الكاتبه WhiteRose557#
#الشيخه ليال
شجم مرة تلاكينه ولامرة اجت صدفه
بكلهن جنت منتظرك
..........❤
هبه : اباوع عل المشروع وهوا بالمرحله الاخيرا
واحس افخر انو كدرت احقق شي بهذا الوقت القصير رغم هاي الضروف الي جاي امر بيهه
باقي سبوع واسلمه وبعدهه راح انفصل عن الشركه بعد اخر صدمه الي قررت اركن كلبي عل صفحه واخذ خطوات بحياتي اتجنب بيهه هيج خيبه مر ثانيه خلصت شغل ورجعت للبيت قبل الوقت بنص ساعه ماريد اشوفه اخاف يجي للموقع واضعف اكثر من هيج من اخر اتصل بينه واحنه مابينه لا اتصل ولا حتى شفته من اسبوع....
.....بس بعد ما سمعت الي صار وي ميسم خجلت انو ما اروح اشوفها واوكف وياها اتصلت بليال نطيتهه خبر راح ازورهم ماريد علاقتي بيهن تتأثر هنا خواتي الي ما حصلتهم لا من ام ولا من اقارب
...كعدت العصر بعد مانمت شوي دخلت سبحت ولبست فستان اسود شتائي بينصل مرتب وي شال احمر ومكياج ثكيل شوي لان وجهي تعبان و اخاف يشوفني المسمومات وعبالهم منهارا او ميته من بعد السوو بيه ......رشيت العطر ولبس حذاء كعب احمر باوع النفسي برضا كشخه من كشخه صار هواي ما معتنيه بنفسي هيج طلعت وصلني لؤي وراح دخلت من باب الكراج جان العصر جاي امشي للباب ورفعت راسي صار بوجهي يعقوب وجاسر كاعدن بالحديقه المفتوحه ......كاعد مرجع راسه لورا وتكي عل اديه ويباوع بالفراغ اجت عيني بعينه بسرعه عدل كعته يباوعلي متفاجئ نزلت عيونه كصتني كص نزلت راسي وفتت بسرعه بس احس كلبي مثل الطبله .... هه اذا نضرا بعد بعد اسبوع هيج سوت بيه لعد شلون راح اتحمل اذا فتركنا سنين
تنهدت ودخلت
ستقبلوني البنات بحراه واني جنت مشتاقت الهم ونكسر كلبي من شفت الهدوء الي صاير بشخصيه ميسم بعد ما جانت كلهه طاقه وحيويه وهذا الحب صح حلو ويعيش الانسان بعالم ثاني بس اذا نتهى ياخذ ثمن هاي السعاده اكثر من ما ينطي اوجعى بالروح ...... اما ليال فصايرا عل الحب مثل الفراشه رغم الهم والخوف الي بعيونها وهي وضعها وي جاسر اصعب من عدنه كلنه لانو تقريبا الامور مو بديهم
......عمر كعدتكم ما ينمل ملهه بس لازم اروح كل شوي لؤي جاي يتصل بيه
ليال : شنوو انسي ماكو روحه مو جايه العصر وترحين وي العشه لو انتي ما تعرفين الاصول
ميسم : فدوا هبه مشتاقلج وملل ابقي يمنه وليث يوصلج
هبه : بنات تعرفون الوضع لاتضغطون علي وتعرفون شلون احب لمتكم
ليال : وانتي كلتيهه لمتنه يعني انتي جايه لبيتنه مو ليهم واصلان هما مايجون هاي الفترا
هبه : كالت هيج وفات يعقوب وليث من باب الصاله ....باوعتلهه رافعه حاجبي بتسمت بهبل وكالت
