ليس حباً_انه_كالجحيم..!

الفصل الاول

يوم جديد وخلاص قررت انزل مع امي الشغل بعد مسبت شغلي القديم، وكالعادة عندي حماس اللي مش بيدوم كتير.
نسيت اعرفكو بنفسي:انا ماريا عندي 19 سنه في كليه خدمه اجتماعية، شغلي القديم كان مشرفه فمصنع وطبعا اول مره انزل اشتغل فمكملتش كتير، شغلي الجديد هو محل خضار بتاع اخويا.
_اول يوم الساعه جت 10ونص
ماما:يبنتي يلا اتاخرنا(ماما شغاله برضو فالمحل مع اخويا)
انا وبجرى عشان الحقها:يلا انا خلصت اهو
روحنا المحل عرفت الدنيا بتمشي ازاي واتعامل مع الناس ازاي وكل حاجه كانت تمام.
تاني يوم الصباح جسمي كله متكسر من الوقفه والصداع مش راضي يسبني بس قومت لبست وروحت مع ماما
وصلت المحل الدنيا عاديه زاي امبارح، وسط اليوم جه واحد كلم اخويا علي فلوس (فلوس المايه بتاعت المحل) اول مشوفته منكرش انه شدني ومجاش فبالي فرق الاديان لان المنطقه اغلبها مسيحيين بسبب ان في دير قديم قريب من مكان المحل،
الشاب: بقولك يا كيرلس (اخويا) فلوس المايه جت ونصيبكو 60 ج
ماما:بس يبني احنا متفقين مع ابوك الله يرحمه اننا مش هندفع مايه عشان احنا مش بنستهلك مايه اصلا
الشاب:والله يامي انا معرفش الحوار ده الله يرحمه مقاليش حاجه زاي كده
جرجس(اخويا التاني) :يصحبي ولا يهمك الفلوس اهي بس احنا مش هنكدب بس عادي
الشاب:يا جرجس واحد والله لو مش عاوز تدفع خلاص
جرجس:لا يصحبي اهم مش هتفرق
مشي وكل واحد فينا ركز فاللي كان بيعملو وانا طبعا كنت بحاسب الزباين نسيت اقولكو محلنا محل خضار مشهور اووي بالتالي علطول بنبقا زحمه شويه المهم نرجع تاني للشاب اللي شادني لي
انا:ماما هوا صحاب العماره دي مسيحيين صح؟
ماما:لا
انا بعد مسمعت كده قولت عادي اهو هيبقا زايه زاي غيره منا طبعا مش هعمل اللي عملتو زمان وارتبط بشاب مسلم تاني كفايه اللي حصل زمان، بس ساعتها ماكنتش اعرف اني هشوفو علطول.
وقفت تفكير بقا عشان اشوف شغلي بعد حوالي ساعتين ظهر تاني جنب المحل اول مشوفته خطف نظرى بس عملت نفسي كاني بحاسب بس انا واخده بالي انه عمال يبصلي كل شويه ويشوف اي حوار عشان يدخل المحل عندنا والموضوع بالنسبالي كان عادي هياخدلو يومين بالكتير ويعجبني اي واحد تاني بس مجاش فبالي اللي هيحصل بعد كده....!