الشيخه ليال

البارت التاسع والثلاثون

الكاتبه WhiteRose557

#الشيخه ليال

..........🦋

إليك أيها العزيز
يامن تدخل من أوسع نوافذ قلبي، رقيقًا كخيوط
شمس، ومرةً كعاصفة.. غزيرًا كغرق، خفيفًا کنسیم،
وأخرى عتیًا کریح
على كل حال، فإنني أُحبك.

.................🦋

ليال : ميسم لا تتاثرين بكلام بابا وركزي
بدراستج اكيد ماراح يبقى عل هذا الموقف بس هسه لانو الموقف لسه حامي

ميسم : انه وياج نعرف بابا وشنو كلامه بيبيتج ما قصرت هم الله يحفضها

ليال : بس احنه اقوا وما اتوقع ميسم الخبله را تستلم بهاي السهوله

ميسم : خبله بعينج

ليال : ههههههه هسه هاي اختي الاعرفها ....نشالله يوم اشوفج عروسه وانتي لازمه الحجي ادلينه الطريق ههههههههه

ميسم : ضربتهه بالكوشه ياا حقيرا كومي طلعي عن وجهي وييع

ليال : طلعت اضحك مادري اذا كدرت اخفف عنها بس اكيد الخيبه الي هي بيهه راح تاخذ وقت حتى تكدر تركنهه بزاويه من كلبها بس اكيد ماراح تنساها ...... مر اليوم عادي بس اجواء البيت مشحونه اجه عمي ويعقوب نهو كلشي والحمدالله انو نتهت بدون او اخذ موقف ماعدا مرت عمو الي هي اصلا من الاول ما جانت موافقه بس هاي فرصتهه حتى تسوي فتنه بينه بس عمو اكبر من عقليتهه التعبان اكيد راح تبر العلاقه بينه فترا بس ماراح تنتهي ......

.....نزلت للمطبخ ساعدت ماما بالغده الي محد اكله اصلا ليث ما اعرف شبي وليش شايل هموم الدنيا عل راسه وميسم عتزلت بغرفتهه وبابا وسعد طلعو من البيت كله بقينه بس اني وفخريه نطرك بي ..... من الملل قررت الهي نفسي كمت اسوي حلويات حتى اسوي كعده وي ميسم وليث اطلعهم من الجو الي هما بي

واكفه اخبط بمكونات الكيكه ودك تلفوني باوعت جاسر شلت التلفون وي دخله بيبي ماكدر اخذ راحتي ....الوو

جاسر : شلونك ياا حلو

ليال : الحمدالله انتي شلونج حبيبتي

جاسر : صوتي جنه محرك سياره مجنزر وتكليلي حبيبتي

ليال : ههههههههههاي

جاسر : خرب طااح حضج عل هاي الضحكه اااخ ليو يمي هسه

ليال : هممم شسوين

جاسر : اويلي اله اشلع شفتج واتوبج اضحكين هيج بعد

ليال : مممم اوك هههههه

جاسر : لا تونين ما اتحمل .....شجاي تسوين

ليال : حلويات وكيك

جاسر : همم اريد

ليال : اخلص وادز الكم

جاسر : اريده من ايدج