❤صُدفه💜

5

كتابة وتأليف هبه💛

...........
من جهة مي..
ملك بقت ما فاضية لي لكن انا مقدرة ظروفها وبعد اشتغلت معاها في نفس المكان حسيت بيها أكتر صح انو انا ما بظهر كتير بس بكون اغلب الوقت مع حبوبة ومملية علي وقتي ما بتخليني امل كلو كلو بتونسني وعاملة لي موضوع وكدة طبعا هي بتحبني حب وانا كمان بحبها وبحبها اقعد معاها طوالي وفي يوم من الايام سمعت أحمد بكورك لي واول ما طلعت ليهو لقيت ملك مع عمر وأحمد معصب شديد وبقول لي شوفيهو مالو
............
من جهة أحمد..
ما استحملت شوفت ملك مع عمر وهي بتراعي فيهو بالطريقة دي وخايفة عليهو كدة غرت اتمليت غيرة تقريبا في اللحظة ديك الحب بقا عندي فوق الخوة وفوق كل شي وحاولت ابعد ملك عن عمر واشوفوا مالوا ونخلص سرعة سرعة عشان اسمع رد ملك..

.......
ملك ....
تعالي يا مي شوفي عمر جسمو زي النار عليك الله مالو😭😭😭
افحصي عليك الله كلو بسببي انا😢😢😢😢
مي:دقيقة اشوف مالو كدي قومي....
طيب....
مي:حمي عادية بي المكمدات بتروح والهلوسة دي بسبب درجة الحرارة العالية هسي انا حاعمل ليهو مكمدات...
خليها انا بعملها ليها
احمد:لالا يا ملك خلي مي تعالي انا عايزك
لكن يا أحمد. ..
ارح معاي ومسكني من أيدي
براحة كدي فك يدي...
اسف .....اه جوابك شنو...
بالنسبة لي شنو ....
بالنسبة لي عرسنا ....
والله حاليا انا ما بقدر اجاوبك اديني وقت ....
كيف يعني وقت قدر شنو...
انا اول ما ألقي الجواب بجيك...
طيب ما تقعدي مع عمر كتير عشان انا بغار....
لا عليك الله ما تقول لي استقيلي من الشغل...
ما قصدت كدة..
اومال قصدت...شنو ومشيت منو...
آه يامي الحمي نزلت.....
يعني خفت....
خلاص قومي انا حاكمل الباقي..
ما مشكلة يا ملك انا بعملها.....
لالا قومي قومي سريع. ...
طيب حاقوم.....
امشي خلاص كان دايرة تمشي....
ماشة ....
عمر....عمر.....
اااه ..
حاسي نفسك اتحسنت او لا
امممم...
ما قادر تتكلم خلاص ما تتعب نفسك...
ملك....
نعم.....
مي:ملك
شششششششششش
مي:نأسف نأسف الفطور....
جيبو شوربة عمر هنا...
مي:دقيقة...هاك..وانتي
باكل بعدين اصلا ما جعانة..
مي:لكن...
ما لكن ولا حاجة اطلعي خلاص....
الحمد لله الحمي خفت....
عمر قوم الاكل ... عمر
ما عايز......
اسمع مني ما تتصرف زي الشفع الصغار يلا قوم....
بعد شوية...
لا هسي...
مللللك...
عمرر...
انتي حتتحديني حتي وانا عيان. ....
يب دا اسلوبي....
يلا قوم عشان خاطري....
خلاص ملعقتين بس ما عايز شوربة تعبت منها..
حاضر بس انت اطلب وانا اجيب ليك....
عايز بيتزا ينفع...
طيب هسي اطلب ليك. ...
صحي بمناسبة الطلب حاحتاج إجازة....
لي ان شاء الله....
لما اعرس حاحتاج إجازة ...
دقيقة دقيقة دقيقة عرس منو ومتين دا والعريس منو والكلام دا كلو حصل متين وما جبتي لي سيرة😢😢😢
هي عرسي انا لسة ما أديت احمد جواب...الليلة هو انت كنت فايق عشان أوريك بعدين انا وانت من متين أصحاب عشان نوري بعض حاجات زي دي..
أحمد منو وكيف يعني تعرسي لالا ما تعرسي وزول ما بتعرفيهو توثقي فيهو كيف لالا....اصحاب ومن زمان كمان
اخوك.....ما بتوثق في اخوك....ايواا تمام
كيف كيف أحمد اخوي دقيقة أفهم منو ...
اقعد ما تقوم هسي راسك بيلف اسمع مني يا عمر....
دقيقة كدي فكيني.....
عمر لكن .....
ما لكن ولا حاجة..
أحمد أحمد...
براحة يا عمر ما تجهد نفسك.....
احمد:خير في شنو ....
انت ناوي تعرس بي ورا اخوك
أحمد :كلمتيهو...اتوقعت...ناوي اعرس ااي عندك اعتراض
أحمد انا اخوك ما فكرت تكلمني.....
احمد:انا ما صغير عشان اوريك زي زمان بالصغيرة والكبيرة ...واوريك حاجة تعالى يا ملك (لبسني الخاتم )
لالا تمام...
أحمد:ارح يلا يا ملك...
لكن....
عمر :ما لكن ولا حاجة امشي معاهو وما تجي تاني
لكن يا عمر ....
عمر:أوريك حاجة يا ملك ....مي تعالي
مي :نعم
عمر:(طلع الخاتم من ايدها ودخلوا في اصبع الخطوبة )
مي:دا شنو دا...
عمر:خطوبه يعني شنو ...
مي:دا شنو دا خطبتوا لي بدون ما اعرف....
عمر:اي وهسي عرفتي خلاص...
ملك:دا شنو دا يا عمر انت بتحبها
عمر:عندك اعتراض......(ومشي ما خلاني اتكلمت )
دا شنو دا بالسرعة دي متين هو.....
أحمد قال لي ما تستغربي كنتي متوقعة غير كدة يعني..
قلت ليهو ما كدة لكن.....
المهم يا مي انتي موافقة؟؟؟؟؟
مي:هو موافق خلاص.....
خلاص تمام....
ومشيت اوضتي حسيت روحي متضايقة....ما قدرت استحمل الوقفة قدام مي ما بعرف لأول مرة احس باحساس زي دا.....كان احساس غريب......
تاني يوم من الصباح أحمد جا قال لي اختاري بطاقة من البطاقات دي عشان نطبع الدعوة......
ما كان عندي نفس اخترت وحدة منهم اي كلام واديتها ليهو.....
لمن مشيت لي مي قالت لي عمر قال حنطبع زي بطاقاتكم....
قولي لي برضو العرس في نفس اليوم😒😒😒😒
مي:عرفتي كيف😂😂😂
بتهظري صح
مي:لا والله جادة..
كيف يعني الكلام دا....عمر دا ما نصيح ولا شنو...لازم احددها معاهو الليلة وافهم هو عايز شنو بالضبط وفهموا شنو....
.....
من جهة عمر...

يتبع .......