နောက်တနေ့ Young ဆီကို သူလာတော့ အနားမှာ ဘယ်သူမှမရှိ.....
အခန်းရှေ့က Body Guard နှစ်ယောက်ကိုကျော်ဖြတ်ပြီးသည်နှင့် ကုတင်ပေါ်မှာ အရက်လေးတမြမြလုပ်နေသော Young ကို တန်းတွေ့လိုက်ရသည်။
အနဲငယ်ရီဝေနေသော မျက်လုံးလေးတွေက တဖြတ်ဖြတ်ပုတ်ခတ်လျှက်.....
သူ စိတ်တိုသွားရသည်။
" လူနာက အရက်မသောက်ရမှန်း မသိဘူးလား
အခုထိ စိတ်ချရတဲ့အခြေအနေလဲ မဟုတ်ဘဲနဲ့.....
ကိုယ့်ဘာသာတော့ ဂရုစိုက်သင့်တာပေါ့....
ကလေးလဲ မဟုတ်တော့ဘူး.... "
ကုတင်ဘေးက စားပွဲခုံပေါ် လိမ္မော်သီးထုပ်ကို ဘုန်းခနဲဆောင့်ချလိုက်တော့ ဆေးလိပ်ပြာ တစ်စနှစ်စက လေထဲလွင့်လာသည်။
အရှင်သခင်မလေးက ဂရုတောင်မစိုက်.....
ဘယ်သူဖဲ့သွားပေးမှန်း မသိတဲ့ ကြက်သားမျှင်လေးတွေကို ကောက်မြည်းနေ
သေးတာ....
သက်ပြင်းကိုသာ ဟူးခနဲချလိုက်မိသည်။
" မလာနဲ့လို့ပြောထားတယ်မလား"
ဆိုဖာပေါ်ကို ထိုင်ချရုံလေးပဲရှိသေး နှင်ထုတ်လာတဲ့ Young ကို မျက်စောင်းထိုးပစ်လိုက်သည်။
" ကျွန်မက ရှင်ယူထားတဲ့ မိန်းမလေ
လာပိုင်ခွင့်ရှိတယ်
မနေ့တုန်းကလဲ အကုန်လုံးရှင်းပြပြီးသွားပြီပဲ"
" မင်းက ငါ့ကို မကျန်းမာတဲ့လူဆိုပြီး မလေးစားတော့တာလား... "
" ဟာ... မဟုတ်ပါဘူး"
Young က ပုလင်းနဲ့ပန်းကန်တွေကို စားပွဲခုံပေါ်တင်သည်။
လက်ချောင်းထိပ်လေးတွေကို လျှာနဲ့ယက်နေပုံက သိပ်ချစ်ဖို့ကောင်းလွန်း၍ ပြေးဖက်ထားချင်မိသည်။
" ခေါင်းအုံးက အရမ်းမာတယ်
မနေ့ညက အိပ်မပျော်ဘူး"
အမှန်ပင် မျက်ကွင်းတွေညိုနေသောကြောင့်
သူ ပြာယာခတ်သွားမိသည်။
" ခေါင်းအုံးအသစ်ဝယ်ပေးရမလားဟင်"
" ရပါတယ်.....ဒီညနေပဲ ဆေးရုံဆင်းတော့မှာ....အခုတော့ ခနအိပ်ချင်တယ်"
ကုတင်ပေါ်တက်ကာ တင်ပလ္လင်ခွေထိုင်လိုက်တော့ သူ့ပေါင်ပေါ် Young က လှဲချလာသည်။
မျက်ခွံမို့မို့တွေက မြတ်နိုးစရာ....
စိတ်ပြေသွားလို့ တော်သေးတာပေါ့.....
"Young.... ဆေးရုံဆင်းလို့မဖြစ်သေးဘူးထင်တယ်
ခြေထောက်က.... "
" ခြေထောက်က စတီးချောင်းထည့်ပြီးနေပြီပဲ
ဘာမှမဖြစ်တော့ဘူး....
အိမ်မှာပဲ လေ့ကျင့်ခန်းလုပ်ရင်း နားချင််တယ်
Jennie တို့လဲ ရှိတယ်လေ.... "
" လီလီလဲ ရှိပါတယ်"
ဘွဲ့အမြန်ရချင်မိတဲ့ စိတ်ဖြစ်လာမိသည်။
လူပုံလယ်မှာ တင့်တင့်တယ်တယ်ရပ်တည်နိုင်ပြီး Young ကို ကာကွယ်နိုင်ချင်သည်။
" မင်းက စာသာ အေးအေးဆေးဆေးသင်ပါ
ကျန်တာ ငါ ကြည့်လုပ်လို့ရပါတယ်
ငါ့နားမှာ မင်းနေချင်သရွေ့တော့ နေပေါ့"
" လီလီက တသက်လုံး နေမှာ...."
" စောင့်ကြည့်ရမှာပေါ့ကွာ....."
အိပ်ပျော်သွားတဲ့ Young မျက်နာလေးက ငြိမ်းချမ်းနေသည်။
လက်ဖဝါးဆုပ်ထဲက ဆံပင်တွေက ကျွတ်ဆပ်ပြီး ရှုပ်ထွေးနေတာကြောင့် တပင်ချင်း ဖြေးညင်းစွာ ရှင်းလင်းပေးနေမိသည်။
မဟုတ်ရင် ခေါင်းဖြီးသည့်အခါ ခက်ပေလိမ့်မည်။
ထို့ထက် စိတ်မရှည်သည့် Young က ခေါင်းဖြီးကို တရကြမ်းဆွဲချလျှင် နာကျင်နေမှာစိုးသောကြောင့်.....
" အွန်း.... လီလီ.... "
" ကျွတ်.... ကျွတ်.... ကျွတ်...."
အိပ်နေရင်း ယောင်နေသောကြောင့် ငယ်ထိပ်ကိုလက်နဲ့သပ်ပြီး ချော့လိုက်မိသည်။
Young စိတ်ထဲမှာ သူရှိနေသေးသားပဲ....
တော်သေးတာပေါ့...
Young စိတ်နာသွားမှာ တွေးပူပြီး ဘယ်လောက်တောင် စိုးထိတ်ခဲ့ရလဲ.....
********
နဲနဲတိုသွားတယ်😁
