الفصل الثامن عشر عشقت غموضه بقلمىemy
أمير ….يعنى ايه ازعاج انا هوريها الازعاج
تركهم فى حيره وتوجه ناحية ورشة العمل
دلف الى الغرفه بقسوه ...ازاى يا انسه تخالفى اوامرى لاء وكمان مش عايزه ازعاج ..
علياء لا رد
أمير بشده متجه إليها بكلمك تردى عليا…
ليتوقف فجاه عن الحديث نتيجة لما رأى
تقدم ناحيتها والشر يتطاير من عينيه ليجدها جالستا خلف مكتبها بالاسفل وشعرها الفوضوى والاقلام مبعثره من حولها واضعة سماعة الهاتف بأذنها وكأنها بعالم اخر .
أمير بحيره من منظرها فقد علم لما لم ترد عليه عند دخوله ومما يبدو أمامه قد علم سبب طلبها عدم الازعاج فهو أيضا لا يرغب أن يراها أحدهم بهذا الشكل فهى بالفعل لوحتا فنيه يتمنى أن يغلق عليها
استفاق من شروده على علياء وهى تلوح له وتتحدث إليه
علياء ...خير يا استاذ أمير حضرتك مشرفنى بنفسك
أمير لم يفق بعد ….وصلتى لفين الورش جاهزه
علياء لسه طبعا مش جاهزه انا قلت لسيف مش عايزه ازعاج لآخر اليوم وهسلمو التصاميم كامله
أمير تمام بس متتاخريش يا استاذه ويا ريت تحطى حد بينكم مش اى حد تتكلمى معاه وكانك عرفاه من سنين
علياء رافعتا حاجبها مستفهمتا لكلامه .نعم حضرتك بتقول ايه
أمير ...اللى سمعتيه .
علياء ...انا حره اتكلم مع اللى اتكلم معاه
أمير بغضب ...متوجها ناحيتها ببضع خطوات جعلها تتراجع للخلف كرد فعل لاء مش حره وانا مش هعيد كلامى تانى عليكى فاكره .
تركها دون انتظار الرد بعد أن رأى وجهها قد تحول للون الاحمر اثر اقترابه منها ولم يرد أن يحرجها أكثر
علياء ...هو ايه ده ...بيقلب فجاه زى الشريط لما يسف حركة يدها لتلامس وجهها اووووف الدنيا حر كده ليه
ذهبت لتغسل وجهها لعل النار المشتعله بقلبها ووجهها تنطفء
أمير بعد خروجه ….ااه لو مكنتش عنيده
بس ملحوقه انا هكسر عندك يا علياء
ال سيف ال بتقولى انا سيف يا نهار اسود
وصل لغرفته وانهى الاجتماع وطلب سيف ومارك لغرفته بعدما علم من السكرتيره بحضور اخوته بالمكتب
أمير ...خير الزياره اللى من غير ميعاد دى
هايدى ميعاد ايه يا ميرو مش انا موظفه هنا بردو ولا ايه
أمير بضحك ...انسى يا قمر خلصى الجامعه وبعدين نبقى نشوف
هايدى شايفه يا انجى طب بزمتك بقى مش حلال فيه
أمير هو ايه اللى حلال فيه
انجى مبتسمه تضرب هايدى كمداعبه ….هههه متاخدش فى بالك يا أمير دى هبله كده منتا عارف
أمير طب يلا بالسلامه عندى شغل ومش فاضي لكم
انجى تمام يا قلبى هستناك ع العشا متتاخرش
أمير مش جى محدش يستنانى
هايدى وانجى ...ازاى يا أمير احنا مصدقنا نتلم مع بعض .
أمير مش جى البيت تانى
انجى …...قاطعها باشاره قائلا
أمير دون النظر إليهم. ….مش عايز نقاش فى الموضوع دا
ينهى حديثه دلوقت سيف ومارك
سيف لمارك ...هو فى ايه شكلهم غريب ليه
مارك مش عارف استنى اسال هايدى
سيف ..نعم تسال مين يلا يلا العب بعيد
مارك خلاص يا عم متزقش اسال انجى بلاش هايدى
لتبتسم انجى على أفعالهم وبالاخص مارك فطريقة كلامه تجعل الجميع يضحك
سيف لهايدى ...مالك فى ايه
هايدى .بنظرة تحدى انت مالك
مارك يضحك ...قلتلك اسال انا طب شوف بقى واتعلم
مارك ...انجى هو فى ايه ها الكهربا ذايده هنا ولا ايه
انجى اكتفت بالايماء مع ابتسامه من أفعاله
هايدى ردا على مارك ناظرة لسيف ...فعلا الكهربا ذايده ابقى خلى بالك لتكهرب سلام .
انجى واقفه تحاول كبت ضحكها عليهم ..والنبى ما وقت سخسه يا انجى يلا بينا قبل ما ارتكب جريمه
هايدى قبل الذهاب ..ماااارك
مارك ..ايه
هايدى ..زوقك وحش اوى
أمير لو خلصنا هبل يا ريت نشوف شغلنا
انجى اسفين يا صلاح يلا يا بنتى
سيف هو ايه اللى حصل البنات شكلهم متغير وانت كمان
أمير معتدل بوقفته ناظرا من نافذته مخللا يديه برئسه انا مش راجع الفيلا تانى
الاثنان معا نعم ليه وهتروح فين
أمير انتم وانا عرفين انا هنا ليه
اول بابا ميفوق والشركه تعدى الازمه دى هرجع أميركا
فمفيش داعى أوتر الجو اكتر من كده ومفيش داعى نتعود على حاجه مش دائمه
سيف طب ليه يا أمير ما فرع اميركا ماشى تمام ليه متكملش هنا
أمير عائدا لمكتبه مش وقته يا سيف نتكلم بعدين المهم دلوقت العارضات هنعمل معاهم ايه
سيف مش عارف بس انا بعت للوكالات المقاسات اللى محتاجنها وقالو هيحاولو يشوفو المتوفر ايه
أمير بهدوء تمام كل واحد على شغلت
سيف تمام انا هروح اشوف علياء وصلت لفين
أمير هب واقفا ...تروح فين لا طبعا
سيف باندهاش هو ومارك ...لاحظه أمير
أمير ..اققصد يعنى سيبها زى ما طلبت عشان ميبقاش ليها حجه لنا تقع تحت ايدى
سيف بابتسامه خبث…...اااه مش تقول كده تمام مش هروح أنهى جملته موجها الحديث لمارك..روح انت يا مارك اطمن عليها
مارك ...تمام يا صاحبى طياره….
أمير هود هنا رايح فين انت مش وراك شغل اتفضل يا بيه شوف خط الانتاج عامل ايه
مؤشرا لسيف وانت شوف العارضات وجهز للتصوير بكره يلااااا
سيف ومارك بضحك والله ووقعت يا بيضه
لم ينتظرو للرد وفرو هاربين
أمير ….وقعت ..وقعت ومحدش سمى عليا ….بس على مين هعرفك ان الله حق يا علياء
السكرتيره أمير بيه ..اتفضلى
الاستاذ هادى المنياوى موجود بره ومنتظر حضرتك
أمير ...عايز ايه دا ...خليه يتفضل
السكرتيره ...اتفضل
هادى ….شكرا .ملتفتا لامير اكيد بتسال مين دا وجى ليه
اعرفك بنفسى .هادى المنياوى شريك محسن بيه فى المشروع اللى شركتكم لتقوم بتنفيذه
أمير…..اهلا بيك طبعا مش محتاج ارد التعارف. اتفضل اققعد
تشرب ايه
هادى ...ممكن قهوه
أمير مؤشرا السكرتيره لتنصرف وتاتى بالقهوه
اه والله نفسى فى فنجان قهوه لو حد حابب يعزمنى على قهوه يقولى فى التعليقات 😅
نرجع لامير وعادة
أمير ...شرفتنا يا استاذ هادى
هادى ..ههه استاذ ايه هادى علطول
أمير بتعجب فهو يعلم جيدا أنه الغراب وهذا ليس من طبعه لكنه قرر مجاراته
أمير مبتسم...طبعا اللى تحبو
هادى ...سيجار
أمير شكرا مبشربش
هادى ….معقوله العمر دا فى أميركا ومتشربش سيجار
أمير ...للاسف كنت بشرب بس قررت ابطل
هادى ...قاطعته السكرتيره باحضارها القهوه ...اتفضل يا هادى بيه
أمير اتفضل قهوتك قبل ما تبرد
هادى ...شكرا نتكلم فى اللى جاى ليه
انا كلمت محسن بيه وقلى ع التسريب اللى حصل فى شركتك وانا…
يرد أمير دون انتظار تكملة حديثه
أمير التسريب حصل فعلا بس مننا مش من حد بره وان شاء الله هنقدم جزء كبير للمشروع بكره
هادى ...اتمنى المشروع ميرحش لحد غيركم
أمير من الناحيه دى متقلقش انا عارف بعمل ايه وواثق فى الجروب بتاعى
هادى ...استعد للانصراف..اتمنى فعلا واكيد هكون متواجد فى جلسات بكره عشان اققدر اقرر أن كنا نكمل معاكم ولا هنحتاج شركه تانيه ناهيا حديثه بمد يده للسلام والذهاب
أمير ردا عليه ...اكيد الموقع تحت امرك اى وقت
أمير شرفتنا
هادى ...هههه الشرف ليا وان شاء الله نتعرف ع الجروب بتاعك فى اققرب وقت
أمير وقد احس أن المقصود علياء ...اتمنى بس انا شغال بيهم فى سريه
هادى لاء ما احنا المصلحه واحده ولا ايه
أمير ناهيا حديثه بوصول الاسانسير اه طبعا واحده وصل سلامى لانكل محسن
ذهب هادى وعقله بعلياء فأراد روئيتها لكن لم يستطع أنا أمير فوصل الشك لعقله وظل يفكر بغرفة مكتبه
السكرتيره ...أمير بيه أنا خلصت شغلى تسمحلى امشى
أمير حد ليه هنا من الموظفين
السكرتيره ...لاء يا فندم كلو مشى
أمير تمام اتفضلى انتى
ذهب الجميع وبقى هو بحيرته محاولا استجماع أفكاره وظل يمشى ذهابا وإيابا فى مكتبه إلى أن سمع أحدهم يستغيس
ذهب باتجاه الصوت ليجدها علياء وقد …………
وقد ايه يا ترى ايه اللى حصل لعلياء وهادى ناوى على ايه وهايدى كمان هتجبها لبر ولا لازم تاخد على قفاها كل دا واكتر الحلقه الجايه منتظره تعليقاتكم وتوقعاتكم البارت الجاى
وبجد شكر خاص لاجمل متابعين فى الدنيا
بحبكم فى الله
#عشقت_غموضه
#بقلمemy
لو التفاعل عجبنى هنزل بارتين بكره كمان
تصبحون على خير وتحقيق ما تتمنون 😘
