ياريت يبقا في دعم عشان اكمل لو عاوزين باقي الروايه قولولي فالكومنتات🙂❤
يومنا خلص وروحت بس فضلت افكر فيه بس للحظه.... رجع كل اللي حصل زمان ولما اهلي عرفو واتمنعت من الخروج والفون وحياتي كانت جحيم ورجعت لعقلي تاني ونمت علي كده.
اليوم اللي بعدو روحت الشغل برضو بس اللي حصل فاليوم ده مش هقدر انسه.. وصلت المحل والدنيا اتظبطت وروحت عشان اجيب فطار شوفت مين ايوا اللي خطف قلبي امبارح نسيت اقولكو ان لحد دلوقتي مش عارفه اسمه (≧∇≦)/ المهم كنت ماشيه لوحدي ومفهمتش بالظبط من امي المطعم فانهي حته واتلغبطت لاقيت صوت من ورايا بيقولي
:انتي بدورى ع اي وانا اقولك
الف وشي واتفاجئ بيه
انا:انا.. انا كنت بدور علي المطعم اللي هنا ماما وصفتلي بس مش عارفه اروح
هو:فعلا هوا يتوه شويه تعالي اوصلك
انا:لا لا متتعبش نفسك شاورلي انهي شارع وانا هروح
هو:ولا تعب ولا حاجه كده كده فطريقي الا لو انتي مش حبه
انا:لا عادي معلش هتعبك معايا
هو:لا يقمر ولا تعب ولا حاجه
ماشيه جنبه ونبضات قلبي عماله تكتر ووشي احمر ولا هممني حد م اخواتي يشوفني ويزعقلي ولا اي حاجه كل اللي هممني لاياخد باله م كسوفي ويفكر في حاجه.
وفجأه قطع تفكيري بسؤاله!
هو:انتي بقا قريبه ام جرجس ولا شغاله معاهم كده
انا وبضحك:ولا دي ولا دي انا اخت جرجس نفسه( ͡≖ ل͜ ͡≖)
ضحكنا وقالي اتشرفت بيكو انتو ناس محترمه والحج الله يرحمه مواصيني عليكو وقالي حطهم فعينك والصراحه انتو تستهلو تتحطو فالقلب قبل العين.
هوا قال الكلمتين دول وانا اتصدمت ياتري هوا يقصد اي م الكلام ده ووصلنا وانا بحمد ربنا انه خلاص هيمشي عشان مبقتش عارفه ارد عليه ب ايه
هو:المطعم اهو تحبي استناكي عشان ارجعلك
انا:لا ربنا يخليك انا هعرف ارجع شكرا
لاقيت زاي اللي وشه كان منتظر اجابه تانيه وقالي ماشي علي مهلك، بعد مامشي وانا رجعت المحل وانا عماله افكر ليه وصلني، هوا في دماغه حاجه، طب هوا يقصد اي بتتحطو فالقلب والعين دي، وشويه وقول لنفسي يبنتي عادي انتي يعتبر جارته ووصلك خدمه عادي حتي لو مش جارته اهو ساعد والحوار خلص خلاص وماكنش كلمتين قالهم مجامله.
اخر اليوم بقا بعد مروحنا فكرت اخد احتياطاتي و قولت اقول لامي اللي حصل بس طبعا بطريقه تانيه..
انا:ماما شوفتي مش وانا ريحه الصبح اجيب الفطار توهت وماكنتش عارفه اروح
امي:ي هبله وعملتي اي
انا:مفيش عارفه الواد اللي كان هنا امبارح
امي:انهي ده
_يامي الواد اللي جه ياخد فلوس المايه
_اه محمد ماله
_متهيالي شافني وقفه فالشارع عماله ابص يمين وشمال فاخد باله اني بدور علي حاجه جالي وقولتله عاوزه اروح المطعم راح شاورلي وشكرته ومشيت
_طب كويس اديكي عرفتي يارب بقا متهيش بكره مانا عارفاني
ضحكنا وهي قالتلي هتنام وانا اعدت علي فوني بقلب فالفيس عادي لاقيت الاكونت بتاعه دخلت كنوع من الفضول بتفرج علي صورهه وكل صوره تعجبني اكتر من اللي قبلها وبالغلط دوست علي اللايك شيلته بسرعه وخوفت انه يحسب اني دورت على الاكونت بتاعه ماكنتش عارفه اعمل اي ساعتها اعملو بلوك طب ماهو هيفضل عنده الاشعار برضو وانا حاطه صورتي بروفايل، روحت قولت انا هنام ولو جه يقولي حاجه هقوله الحقيقه وانه ظهر قدامي صدفه بس المشكله اني اتفرجت علي صور كتير والصوره دي كانت قديمه شويه يعني حتي لو صدق انه صدفه ممكن يفكر في حاجه، طمنت نفسي وقولت
_ كده كده انا ريحه الجامعه بكره وعقبال ميجي اليوم اللي بعده يكون نسي. ونمت اليوم ده بالعافيه بسبب التفكير فيه!
النهارده صحيت بدرى شويه عشان قال اي يعني عندي محاضره بدرى ولازم احضارها وانا ولا بحضر ولا نيله المهم نزلت مع صحبتي اريا(اسم مستعار)
اريا دي بقا ليها دور كبير فاللي هيحصل بعد كده المهم اعرفها من ثانوي تافهه زايي وبتديني شويه نصايح في اي مشكله بحكيهلها و غير كده انا فعلا بعتبرها اختي ومتعلقه بيها جداا.
اول ما اريا شافتني
_ايوا يستي بقيتي مشغوله وبقالك يومين مش بتكلميني الواحد لازم ياخد معاد بقا منتي بقيتي مهمه
انا:يست اتنيلي المهم في حاجه حصلت بس متزعقيش وقوليلي اعمل اي... حكتلها كل حاجه بالتفصيل واد اي هوا شاددني.
بعد مخلصت كلام مستنياها تتكلم لانها اعده طول الوقت ساكته وانا بحكي كانها قنبله قربت تنفجر فوشي بس كانت عكس كده خالص
اريا:بصي يا ماريا احنا مش هنعيد اللي حصل تاني ولا انتي نسيتي لو نسيتي افكرك
_لا منستش وانا معملتش حاجه اصلا كل الحكايه واحد ساعدني وقال كلمتين ومشي وانا بحكيلك عشان تقوليلي اتصرف ازاي لو قالي حاجه علي موضوع الايك
_لا الموضوع مش كده قلبي حاسس بحاجه تانيه انا بقولك من دلوقتي لو حصل تاني ساعتها انتي اللي هتزعلي
_لا انا مش هعمل حاجه ولا اكلمه تاني ولو كلمني هكسفه خلاص
_ياريت اللي بتقوليه ده يحصل واحساسي يطلع غلط
خلصنا كلامنا و اعدنا ناكل وانا طول اليوم تفكيرى كله علي اني مش هعمل زاي زمان واريا احساسها مش هيصدق المرادي بس للاسف طلعت انا اللي غلط واللي اكدلي ده تاني يوم بعد مروحت المحل..
أنت تقرأ
ليس حباً_انه_كالجحيم..!
Lãng mạnانها حكايه الحب المحرم في البلاد العربية . انها معاناتي والالام التي ظلت تصاحبني طوال هذه الفتره. لكن لا انكر انني رغم كل ذلك مررت بلحظات سعيده لن تتكرر مره ثانيه.
