانك تخليني اموت بس انت ساعدتني وصححت غلطك مسامحاك ي اخوي وجزاكم الله الف خير اسمحو لي امش بيتنا
كمال:نحن بنفسنا حنوصلك فريده طول الوقت ساكته
ميهاف ابتسمت:يلا كانت خايفه اهلها حيكونو متذكرنها ولا نسوها و اعتبروها ميته خايفه من ردت فعلهم كانت ساكته مشاعرها متضاربه شوق وخوف وتردد دموعها بتزل بدون توقف كل م تتذكر الفتره الفاتت رددت(عسى ان تكرهوا شيئا وهو خيرا لكم) طلعو من المستشفي كلهم واتوجهو لبيت الهيثم حست بالطريق طويل وصلو و وقفو قدام الباب
فريده:انتي متاكده دا بيتكم
ميهاف:اي بس م يكونو انتقلو
كمال:م شاء الله اللهم زد وبارك
عزوز:واو كمال ضربو ف راسو:قول م شاء الله م واو ضحكو عليو فتحت الخدامه الباب وبعد مسافه اتحركت ميهاف شوقها ليهم غلب التردد والخوف شافتهم قاعدين بكت وجمدت ف مكانها بكت بصمت اتاملتهم بحب وشوق استغربو من الاسره الجات داخله وقف مناف واتقدم ليهم اتخطاهم و وقف قدام ميهاف ابتسمت وبكت شالت النقاب شهق بصدمه وحضنها ودموعو نزلت م كانو فاهمين حاجه الهيثم:مناف بس م رد اما كمال واسرته بكو بصمت حاسين بالذنب
مناف م كان قادر يعبر ف حاجات كتيره عايز يقولها ويحكيها ليها:الحمدلله
اسراء:دي منو ي مناف
ميهاف بهمس:ماما مناف مسح دموعو و بعد ميهاف اتقدمت وكده الكل شافها ابتسمت ودموعها ف وشها:م مرحب بي ارجع يعني اسراء حضنتها وبكو اما الهيثم قعد ومسح وشو م كان مصدق اسراء:الحمدلله وين كنتي ليه بعدتي سنتين ي ميهاف هانت عليك امك اتعذبت كتير
ميهاف:اسفه ي الغاليه سامحيني بعدت اسراء وم وقفت بكا مشت وقعدت ف الارض ورفعت راس ابوها:م اشتقت لي ي ابو عزام ارجع حضنها بسرعه
ميهاف:(عسى ان تكرهوا شيئا وهو خيرا لكم) مسحت دموع ابوها وباست راسو ابتسم:الحياة بدونك م بتسوى شي
ميهاف:وبدونكم ضايعه فتره وعدت الحمدلله وقفت ومشت لعزام كان واقف وبعاين للمكان الكانت واقفه فيو ابتسمت وحضنتو لما استوعب دار بيها وضحكو اول م نزلها مسح دموعو بسرعه غسان حضنها سلمت على دانيه وعزة وتولين واحمد قعدت جنب امها وابوها بعد م عرفت اهلها على كمال واسرتو ميهاف:وين غيث بس م يكون نايم
مناف:ف السعودية
ميهاف:السعوديه ليه
غسان:اكتر واحد ردت فعلو كانت عنيفه سافر من سنتين
ميهاف:سنتين ليه وشهقت انتو كنتو مفكرين اني ميتة
الهيثم:الحمدلله فترة وعدت م تتذكروها
ميهاف:بس انا عايزه اشوفو
الهيثم:تمشي ليو ولا اجيبو ليك
ميهاف:اممم خلينا نسافر كلنا نقابل غيوث ونعمر ونرجع رايك
غسان:مستحيل مضغوط شديد الا اذا بتمشو بدوني
ميهاف:طيب خليو يجي وماشه ل رند و رغد وامم و و عمو ايمن و اولادو و
مناف:اتذكري بعدين كمال و اسرتو استاذنو وطلعو كلهم كانو ساكتين وبعاينو ل ميهاف وتولين واحمد اتصل غيث ميهاف:بابا م تكلمو بس قول ليو انزل ف اسرع وقت وافتح الاسبيكر ابتسم الهيثم و رد غيث:كيفك ي ابوي
الهيثم:الحمدلله بخير عيان؟!
غيث:لا بس مضغوط شويه ف الشغل
الهيثم:ربنا يساعدك شوف ي ولدي انا كبرت ف العمر لازم ترجع واشوفك امك دموعها م جفت تحرمها منك وانت عايش
غيث بضيق:ابوي م بقدر اقعد ف البيت وهي ماف صعب على كل زوايه ف ذكرى معينه اشتقت ليها ي ابوي هي كانت اختي وصحبتي وصحبي ابوي وامي كل شى بالنسبه لي كانت بتفقدني وتحن وتشتاق لي متعود كل يوم انوم على صوتها واصحى بيو فقدت اهتمامها بقيت اصحى براي عشان اصلي الصبح حتي وانا بره السودان بتتصل لي لما م اتصل ليها وعايزني ارجع وهي ماف م بقدر ي ابوي سامحني وم تصعبها على الحياة م ليها طعم بدونها البيت فاضي ف فراغ وماف زول حيقدر يسد مكانها وحتي لو جيت مستحيل اقعد ف البيت ولا ثانيه
الهيثم:تعال وان شاء الله خير
غيث:من هسي لاقوني كلكم ف المطار يحرم على دخول البيت وهي مافيو وحارجع بعد اسبوع
الهيثم:جدا نشوفك ف المطار اذا وناجر شقه نقعد فيها بس م تنسى بعد يومين عايزك قدامي امش نوم صوتك تعبان
غيث:ان شاء الله سلم عليهم و قفل
يتبع..
