صباح الخير ❤
الكاتبه روز WhiteRose557
#الشيخه ليال
لمّني بـ رصيفك ورگ
رشني على وَجهك ماي
حطني على كترك صبّح
ضمني لـ نِداك فياي .
🦋🦋🦋🦋💙
هبه : بعد ماطلع كعدت انضف بالغرفهه سواهه حاويه دقيقه ونفتح الباب رفعت راسي عمتي ومريم والشر بعيونهن اهوو مالي خلك عركه ثانيه وهي بس شافت المنضر صرخت
ام يعقوب : عززززاه بعينج يااا عرمه ضيعتي المكنسه شسووو بوكاحتج يومه مهججته من البيت
هبه : هوا الي كسرهه مو اني يعني اني المفروض اهج منه وما اتحمل تصرفاته هاي
مريم : ي روووحي هجي عيني ليش لااا بس وين ترحين اذاا ابوج ذباج علينه وما اتحمل عرامتج
هبه : هااااي انتي سكتي لاااا اعرف شلون اسكتج عشتو ذبوني عليكم اشرفج انه ويالله كلبي وجهج وطلعي برا
ام يعقوب : شنووو شنووو وصلت بيج الاخلاق اطرينه يااا متربايه
هبه : بتسمت بمكر وكتفت اديه وكتلهه ... لا عمتو انتي عل راسي اني قصدي عل مريم لا تبقى وي الزباله خلي انضف وهلا بيكم باي وقت
مريم : محد زبااااله غيرج قليله الادب
ام يعقوب : يجي واني اعلمج اله اخلي يربيج من جديد
هبه : طلعو وركعو الباب وراهم اااخ لو االزمهم هسه واطلع حركه كلبي اني زباله بسيطه اله اربيج ذبوني عليج ياا حقيرا والله اله اندمج عل هاي الكلمه احس نار شتعلت بكلبي من تجي هيج عار تتشمت بيه بس مو الحق عليهه الحق عل بابا الي هنت عليه كدرت تعكر مزاجي بكلمتهه كملت تنضيف ودخلت ورجعت نمت ما اعرف جكد مر وقت وحسيت صوت بالغرفه فتحت عيوني رجع الزعلان وكاعد يبدل باوعلي كال
يعقوب : شوكت تخلص كالاتج اني ومي ومريم
هبه : الي يدك الباب يسمع الجواب
يعقوب : مخلي قاموس الوافي بالغرفه
هبه : لا نتناقس بالموضوع لان تعرف هما صعدو حجو علي واني اكيد ما اسكت رديت عليهم ف مو مشكلتي بحلقه الدراما الي يسووههه كدامك اكدر اسوي اقوا منهه كدام عمو واخلي ينطيهم المقسوم ...
يعقوب : هممم يعني انتي شاده ازرج بعمج مو
هبه : عمو ورده وما يقصر عني لان انسان حقاني بس بعد الي صار تعلمت انو ما اشد ازري باي احد غير نفسي ..... سكت يباوعلي تركته ودخلت للحمام احس الغصه وصلت الحنجرتي بجيت غصب عني مسحت دموعي وغسلت ماريد اضعف عل اقل كدام نفسي حتى ما انهار .
.....................
ليال : كعدت ثاني يوم كان جمعه مو وقتهه ابدا ماراح اشوف بان يوم مالحكت استفسر عن سبب رجعتهم دخلت للمطبخ تاخرت بالكعده صبيت جاي ولفه جبن كعدت اكل دخلت ميسم من برا مستعجله وعل وجهه القلق ... شكو شكو شبيج
