❤صُدفه💜

8

كتابة وتأليف....هبه💖

وراسي كلو تساؤلات كيف ومتين يعني انا كيف ما حسيت بالموضوع لا دقيقة كيف اصلا ملك تعرس وكيف أحمد يتقدم ليها بدون ما يوريني لا انا كدة فاتني كتير....والصدمة الأكبر رد أحمد لي بعد ما سألتو كيف يقول لي انو هو ما محتاج يوريني بكل شي هو بيعملوا وكيف يلبس ملك الخاتم قدامي ما اتحملت المنظر وما لقيت خيار غير انو اخطب انا كمان ولقيت الخيار الأمثل بالنسبة لي مي ناديتها ولبستها الخاتم...الكل كان مصدوم انا ذات نفسي كنت مصدوم.....ملك سالتني انا بحب مي...ما قدرت اجاوبها سألتها اذا في اعتراض....ومشيت اوضتي طوالي حسيت اني خسرت حاجة حسيت بي فراغ ما قادر.....متضايق بس ما عارف السبب شنو حاسس اني ضيعت حاجة مهمة حاسي اني نسيت اعمل حاجة.....ما نمت وانا بفكر في الموقف الحصل دا😣😣😣😣ما عارف شعور غريب قمت استحميت ونزلت داير ادخل لي ملك اتذكرت انو المفروض امشي لمي ما ملك😭سالتني البطاقات قلت ليها اي شي زي ما حيعملوا ناس ملك حتي العرس وكلمي أحمد بالكلام دا عشان يعمل حسابو😟وطلعت من البيت واتمنيت اني ما ارجع😭😭😭
........................
مي.....
عمر صدمني بالخطوبة اصلا انا ما فكرت فيهو قبل كدة لكن علي كل حال هو سمح ومحترم تاني دايرة شنو وافقت عليهو لكن عرفت الحقيقة لما جا الصباح عشان يوريني انو عرسنا حيكون نسخة عن عرس ملك وأحمد....عرفت انو ما بحبني ومسحيل يحبني لانو قلبو وعقلوا ما معاي ما خلاني اتكلم بس فهمت انو خطوبتنا كانت مجرد لعبة عشان يغيظ ملك ويوريها انو هو بيحبها😖طلع من البيت ملك جات بقت تسال فيني وريتها وقالت ماشة تتشاكل معاهو🙆🙆
......................
ملك...
طلعت فتشتوا في الغرفة بتاعتو مافي تقريبا فتشتوا في البيت كلو وما لقيتو نزلت اسأل مي
قالت لي: مرق ....
قلت ليها:كيف يعني مرق وهو ما عندو حاجة برا البيت إضافة لانو عيان كيف بس وريني...
قالت لي: وآلله ما بعرف هو جا اتكلم معاي ومرق حتي قبل ما ارد ليهو...
قلت ليها : يعني حيكون مشا وين...
قالت لي : ما بعرف والله..
خفت خوف وحسيت انو في حاجة ما كويسة حتحصل بقيت اضرب ليهو كتير ما برد .....
يا الله مشا وين يعني....
قعدت في غرفتي وبقيت ابكي....
جات مي قالت لي عمر رجع. ..
الحمد لله وجريت ليهو جري ...
يعني انت تمرق علي كيفك بدون ما تكلم زول وتقفل تلفونك كمان 😢😢ودموعي ديل عشرة عشرة
قال لي:و اكلم زول لي في زول قعد يكلمني بحاجة في البيت دا وعاين لي أحمد😒
قلت ليهو :خوفتني😢
قال لي:ما تخافي ما حاموت😤
قلت ليهو هسي الجاب سيرة الموت منو😢
قال لي:انسي😑ومشي😢
قعدت أفكر لي انا ما بخاف علي أحمد زي عمر ولي ما بهتم بأحمد زي عمر
معقولة! !!!!!!
معقولة اكون بحب عمر ما أحمد 😱
ااي دا تفسير التصرفات بتاعتو الغربية دي واحسااسي بالذنب معناها انا بحبو وهو بحبني 😍
واي لكن أحمد ومي😯
كدي بعدين نشوف قصتهم هسي امشي ليهو ولا المفروض يجيني😑وخيرهما الذي يبدأ بالسلام👣حامشي ليهو🌚
طلعت ليهو شاكلني وكورك فيني وصلت معاهو لانو يطردني من اوضتوا....تمام انا ماشة وما حارجع يا عمر.....
وأنا ماشة لاقاني أحمد قال لي كنتي بتعملي في شنو عند عمر😠 انا ما منعتك تمشي ليهو😡قلت ليهو انت ما بتقدر تتحكم في حياتي بالطريقة دي😑قال لي ملك انا بحبك والمفروض تقدري اني بحبك ....قلت ليهو كذاب ما بتحبني ولا شي الحب قبل اي شي هو ثقة وانت ما بتوثق فيني خلاص انتهينا...قال لي ما تقولي كدة انا بوثق فيك بس بغار عشان كدة وانتي لي بتجري ورا عمر بالطريقة دي شافع هو عشان تراضيهو من غلطة لي غلطة ....قال لي تعالى معاي ومسكني من يدي ووشوا ما بيتفسر...ركبنا في العربية واول ما اتحركنا كدة قلبي مسكني💔بقا بيتكلم معاي وسايق قال لي اتذكرت حاجة وبقا يهبش في الكرسي الورا...بقيت اقول ليهو أحمد ركز انت سايق بعدين بتوريني...ما سمع مني....قال لي انا عارف انا بعمل في شنو....قلت ليهو أحمد العربيةةةة وعشان يتفاداها لف بسرعة ومع اللفة العربية اتقلبت💔ما ندمانة علي شي غير اني ما وريت عمر بحقيقة مشاعري علي الأقل كنت حسيت بي راحة وانا بموت😭💔ودا كان آخر شي فكرت فيهو😭

‏"لا تغادر أي موقف ، قبل أن تقول فيه كل شيء ترغب بقوله"
مازلتُ أود إخبارك بالمزيد بأشياء خبأتُها في صدري تتعلق بك وحدك أهمها،انني لم أُحسن حُب شيء كما أحببتُك.✨🖤

.....
عمر...
طلعتها من اوضتي عشان ما حابي اتعلق بيها خلاص عرفت انو ملك بالنسبة لي أكتر من صحبتي أكتر من سكرتيرة البيننا ما صداقة البيننا حب وما حسيت انو هي بتعني لي إلا لمن عرفت اني حاافقدها وهي ما بقت لي....قالت لي ما حترجع لو مشت ما اتخيلتها جادة للدرجة دي😢
اتصلوا علي من المستشفى وقالوا لي انو أحمد وملك عملوا حادث....اتجمدت في مكاني وحسيت بخيبة امل..بعد شوية استجمعت قوتي ومشيت لي مي كلمتها ومشينا المستشفي دخلت المستشفي وانا بقول يا رب يطلعوا ملخبطين ويكونوا أحمد وملك كويسين 💔😭.......

يتبع..