الكاتبه WhiteRose557
#الشيخه ليال
...........💜
أحتاجُ وَجْهَكَ فِيْ الظَّلامِ الثَّائِرِ
ويدَيكَ في هذا الفراغِ الشَّاغِرِ
يافَجْرَ أُغنيتي, وَكَوكَبَ شَرْقِها
مُرِّي علىٰ عطشي كيومٍ ماطِرِ
.........
ميسم : هفيت عل وجيهه بعد ما كتلهه دخلت بصفنه ....وين وصلتي
ليال : يعني ما خطب
ميسم : بتسمت بعد ما باوعتلي بعيون تلمع من الفرح .....لا يا ستي ماخطب وبات تكول انو هوا الي متفق وي ابن عمهه لانه صديقه
ليال : هزيت راسي ..يي يي اكيد هوا الي مخطط الهذا الشي هسه فهمت شنو جان قصده بالكلام الي كاله بعصبيه لمه عل التلفون
ميسم : والله طلع مو سهل منو جان يتوقع يسوي هيج .....صدك وين جنتي انتي
ليال : ويا حبسني بالشقه حتى ما اروح وياهم
ميسم : هههههههههه..... وفر عليج المشوار
ليال : تنهدت ...بس جفصت اكثر من قبل وعقدت الامور وجاسر مو سهل ينسه
ميسم : تقربت يمهه حضنتهه ....راح ينسه وترجعون مثل قبل واحله مستحيل يضيع هذا الحب انتي بس انطي مجال يصفي عقله ويستوعب انو الي سويتي جان علموده
ليال : بحسره نشالله اصبر والله كريم كافي عندي انو هوا ما انطه بيه
ميسم : يي لان غركان بيج وبس ههههه
ليال : هههه شنو ست ميسم صايرا تنطين نصائح بالحب وانتي تاركه العالم متعذبه بسببج
تدرين من اول ما شفته بالمول اول مرا شلون يباوع عليج وزعجج عرفته معجب بيج
ميسم : تنهدت يعني اني الوحيده الي ما جنت منتبهه
ليال : ليش هسه دريتي انتي فاهيه
ميسم : مثل اختي غير
ليال : كومي لا ادفرج
ميسم : يعيني كايمه اتركج تحتفلين
ليال : ليش عيني عل شنو احتفل
ميسم : هههههه باوعلي بعيونج بالمرايه ونتي تعرفين ليش لازم تحتفلين
ليال : تركتني وطلعت تضحك كمت وكفت كدام المرايه فتحت الشال اباوع لعيوني صايره عيونه حمر حتى توجعني فتحت الشال شعري مكفش باوعت الركبتي وتلمست العضه مالته ....بتسمت عاضني بقهر ....بس ليش ما كلي هيج عاجبه قهري ..... نفذ كلامه وعذبني مثل ما كال .....اخذ راحتك ستاذ جاسر ......
...........💜
ميسم ......كميه الاحداث الي جاي تصير بحياتنه ولا بالافلام ذبيت نفسي عل السرير بعد يوم من شد الاعصاب وقهرا معدله عله ليال اسوء شي انو تشوف احد تحبه مر باحساس ما تتمنى العدوك .....تنهدت اتصلت برحاب لانو طول اليوم متجاهلتهه لانو ما ردت اعكر مزاجها وياي
