❤صُدفه💜

7

كتابة وتأليف....هبه💖

سمعتها بتقول انو انا مجنون طبعا اتعصبت لأن دي انا مرة زول يقدر يتطاول على او يقول عني كلام ما في مكانو رديت ليها وانا كلي خيبة وحزن بعصبية ايوااا انا مجنون...لالا تمام غلطان انا القلت مافي داعي للمشاكل من الليلة نبدا صفحة جديدة.. بس باين انو انتي ما بينفع معاكي الكلام الكويس... اهو بسبب الناس الزيك في حياتي بقيت عصبي ويائس بالطريقة دي😡😡😔😔😔لكن ما غلطانة انتي...ما استحملت ابقي ولا دقيقة ومشيت حاولت افضفض واحكي لي زول بيفهمني ومشيت لحبوبة ورقدت في رجلينها وبقيت احكي ليها حسيت بي راحة نفسية وما حسيت على نفسي إلا تقريبا بعد ساعة ونص استغربت انو كيف جاني نوم بعد كل السنوات دي نزلت اعمل قهوة ما بعرف بس جا في بالي اعمل قهوة لنفسي ما حبيت زول يعملها لي عملت قهوتي وشربتها مرقت شميت هوا ورجعت الاوضة لقيت ملك بتفتش فيني وهي مرعوبة.... جيت وقفت قدامها رصت لي الكلام بسرعة والله والله ما قصدت حاجة كعبة وانا اسفة ما تطردني علييك الله .....الأطفال احباب الله😟طبعا ضحكت فيها.. وقلت ليها القال ليك عايز اطردك منو قالت لي انا. .....قلت ليها واطردك لي اصلا...قالت لي عشان بسمعك كلام فارغ وما عندي موضوع..حبيت اهظر معاها شوية واجرب الشخصية الجديدة قلت ليها...هو دا السبب الوحيد المخليكي شغالة معاي للان...بتفرقي عني..😂
قالت لي ارقوز انا😠😢...حاقدم استقالتي بكرة طيب...قلت ليها استني ما قصدت كدة يا ملك...مشت ابت تقيف لي...
بقيت ماشي وراها وبنادي فيها...تعبت قلت اقيف شوية اتكلت في العمود قامت هي اتلفتت ادسيت منها والموقف اتقلب بقت هي تفتش فيني أصلوا ابيت افتح خشمي معاها بقت تقول ما حتخلي الشغل وبتاع وانا مصر اخوفها لحد ما نزلت دمعة من عينها حسيت بي الم في قلبي وكان في حاجة جواي بتقول لي كفاية ما تخليها تبكي ما تغلط غلطة زي دي تاني...قلت ليها قلتي ما حتخلي الشغل صح....قالت لي انتي غبي في مخك دا مشيت وين😢😢😢قلت ليها ما مشيت ولا حامشي مكان....قالت لي اااا بي هجمة كدة...قلت ليها امممم😅قالت لي دا شنو دا شربت جرعة زائدة من الدوا ولا شنو امشي ارقد نوم يلا ...اوصلك الأوضة ولا تمشي براك..... قلت ليها كيف يعني امشي برأي...قالت لي بكل طيبة وحنية خلاص بوصلك ارح........ادخل يلا ...ولا حابي تقيف جنب الباب هنا..قلت ليها ما عندي مشكلة طول ما انتي واقفة (انا بقول في الكلام دا لا اراديا اول ما اعاين في عيونها بنسي عايز اقول شنو وببقي في عالم تاني بكون سامع انا بقول في شنو بس ما بقدر أقول غير الكلام دا )...قالت لي استغفر الله ادخل يا عمر انا ماشة ...قلت ليها ماشة وين ما تمشي ياخ انا ما قلت ليك ما تخلي الشغل ....قالت لي..القال حاخلي الشغل منو عمر انت سكران ولا شنو...
قلت ليها. ما سكران ولا حاجة.....
قالت لي..خلاص ارقد نوم....
قلت ليها...انوم منو دا انا ما بنوم ....
قالت لي...كدي انت ارقد وانا أوريك تنوم كيف...
اها...
قالت لي...يلا غمض عيونك وفكر في حاجة او زول انت بتحبوا....
حاضر.....(اول ما غمصت عيوني اتذكرت لحظاتي مع ملك كلها كانو برجع فلاش باك )
قاطعتني وقالت لي:
والله انت سكران.....
قلت ليها:ما سكران ياخ قلنا....(وجواي انا شاكي اني سكران بس ما عارف سكرت كيف ووين ومتين😓😓😓)
قالت لي: خلاص معليش نوم.....
غمضت ونمت بس حسيت بي ملك لما قامت من جنبي لكن ما قدرت اوقفها ولكن مشت من جنبي حسيت انو مشت وتاني ما حترجع وبقيت بحاول اقوم بس ما قادر حاولت كتير بس ما قدرت حسيت نفسي مربوط في السرير ( زي الكانو في زول بقول لي خلاص حتكون كدة لآخر حياتك خلاص ما حتقدر تعمل حاجة تاني يدينك اتربطت الموضوع فلت من ايدك خلاص )بقيت اكورك وما قادر اقوم جسمي مكسر.....ملك جات جارية... مالك في شنو....وكبت فيني موية. ..وبقت تسألني انت كويس...سامعها بتتكلم بس ما قادر ارد ( ما عارف لساني بقا تقيل وراسي وجعني فجأة كدة )
سامعها بتنادي لاحمد اتمنيت انو ما يجي ما بعرف لي بس كدة حسيت انو ما المفروض يجي بقيت سامع صوتها بعيد فجأة طشيت...
تاني ما استوعبت إلا ملك وهي بتسالني اتحسنت او لا .... ما قدرت ارد قلت ليها اممم. ..... قالت لي لو ما قادر تتكلم ما تتعب نفسك....
قلت ليها....ملك....وردت لي بابتسامة نعم (كنت حابب اقول ليها كلام كتير وكلام ما ليهو حد بعنوان الصداقة 😸 بس مي قاطعتنا )
سكتتها بعصبية مي اعتذرت وقالت ليها يلا الفطور طلبت منها تجيب لي شوربة ومي جابتها لي....حتي استخسرت الاكل في روحها عشاني....قالت لي قوم عشان تأكل في الاول رفضت بس قالت لي اكل عشانها ولازم اعمل كل شي عشانها في النهاية هي صحبتي🌚💔...
لما قلت ليها اني تعبت من الشوربة وقالت لي اطلب... طلبت بيتزا وياريتني ما طلبت وشربت الشوربة ....صدمتني بي خبر عرسها لا والصدمة الأكبر انو اخوي حيكون راجلها في المستقبل....لالالا مستحيل وقمت وانا في طريقي لاحمد راسي كلو تساؤلات كيف ومتين..

يتبع..