الكاتبه WhiteRose557
#الشيخه ليال
.........🦋
وتدري منک لو تصح کلمة شلونک ؟
چا گلتلک انتَ لوني
وباهتة سنين العُمر مِن بعد لونك
........❤
ليال : كعدت من الصبح واني اضحك عل روحي بدلت وكانو يوم عادي للجامعه وللامانه ورتبت نفسي زياده علموده اجتي علي بان وهي الثانيه تضحك عليه
بان : ههههه والله اخوي خطير
ليال : مو اكلج يشتغل بالمافيا ما تصدكيني
بان : ههههههه
ليال : وصلنه للجامعه هي ودعتني وراحت لقسمهه واني بقيت انتضر ما تاخر دك علي طلعت للباب ينتضرني بسيارته صعدت وياا باوعلي وبتسم
جاسر : صباح الخير
ليال : رديت عليه ابرود مال زعلانين صباح الخير ...ضحك ودار عل الكرسي الورا تفاجئت من خلا بحضني باقه ورد تجنن لارادين بتسمت وشلتهه شميتهه صراحه فاقدت الورده اليوم ما جابتلي بان وياها
جاسر : الوضع وياج و مال ورده جبتلج باقه بعد شراح تخليني اسوي بس الحمد الله عل اقل بتسمتي
ليال : باوعتله ببتسامه تخبل عاشت ايدك ....صفن بوجهي وتنهد مبتسم
جاسر : ادللي علي تستاهلين
ليال : حرك السياره .....وين راح تاخذني ...سحب ايد شبكهه بايده وكال
جاسر : لا تسألين اليوم انتي الي وبس
ليال : سكتت مبتسمه اخذت صور لادينه وي الورد الحركه الرسميه للبنات واني تعودت انو اصور الورده الينطيني ياها يوميه اخليهه story وهاي هم خليتهه وكتبت( يا فڪة عيون الگلب .ياميزتي البيها انَغر. صباحي انت 🙊❤)
....وصلنه قريب ماركت نزل جاب اغراض ورجع باوعتله بستغراب ...شنو وين رايحين ..مشى شوي وكف كدام عمارا كتله ...شنو جاي نزور احد
جاسر : نزلي شبيج توترتي شنو خايفه مني
ليال : لا مو هيج بس مستغربا المكان
جاسر : هاي العمارا بيهه شقه الي جنت اجي ابقى بيهه من اجي من بغداد علمود شغل
ليال :ي وليش جايبني ليهه
جاسر : خاطفج لان زعلانه يالله نزلي ....
ليال : كتفت ادي ما اريد انخطف رجعني للبيت
جاسر : ااه تنزلين لو انزل اشلج مثل المخطوفين ترا ما عندي مانع
ليال : باوعتله بتردد يسويهه ويفضحنه شلت الورد ونزلت وهوا نزلي شال الغراض ولزمني من ايدي سلم عل الحارس ودخلنه كتله ....لازم اسئل الحارس كم مرا داخل هاي الدخله
