❤صُدفه💜

12

تعبتوا من كلمة كتابة وتأليف صح😂اه عشان ما تزعلوا😂😂
بقلم:هبه ♥

ملك:مي تعالي دايراك ...
مي:ملك..جيت
ملك:اتفضلي شوفي المصيبة الجديدة....
مي:دا شنو دا ...يا ملك ما ممكن يعني دي المرة التانية تبدلي شنطتك مع زول😕في زول بيغلط غلطة زي دي...
ملك:اي في انا😤
مي:موقع شنطتك من الأعراب شنو..
ملك:والله ما عارفة أراضيها بس العارفاهو انو دي ما شنطتي وانا كنت حاسة من البداية انو في حاجة غلط..
مي:طيب مدام كنتي حاسة انو في غلط..ليه ما اتفقدتي شنطتك...يا ذكية..
ملك:كدي اديني حاجة البسها لحدى ما نشوف قصة الشنطة شنو...
مي:تعالي...حقو الزول يخليك قاعدة بي عصيرك دا عشان تاني ما تغلطي غلطة زي دي...
ملك :مي...بطلي سغالة ..
___________

ما دام الغيب بيد الله فتوقعه جميلا💫♥

-----------
من ناحية تانية:
احمد:عمر استني..
عمر:في شنو..
أحمد:ماشي وين ..
عمر:الشغل يعني وين
احمد:عمر..كفاية..محسسني بالذنب حتي الآن وبعد مرور كل السنين دي ومشيلني هم أكبر مني..خلاص انساها وانسي الحصل وخلينا نبدأ صفحة جديدة..
عمر :نعم..ما فهمت
أحمد:خلاص..انسي..الزول كان اخير ليهو يموت في الحادث داك ولا يعيش العيشة العايشها هسي دي..
عمر:اياك تقول كلام زي دا تاني..انت فاكرني زعلان منك يعني
احمد:أيوة زعلان..لو ما زعلان ما بتكون كدة..
عمر:احمد انسي اني ارجع زي ما كنت لما كانت ملك موجودة لأن الشخصية دي هي الخلقتها وبوجودها هي موجودة وإذا ملك ماف حتختفي معاها..
احمد:حاول يا عمر صدقني..(بيقاطعوا )
عمر:معليش اتأخرت لازم أمشي..الحقني في المكتب وما تتأخر..عارفني دقيق في وقتي..

احمد:يا ريت ما حصل الحصل ولا عملت العملتوا..بعد السنين دي يا دوب اكتشفت معني الحب و انو الكان في قلبي لي ملك ما كان حب بل مجرد إعجاب واتسرعت وبتصرف طائش مني خربت حياتي وحياة 3 أشخاص معاي...يا ريت لو بقدر ارجع وأصلح الماضي...صح اني كملت حياتي بس عمر ما قادر يتجاوز💔ولحد الآن بتذكر لما رجع من المستشفى يومها💔
(فلاش باك):
(عمر:انا انتهيت خلاص...ما قادر...دي المرة التانية اتخذل فيها بسبب الحب..انا لي حبيتها لو كانت فضلت زميلتي مالو ما كان حصل الحصل😭ما كانت نستني علي الأقل...على الأقل كنت فضلت بالنسبة ليها coffee man😭
احمد:عمر لو سمحت اهدى وخليك متماسك..
عمر:اسكت ولا حرف...خلوني اطلع الجواي...
اسراء:عمر كدة انا بتاذي نفسك...وضغطك حيرتفع وحتحتاج للمهدأت تاني بعد خليتها
عمر:مالو ارجع للمهدأت اصلا انا خليتها لأن ملك ما بتحب الأدوية وخلاص هي مشت معناها مافي مشكلة اني اخدها..
الحبوبة:عمر عشان خاطري هدي نفسك وحتتيسر بإذن الله
عمر:ههه..حتتيسر..وين يا اسراء الأدوية جيبيها..
احمد:لحد الآن بتذكر انفعال عمر وتعابير وشو كان جسموا كلو بيرجف..والعرق دا بينزل زي الموية البشربوها..وكان في حالة اضطراب ومشوش وبياخد أدوية بكمية كبيرة منها مهدأت ومنومات وبقا في حالة تانية خالص..مر أسبوعين عليهو وهو بالطريقة دي وكان بهلوس بالليل وما بنوم إلا بالأدوية ودخل في حالة اكتئاب..يعني دي كان أول مرة في حياتي أشوف عمر عاجز بالطريقة دي..وبعد أسبوعين كدة...فجأة اتفاجأ بيهو الصباح جاهز وبيشرب في قهوة والأمور رجعت زي ما كانت قبل ما ملك ومي يجوا
قال لي:لقيتو سكرتيرة جديدة....
قلت ليهو: بي هجمة اي...يعني عايز ترجع الشغل
قال لي:وليه لا...
قلت ليهو:لالا مافي مشكلة..أهلا بعودتك..ومن يومها علي النحو دا بقينا شغالين)
عمر:(بيوصل المكتب)
الاستقبال:صباح الخير مستر عمر
عمر:وين هديل؟؟لسة ما جاات
هديل:انا هنا..وصلت قبلك حتى..
عمر:انجزي..الاجتماع جاهز..
هديل:أيوة بس مستر جوزيف قال انو ما حيقدر يجي المكتب هنا فالاجتماع حيكون في مكتبوا وبعدها عندنا رحلة لدبي لأن في مستثمرين عندنا معاهم اجتماع مهم..ان شاء الله تكون شنطتك جاهزة..
عمر:وليه ما كلمتيني من بدري انو الاجتماع اتلغي وما حيكون في المكتب..
هديل:سوري..نسيت..
عمر:دي المرة الكم انبهكما ما تقولي لي نسيت..
هديل:طيب ممكن نتحرك عشان ما نتاخر ..
عمر:غبية..(وبيمشي)
هديل:سمعتك علفكرة..(كريه..ما بيسمع كلامي..لكن برضو عسل)
{ودي هديل سكرتيرة عمر الجديدة شخصيتها بتشبه شخصية ملك بس ما شديد وبتختلف انو ملك من شافت عمر وهي بتكرهو أما هديل فمن ما شافتو وهي معجبة بشخصيتو وهو ما بعبرها طبعا أكيد لأن ما بقي مشاعر جواه}
بيوصلوا مكان الاجتماع
عمر:اديني ملف العرض ونادي زول ينزل لي شنطتي معاك
هديل:اتفضل...+شنطتك انت رفعتها في العربية؟ ؟
عمر:انتي ما بتفهمي ولا شنو!!منو السكرتير انا ولا انتي... دي مسؤوليتك😤
هديل :اي انا سكرتيرة لكن ما خدام عندك. ....
عمر:عارف..بس مسؤوليتك انك تتاكدي إذا اغراضي مكتملة ولا لا
هديل:لي انا مرتك😒
عمر:يادي النيلة علي يلي ورطني معاك
هديل:سمعتك علفكرة..
عمر:مدام سمعتيني ذكريني لما نرجع عشان تقدمي استقالتك 😒
هديل:وليه النكد دا يا عمر براحة كان ممكن تقول لي وحنرجع نجيبها..بلا مشاكل
(طبعا نقطة ضعفها شغلها )
عمر:نرجع؟انتي عويرة ولا شنو انا من مكاني دا تاني ما حاتحرك..
هديل:طيب جيب مفتاح  العربية
عمر:لا مستحيل اخليك تلعبي بي عربيتي انتي بتهظري صح!
هديل:انا طول عمري جادة!حاجي اهظر معاك انت! لي قال انت منو؟
عمر:انا مديرك
هديل:طيب يا مديري انا شلت مفتاح العربية وبلاش فضايح..خليك منتظر هنا...
يتبع..