اعاده بسيطه
اريا عرفت اني مرتبطه بمحمد واقنعتها انها تشوفه وتاعد معاه عشان تعرف ان كلامي صح وانه كويس وبيحبني.
يومنا خلص وكل وحده فينا روحت بس حسيت كان كان في جبل علي ضهرى واتشال لما اتكلمت مع اريا واول مامسكت فوني لاقيت محمد بعتلي مسج كتير وانا طبعا كنت بتكلم مع اريا ومش عارفه ارد عليه يدوب لسه هرد عليه واقوله اني لسه دخله البيت واحكيلو لاقيته بعتلي يقولي
_هي خلاص اقنعتك انك تسبيني خلاص هتتخلي عني وارجع لوحدي تاني انا مش هممني دينك ولا ديني وعندي عادي اني اتجوزك وعادي انتي هتبقي مراتي وعلي ديني
ساعتها اتصدمت مراتك ممكن علي دينك احنا متفقناش علي كده ساعتها رديت عليه
_دينك منت عارف اني هفضل مسيحيه زاي منا
_ولو قولتلك تبقي مسلمه يعني
_يبقا بلاش خالص
_بلاش قصدك اي يعني
_زاي مفهمت كده انا مسيحيه زاي منا واحنا اتكلمنا قبل كده فالموضوع ده بس حتت انك تكلمني بالاسلوب ده كانك بتهددني مبحبوش
_انتي اللي بتهدديني دلوقتي وبتقوليلي خلاص بقلب جامد وكان صحبتك لعبت في دماغك
_محدش لعب في دماغي انت لو صبرت كنت عرفت اني اقنعتها بيك حتي قولتلها هخليكي تشوفيه واعد مع بعض عشان تتصاحبو وكده لكن انت اللي بنتكلم في موضوع منتهي
ساعتها بعد عن حوار ابقا مسلمه ده وكلمني علي اريا
_نتقابل؟ وبعدين انتي ليه مدياها اهميه دي مجرد صحبتك صدقت مصدقتش دي حياتنا ملهاش دخل فيها
_علفكرا دي اختي مش صحبتي وهي بتفهم اكتر مني وهتخاف علي مصلحتي اكتر من اي حد
_قصدك اي يعني انا بضحك عليكي مثلا ولا مش بخاف عليكي مش بقولك شكلها لعبت في دماغك
_بقولك اي شكلك فاضي وعاوز تتخانق وانا ماليش مزاج تصبح علي خير احسن
_احسن برضو سلام
ساعتها قفلت ومحدش كلم التاني لمده يومين حتي لما كنت بروح المحل ماكنتش بلمحه حتي وقلقت عليه وفكرت اكلمه بس قولت اكلم اريا احكلها الاول، ساعتها قالتلي لا سبيه لحد ميكلمك هوا انتي معملتيش حاجه غلط هوا لو بيحبك هيجي يصلحك سمعت كلامها وتانى يوم بعد مروحت لاقيته بعتلي
_يعني هي كده خلصت خلاص
_اللي انت عاوزه
_يعني اي يعني
-يا ماريا انا بحبك والله اكتر من عيني بس انتي اللي دايقتيني لما قولتي صحبتي تخاف عليا اكتر م اي حد
_ماكنش قصدي عليكي بس هي بتنصحني عادي منت قولتلك ع اللي حصلي قبل كده
_ماريا انتي لو عوزاني اتصل باخوكي دلوقتي اقوله اني بحبك وعاوزك والله اقوله
ساعتها طبعا زاي العبيطه م الخوف قولتله لا بس ياريتني كنت وافقت كنت عرفت نيته من الاول المهم اتصالحنا ورجعنا نتكلم عادي وقولتله اننا هنتقابل في الجامعه السبت الجاي اللي هوا بعد يومين عشان هو واريا يتعرفو علي بعض
تسريع للاحداث
السبت الصبح
اتقابلنا احنا التلاته فالمترو الجو كان رخم بينهم لان محدش كان طايق التاني حاولت اخليهم يهزرو مفيش اي رده فعل فقولت اعد ساكته احسن لحد منوصل الجامعه وناعد في حته هدوء نتكلم المهم وصلنا وخليتهم اخيرا يتكلمو مع بعض واتعرفو وبعد وقت الاعده قلبت هزار وضحك وكنت مستغربه اووي ده انا قولت هيمسكو في بعض بس فرحت انهم خادو علي بعض بسرعه المهم محمد راح يجبلنا اكل انا لارسا
_ها اي رايك
_الصراحه هوا عسول ودمه خفيف وشكله طيب
_شوفتي قولتلك هتحبيه
بس ساعتها حسيت اني ادايقت او بمعني اصح غيرت ليه بتتكلم عليه كده هي بتفكر في اي، اعدنا ساكتين لحد ما جاب الاكل وجه كلنا واعدنا نتكلم تاني وراحت اريا سالت محمد سوال صدمني بس اجابه محمد هي اللي صدمتني اكتر
_انتي حبيت ماريا ليه
_انا ذات نفسي مش عارفه بس مرتحلها بحسبها فيها طيبه امي الله يرحمها وخوفها عليا مخليني مش عارف ابص لغيرها
-طب اقولك ع حاجه انا ساعتها بفكر اني انهي العلاقه دي لمصلحتها انا بالنسبالي عادي بس خوف عليها بس مش بقدر حتي اكمل تفكير حياتي م غيرها وحشه
حسيت ساعتها اني هعيط م كلامه اد اي هو بيحبني انا اللي صح اريا المرادي غلطت ده البني ادم اللي كنت بدور عليه طول عمرى بس ياتري هكمل معاه لحد امتا.....!؟
المهم روحت اليوم ده وكنت مبسوطه علي الاخر كاني كنت هطير بس يا خساره مفيش فرحه بتكمل روحت لاقيت ماما بتتكلم في الفون
_اهي عروستنا جت اهي خدي سلمي علي مرات خالك
خدت الفون وانا مش فهمه حاجه المهم سلمت وكالعادة اديت الفون لماما بسرعه خلصت هي المكالمه ولاقيتها بتندهلي
_ماريا...
_نعم يا ماما
_تعالي عوزاكي في موضوع
روحت وكنت المفاجأة اللي ماكنتش متوقعاها
_دلوقتي يحبيبتي ابن خالك مينا عاوز يجي يخطبك اي رايك
انا مبقتش عارفه اقول اي صدمتني طب محمد هعمل فيه اي كملت كلمها
-ده خلاص كام شهر وهيتخرج ويبقا دكتور قد الدنيا ومحترم ومفيش احسن منه وملكيش حجه بقا
ساعتها حسيت ان جالي شلل في لساني هرد اقولها اي طب لما ارفض حجتي فعلا هتبقا اي قطعت تفكيري
_ها يبنتي مرات خالك ام مينا عماله تزن عليا بقالها فتره بس كنت عاوزه اقولك بعد متخلصي امتحانات بس اتصلت النهارده مخصوص وحلفتني اقولك النهارده وعشان تعرف الرد
تخيل/ي نفسك مكاني بتحب/ي واحد/ه واهلك عاوزين يجوزوك/ي حد تاني حاجتك هتبقا اي
_ماما انا لسه صغيره عالاقل لما اخلص الجامعه اهم حاجه دراستي مش علي طول بتقوليلي كده
_بس نصيبك يبنتي جه والواد كويس ده احسن حد في عيال خلانك
يا امي افهمي انا بحب واحد تاني وروحي فيه
_لا ياماما مش عاوزه اشغل بالي دلوقتي بالحاجات دي
لاقيت نبرتها اتغيرت
_يعني اي يعني انتي في حد في دماغك انتي بقالك فتره مش مظبوطه وفي حاجه مش قيلالي عليها
_ح حد اي ي امي م ماانا قولتلك انا مركزه في دراستي عشان اسافر وبعدين انا علطول معاكي في المحل مين بقا اللي هيبقا في دماغي
_المهم انا هقولها سبيها يومين تفكر بس بعد يومين هتبقي موافقه
ساعتها مبقتش عارفه اعمل اي خايفه افضل ارفض فتتاكد ان في حاجه طب محمد انا هعمل فيه اي المهم اعدت جه تاني يوم نزلت معاها عادي كنت بشوف محمد بس مش عارفه اضحك وشكلي حزين وعماله يبعت مسج يسالني مالك وانا عماله افكر هقوله ازاي
ولما روحت كلمني وكنت مضطرة اقوله بس مجاش في بالي رده فعله هتبقا بالشكل ده.......!
معلش اتاخرت عليكو بس عشان الدعم يكبر وانشالله هنزل بارت كل 3 ايام واهو طولت البارت زاي مطلبتمطلبتو❤❤
أنت تقرأ
ليس حباً_انه_كالجحيم..!
Romantizmانها حكايه الحب المحرم في البلاد العربية . انها معاناتي والالام التي ظلت تصاحبني طوال هذه الفتره. لكن لا انكر انني رغم كل ذلك مررت بلحظات سعيده لن تتكرر مره ثانيه.
