روحت الشغل النهارده ومشوفتش محمد خالص طول اليوم ودي حاجه غريبه ده علطول يفضل رايح جاي قدامي، ساعتها عملت نفسي رايحه اشترى حاجه عشان ارن عليه اشوفه ماله بس ماكنش بيرد عليا قلقت اكتر ومش هينفع اسال حد عليه وكل اللي عملتو اني استناه يكلمني او حتي يبعتلي مسج.
روحت البيت عالساعه 9ونص وماكنش لسه كلمني اعدت شويه لاقيته بعتلي مسج
_ماريا
_انت فين يزفت من الصبح وبرن عليك مش بترد ليه
_في حاجه كنت بفكر فيها وماكنتش عاوز اكلمك الا لما الاقي حل
_حاجه اي وحل اي انا مش فهمه حاجه
_ماريا..
_نعم والقلق بدا يزيد كان في حاجه هتحصل
_انا بحبك مش عارفه ازاي وامتا بس انا حبيتك
-عارف انه مينفعش بس حبيتك مش بايدي برتاح معاكي فالكلام بتفهميني
-النهاردة اليوم عدي بالعافيه عشان مكلمتكيش
-بس كنت بفكر في رد فعلك هيبقا اي لو اعترفتلك
كنت خايف لاحسن تبعدي عني
-بس فكرت اني ممكن اندم لو مقولتلكيش.
وانا عماله اشوف الكلام ومش عارفه ارد اقول اي منكرش ان انا كمان حبيته ومتعلقه بيه بس... بس مش هينفع ازاي هنبقا مع بعض طب اهلي طب اريا هيعملو اي لو عرفو في نفس الثانيه
_انا عارف انك عماله تفكرى في اهلك هيعملو اي لو عرفو وفي فرق الاديان بس ناس كتير زاينا ومكملين حياتهم عادي وانا مش عاوز ابعد عنك ولا عاوز اشوفك مع غيري
مش عارفه ساعتها اي اللي حصلي فضلت اعيط كتيير.. بقيت في وضع مش عارفه اقبله ولا ارفضو طب لو قبلتو اهلي لو عرفو هيحصل نفس اللي حصل زمان طب لو رفضت انا خلاص اتعلقت بيه انا شوفت فيه الاخ والصاحب والاب كاني بخسر نفسي لو خسرتو..
_انا كمان بحبك 😭😭
_انا مش مصدق والله حاسس اني بحلم بجد يعني انتي فعلا بتحبيني
_ايوا بس خايفه اووي
_متخفيش انا جنبك ومش هيحصل اي حاجه عشان احنا مش بنعمل حاجه غلط انا بحبك وانتي بتحبيني اي الغلط في كدا
وساعتها طمنت نفسي مع ان كان في جزء فيا بيقولي اللي حصل ده غلط ونفس سيناريو زمان بيتعاد
_لا مش غلط انت معاك حق
_وعد ودين عليا اني هفضل معاك لحد اخر العمر ومش هخليكي تندمي ابدا
من كتر كلامه جزئي ده انطفي خالص وبقينا مرتبطين نتكلم ونخرج وكل ده ومحدش يعرف عننا حاجه وكنت فاكره ان خلاص حياتي هتبقا حلوه كده لحد اليوم اللي كنت مع اريا فيه وسبتلها فوني ودخلت اجيب الاكل وخرجت
_يلا يست اديني جبت الاكل بس متتعوديش علي كده
_سيبك من الاكل دلوقتي انتي مخبيا عليا حاجه
_حاجه اي يبنتي انتي عبيطه وهخبي عليكي اي وليه
_لا مفيش حاجه
كلنا ساعتها وانا بقيت خايفه من اللي قالته ومبقتش عارفه هي بتتكلم علي اي وخايفه اقولها علي محمد ويطلع قصدها حاجه تانيه طب لو تقصد علي محمد عرفت منين ولا انا هقولها اي بس لا هتعرف منين انا مش قايله لحد بس لاقيتها بتقطع تفكيري
_ماريا عاوزين نتكلم بصراحه مع بعض بقالنا كتير متكلمناش
_ماشي بس نتكلم في اي
_عملتي اي مع الواد اللي حكيتيلي عليه
_ااا .. اهاا قصدك علي جارنا لا لا ده حكايته خلصت من زمان يشيخه انتي لسه فاكره
_لا مخلصتش انتي بتكدبي
ساعتها كنت بتمني الارض تتشق وتبلعني ولا يطلع ده كابوس وهفوق منه
_انتي ارتبطي بيه وشكله ضحك عليكي بكلمتين
_ارتبط.. ارتبط اي يبنتي
_متكدبيش رن عليكي وانا رديت ابعدي عنه احسنلك هيطلع زاي اللي فات واهلك يعرفو تاني وهتبقا مصيبه اكبر من اللي قبلها
_لا هوا بيحبني فعلا وبعدين انا مش بعمل حاجه غلط
_لا بتعملي غلط عشان خايفه تقولي لحد حتي انا عشان عارفه اني مش هرضي اللي حصلك زمان يحصل تاني
_لا صدقيني ده فعلا بيحبني ومش زاي التاني خالص ده شايلني جوا عينه وبيخاف عليا
_للدرجادي حبك عميكي لو خايف عليكي زاي مبتقولي ماكنش رضي بالوضع ده وهوا عارف ان مستحيل اهلك يرضو بيه بس هوا عاوز يتسلي وخالص ومصدق لاقي وحده هبله تصدق اللي بيقوله
_عشان صحوبتنا بس انا مش هرد عليكي بس متجبيش سيرته بحاجه وحشه
_ماريا.. انا خايفه عليكي افرضي عرفو تاني
_وهما هيعرف منين وحتي لو عرفو هوا قالي انا اللي هكلمهم ساعتها
_قلبي مش مطمن اسمعي كلامي المرادي عشان خاطرى متعمليش زاي المره اللي فاتت
_اسمعي انتي كلامي و صدقيني هتحبيه وهتعرفي ان كلامي صح
_مش عارفه اقولك اي
_متقوليش انا هخليه يجي معايا الجامعه الاسبوع الجاي عشان تاعدي معاه وتعرفي ان كلامي صح
_ربنا يستر
خلصنا ساعتها كلمنا بس كانت كل شويه تقولي بلاش وارجعي في كلامك كانها كانت عارفه فعلا اي اللي هيحصل بسبب اللي عملتو ده بس اللي حصل كان ماكنش حد يتوقعه ...؟
ياترى اي اللي حصل قولولي في الكومنتات❤❤
أنت تقرأ
ليس حباً_انه_كالجحيم..!
Romanceانها حكايه الحب المحرم في البلاد العربية . انها معاناتي والالام التي ظلت تصاحبني طوال هذه الفتره. لكن لا انكر انني رغم كل ذلك مررت بلحظات سعيده لن تتكرر مره ثانيه.
