الفصل السابع عشر عشقت غموضة بقلمى emy
دا ايه يا انسه المشروع دا متسلمش ليه لحد دلوقت
السكرتيره ...حضرتك المصمم اللى شغال عليه من اللى بيتحقق معاهم ومحدش استلموا غيرو
سيف أهدى يا أمير بقى فى ايه
اتفضلى انتى واول ما انسه علياء توصل بلغينى
أمير واقفا بغضب مخللا أصابعه بشعره الاسود لينزل القليل منه على جبهته تذيد وسامته
الانسه لسه ما وصلتش طبعا الله اعلم كملت سهرتها فين امبارح
سيف...المهم يا أمير هنعمل ايه قدمنا 48ساعه بس
أمير ….هنشتغل ليل نهار والمعامل متوقفش شغل وتصرف لهم اوفر تايم وممنوع حد يروح بيتو الا لما نتأكد ان المشروع مش خارج من شركتنا
السكرتيره ...انسه علياء وصلت يا فندم
سيف خليها تدخل
أمير اتفضل المسؤوله عن المشروع لسه فاكره تيجى و….
أوقفته علياء بردها النارى
علياء اققلك انا مش هرد عليك و…..
أمير بشده مؤشرا بأصبعه بوجهها ...جرى ايه يا انسه تتكلمى عدل لما تكونى قدام أمير المنصورى نسيتى نفسك ولا ايه
علياء يغضب ..لاء منستش بس دا ميدكاش الحق تتكلم عليا
سيف أهدى يا أمير ..معلش يا علياء هو بس متعصب شويه عشان المشروع
علياء وقد حزمت أمرها ...أسمى الاستاذه علياء والتعامل فى حدود الشغل ومش هسمح لحد مين ماكان يغلط فيا أو يتطاول عليا دا اولا
ثانيا انا ميعادى للحضور الساعه 8 يعنى ماخطأتش فى حاجه
ثالثا والاهم مش أنا اللى اتسببت فى أزمة الشركه دى لو كان فايق لشغله بدل قصص الحب كان عرف مين اللى خانو.
انهت جملتها وسط نظرات الدهشه على وجه سيف وابتسامه جانبيه لامير متوجها ناحية النافذه لمداراتها محدثا نفسه
أمير ...اكيد مفكره انجى حبيبتى هههه
أمير ...سيف اتفضل ع شغلك وعرف الاستاذه علياء تشتغل على ايه الاول
سيف تمام اتفضلى يا استاذه علياء
ذهب كلا من سيف وعلياء لمتابعة عملهم
مارك ملقيا التحيه على علياء لاكن لا تعليق
مارك...هو فى ايه اكيد كهربا الدنيا
أمير بقلك ايه مش نقصاك عملت ايه فى اللى طلبتو منك
مارك ...اللى اتسرب من الشركه تصميم الاثاث والديكورات بس التصميمات التانيه اللى خاصه باسبوع الموضه مكنتش لسه اتسلمت عشان كده ملحقتش تاخودها
أمير وقد شعر ببريق امل .كويس المصانع تشتغل ال24ساعه ومن غير ما تقف وتصرف مكفئات عشان العمال تشتغل والعارضات تجهز وبلغهم ان فى تصوير بكره وبلغ سيف أن شغلهم الاول على ديكور الاثاث و التصميم وانا هبلغ الورش تبدء فى اساسيات الاثاث لحد الرسومات ما توصل ليهم
بسرعه يا مارك مفيش وقت
مارك. ..اوك يا بوص بس والنبى يا شيخ متزعل المسكينه اللى بره دى بزمتك هانت عليك يا قاسى
أمير ناظرا إليه ملقيا عليه ما طالته يده لاكن استطاع تفاديها وهذا ما ذاد غضب أمير ….بره يا جبان اتكلم تانى عليها والله ما هرحمك
مارك ضاحكا على صديقه ...ذاهبا بغناء
بحبها وبقلبى ساكن حبها يا ريت ياليل حد فيكو يقولها بحبها
ليغتاظ أمير أكثر ..ولاكن بالفعل هو يحبها والمه قلبه كثيرا عندما جرحها بحديث الصباح لاكن لايعرف كيف يراضيها فهو لم يتعود على الرحمه وبالخصه اتجاه انثى
امير اوووووف انا اروح الورش افضل جايز انسى
حمل جاكيته وأخبر السكرتيره أن تحضر لاجتماع عاجل مع كبار المسؤولين بالشركه بعد الظهر وذهب فى طريقه
ومن أسوة الموقف يتقابل الاثنان وجها لوجه مره اخرى لاكن نظرة علياء المليئه بالتحدى والكبرياء وعدم الانكسار لاحد جعلتها تكمل طريقها دون الاهتمام له وهذا ما ألمه كثيرا وجعل النار تشتعل بقلبه وتنقلب على ملامح وجهه
اكمل طريقه دون الاهتمام لأحد
على باب الشركه
هايدى ….انجى أمير شكلو خارج تعالى نلحقه ..أمير .أمير
لم يبالي لها واكتفى بالتاشير بيده على أنه سوف يعود
انجى ...مالو موقفش ليه
هايدى ….انتى مش شايفه الدخانه اللى طالعه منو دى اكيد قفش مع علياء ربنا يستر
انجى ….شكلها حكايه من اللى حكتيه ليا مش هتسيب حقها
هايدى احسن يستاهل عشان يتعلم يعاملنا ازاى
انجى وهايدى هههههه مكملين طريقهم والضحك هو العامل المشترك بينهم
سيف ….انتى كده فهمتى المطلوب منك ايه
علياء تمام ..بالنسبالى دا شغل سهل جدا هخرجلك اجمل ديكور شفتو فى يوم بس مش عايزه ازعاج نهائى بتاع 5او6ساعات كده
سيف .اتفقنا
السكرتيره استاذ سيف أمير بيه بيبلغك أن فى اجتماع لكبار المسؤولين بعد الضهر ويا ريت الكل يكون حاضر
سيف تمام شكرا ليكى
السكرتيره بابتسامه خجل العفو يا استاذ سيف دا شغلى
لتصطدم بهايدى ومازالت البسمه لم تفارقها
هايدى ….هما بيقولوا نكت ولا ايه
انجى ...ايه يا بنتى فى ايه
هايدى ...بغيظ… تعالى لما نشوف
هايدى ...هاى يا لولو شايفه أمير بيطلع دخان
علياء ..هو لسه شاف حاجه ابن المنصورى
سيف والجميع هههههههه
سيف مفيش سلام ليه ولا ايه
اكتفت هايدى برفع حاجبها ولم تبالى بالرد عليه
سيف مؤشرا لانجى بوجهه مالها دى
انجى كانت شغاله لحد هنا مش عارفه قفشت ع السكرتيره فجاه وقلبت لامير زى ما انت شايف
سيف ….هتجيبو من بره مهى وراثه
علياء يتساءل ومجاكره ….قفشت انتى زينا كده بتكلمى عادى
هايدى لكى تغيظ سيف ...امال ايه يا بنتى مش وراثه
علياء بعلامات استفهام على وجهها
وراثه هو انتو قرايب
جعلتهم يدخلون بنوبة ضحك
هايدى ...لاء مش قرايب
انجى بضحك ...مش قرايب
علياء ...منا بقول بردو لتقاطعها انجى ...اخوات بس
هههههه جعلت علياء تتوقف عن الحديث واكتفت بالنظر هايدى وسيف كلا تلو الآخر لينفجرو بالضحك مره اخرى
انجى ….اطمنى يا ستى انا بردو بنت المنصورى هههه غامزتا لها بعينها
علياء بخجل كويس انا كنت قلقانه عليكى من الديكتاتور دا
هايدى ايوا فعلا كانت قلقانه
علياء ...بقلك ايه انتى جايه تسلى بقى
يلا كلو بره عندى شغل مش زيك فاضيه
يلا يا مامى سورى يا انجى ما انتى من العيله بردو
علياء….سيف بقلك ايه لا ازعاج زى ما اتفقنا
سيف ….تمام بس الاجتماع لم يكمل فاغلقت الباب بوجههم وما زال الخجل مرتسم على وجهها
علياء ….انا مالى أخته ولا مش أخته ولا فارق اصلا وبعدين دا مستفز وديكتاتورى ومبيضحكش زى الناس كده قفل دا قفل
ذهبت إلى مكتبها تحاول البدء فى الرسم لكن يلزمها بعض الطقوس لكى تحضر مخيلتها
رفعت شعرها على شكل كعكه فوضاويه
تاركتا العنان لافكارها أخذت هاتفها وبدئت لاستماع موسيقى لتستطيع الذهاب بتخيلها لابعد حد
سيف تعالو المكتب عندى لما أمير يجى
هايدى دون تفكير لاء
انجى ...وقد شعرت بغضب اختها من سيف ولاكن لما فبالامس كانو بأفضل حال
انجى ...افهم بقى فى ايه والا وربنا امشى
سيف يا بنتى منا زيي زيك امبارح كويسين والوقتى متعرفيش اصطبحت بوش مين
هايدى بغضب ….بوش السكرتيره بتاعتك خليها تنفعك
سيف بابتسامه محدثا نفسه ...الله دى بتغير جيتى فى ملعبى
سيف مالها السكرتيره ثم ان انتى مالك
هايدى فعلا انا مالى يلا يا انجى ..سحبت اختها من يدها متجهين للكافيتريا لحين وصول أمير
سيف ...يا بنت الهبله طب بالزمه دى واحده تغيرى منها
ذهب لغرفته لكى يجهز الاوراق المطلوبه لاجتماع الغد مع محسن ويستعد لاجتماع أمير اليوم
مارك بتوتر لسيف ….طبلت يا معلم
سيف أهدى يا ابنى هى ايه اللى طبلت
مارك ...المصانع اشتغلت وهطلع الإنتاج للعرض كله النهارده والمفروض جلسات تصوير بكره
سيف طب كده تمام فين المشكله
مارك ….مفيش عارضات فاضيين بكره كلهم مشغولين الشهر دا مش فاضى غير الشباب بس
سيف ملقيا جسده على مقعده بحيره …..طب العمل أيه احنا لازم نصرف قبل ما أمير يعرف
مارك ...لازم أمير يعرف
سيف بحيره ..طب يلا الاجتماع دلوقت وبعدين نصرف
مارك ربنا يستر
ذهب الاثنان متجهين لغرفة الاجتماعات وبعد قليل من الوقت دلف أمير مبتسما فقد بدء خط الانتاج فى العمل واستعان بورشات صديق له لكى يسرع فى الإنتاج
أمير ….كل واحد يقول نتيجه مش عايز حكايات
مارك ….البدايه عندى العمال استلموا التصميمات وبدئو فعلا فى التنفيذ على مقاسات العارضات بتوعنا بس لما كلمناهم نستدعيهم لتصوير بكره محدش منهم موجود او فاضى ساعه حتى
أمير ...ازاى يعنى هما مش مضيين عقود
مارك مضيين بس لازم نعلمهم قبلها ع الأقل ب اسبوع عشان جدولهم
أمير ...انصرفوا اخلقو عارضات من تحت الارض
سيف المشكله مش فى العارضه المشكله فى المقاسات اللى التنفيذ عليها
أمير عدلوها
مارك معتش ينفع الخطوط فعلا نفذت
أمير وقد تلاشت فرحته .وانت يا سيف عملتو ايه انت والاستاذ…..لم يكمل فقد علم بغيابها عن الاجتماع
أمير بغضب ...فين الاستاذه علياء
سيف مش عايزه ازعاج عشان تقدر تخلص المطلوب منها
أمير واضعا يديه على الطاوله جعل الجميع يرتبك وينظر إليه
أمير ….يعنى ايه ازعاج انا هوريها الازعاج
تركهم فى حيره وتوجه ناحية ورشة العمل
دلف الى الغرفه بقسوه ...ازاى يا انسه تخالفى اوامرى لاء وكمان مش عايزه ازعاج ..
علياء لا رد
أمير بشده متجه إليها بكلمك تردى عليا…
ليتوقف فجاه عن الحديث نتيجة لما رأى …..
يا ترى شاف ايه وخلاه وقف كلام وهيعمل ايه معاها وردها هيكون ايه كل دا واكتر هنعرفه البارت الجاى مستنيه توقعاتكم وتعليقاتكم سواء سلبى أو ايجابى بتقبل يعنى متقلقوش
#عشقت_غموضه
#بقلمemy
