မေမေတို့အိမ်မှာ လူတွေအကုန်ရောက်တုန်း သူက ဒီဖက်အိမ်ကို ထွက်လာခဲ့လိုက်သည်။ ယသော့်ကို 'ငါ့ဘဝထဲက အပြီးအပိုင်ထွက်သွားလို့' ပြောခဲ့တဲ့ ဒီနေရာမှာပဲ သူ့ရဲ့ ဘဝကိုလည်း အဆုံးသတ်လိုက်ဖို့ ပြင်နေမိသည်လေ။
"တောင်းပန်ပါတယ် ယသော်။ ခဏလေးနေရင် ငါနင့်နောက်ကို လိုက်လာတော့မှာ အဲ့ကျမှ မျက်နှာချင်းဆိုင်ပြီး ငါ့အမှားတွေအတွက် သေချာပြန်တောင်းပန်ပါ့မယ်"
မဒီခေတ်က ဓားလေးကို လက်ကောက်ဝတ်ပေါ် တင်လိုက်လေသည်။
"နင်မရှိမှတော့ ငါ့ဘဝက သေသွားတာနဲ့ ဘာခြားတော့မှာလဲ" ဆိုပြီး နင့်အသက်နဲ့ ခြိမ်းခြောက်ခဲ့ဖူးတဲ့ ဒီဓားလေးကို အခုတော့ ငါလည်း နင်မရှိတဲ့ဘဝမှာ မနေနိုင်တာမို့ ပြန်ပြီးအသုံးချရတော့မယ်လေ။
မဒီခေတ်က မျက်စိစုံလုံး မှိတ်လို့ ဓားကို လွဲချလိုက်တော့၏။ သူ့ရဲ့လက်ကောက်ဝတ်မှာ သွေးတွေ စိုရွဲလာတာကို ခံစားလိုက်ရပြီလေ။ ဒါပေမယ့် ထူးဆန်းတယ် နာလွန်းလို့ထုံသွားတာလား နာကျင်မှုကို သိပ်မခံစားလိုက်ရသလိုပဲ။
"ဟယ် သမီးလေး မလုပ်နဲ့လေ"
"မလုပ်နဲ့ မဒီ!"
"ဟာ ... သမီး!!!"
နားထဲမှာ ဖေဖေ မေမေ ကိုကို တို့ရဲ့ အားဟစ်တကြီး တားမြစ်သံကို ကြားနေရသည်။ အားလုံးကို တောင်းပန်ပါတယ် သမီး ယသော်နောက်ကို လိုက်သွားတော့မယ်နော်။
"မဒီ!!! မဒီ!"
သူ့ကို ကိုင်ဆွဲလှုပ်လာကြသည့်မို့ မျက်လုံးဖွင့်ကြည့်မိလိုက်သည်။ ဟမ်... သတိက ဘာလို့ အခုထိ မမေ့သေးရတာလဲ။ သူ... သူ့ရဲ့ လက်ကောက်ဝတ်ကို ကယောင်ကတမ်း ပြန်ကြည့်လိုက်တော့ လက်မှာ သွေးတွေချင်းချင်းနီနေပေမယ့် ဘာဒဏ်ရာမှ ရှိမနေခဲ့ပါဘူးလေ။
"ကြံကြီးစီရာ သမီးရယ် ဘာဖြစ်လို့ ဒီလိုမိုက်မိုက်ကန်းကန်းတွေ လုပ်ဖို့ စဉ်းစားရတာလဲ။ တစ်ခုခု ဖြစ်သွားရင် မေမေ့တို့ ရင်ကျိုးမှာကို မတွေးမိဘူးလား ဟမ်! ယသော်လေးလဲ ဝမ်းနည်းနေမှာပေါ့ သမီးရဲ့"
သူ့ကို ပြောပြောပြီး ငိုနေသည့် မေမေစကားတွေကို နားမဝင်နိုင်ဘဲ စိတ်ထဲမှာ မရှင်းလင်းဘူးဖြစ်နေတယ်။ သူသေချာပေါက် ဓားနဲ့လည်းဖြတ်ချလိုက်တယ်။ သွေးတွေလည်း ထွက်လာပါတယ်။ ဒါပေမယ့် ဘာဒဏ်ရာမှ မရဘူးဆိုတော့
