عودة الفراعنة (عشق تخطي الزمان) لعنة الفراعنة الجزء الثاني ( جاري تعديل السرد )

توضيح مهم

اولا يا جماعه  انا وضحت ظروفي سابقا واني مش هقدر بسبب امتحاناتي انزل كل يوم،،، انا والله ربنا واحده اللي عالم انا بكتب إزاي انا ممكن اكون واقفه في المطبخ حاطه الكتاب وبذاكر شويه وبكتب شويه والله بآخر مذاكرتي عشان انزل البارت وعشان مسمعش حد يقولي تزعلني منه والله مابحب اشيل من حد او ازعل من حد بس غصب عني بشوف تعليق يزعلني فبقفل خالص،،،،، انا عمري ما اتأخرت في مواعيدي أبدا  واللي كانت  متابعه معايا من الاول هتعرف كنت بنزل كل يوم لاني في اجازه واحتمال كنت انزل بارتين كمان مش بارت واحد وده حصل في بنت الشيطان ٢ وكنت بنزل كل يوم آكتر من بارت وعمري ما اعترضت وتقدروا تشوفوا ده في الروايات القديمه لما حد كان يطلب بارت تآني كنت بنزل عشان محدش يزعل عمري ما حبيت ازعل حد وكنت بفرح بأقل كلمه حتي لو كلمة شكرا او اي حاجه حتي لو وصلت اني اسهر ومنامش عشان اخلص البارت الجديد   مش ذنبي بقي اني واحده زيي زيكم عندي ظروف وعندي مشاكل وعندي مذاكره  انا والدتي مريضه بالعظام ومش بتقدر تقف ولا تتحرك وانا الكبيره وكل حاجه فوق دماغي وبعدين  الناس اللي بتقول بقالي قرن غايية دي عمرها ما حصلت اني اتأخر آكتر من يوم واحد إلا فتره عدت عليا وانا مريضه واعتذرت مش سيبتكم تايهين ارجو يكون لي تقدير زي ما انا مش برحم نفسي ولا عيني اللي الحساسيه هتعميها عشان بس اعرف انزل البارت في ميعاده البارت اللي انتم  بتقرأوه في خمس دقايق او عشره ده انا بكتبه في آكتر من يوم غير المراجعه عشان يخرج من غير أخطاء حقيقي انا لسه شايفه الكومنتات في الفصل السادس والعشرين وانقهرت وحصلي خيبه امل كبيره كل ده عشان اتأخرت يوم عن ميعاد البارت جماعه سؤال بس انتم مش بتابعوا روايات مع كتاب تانين مش بتشوفو بينزلوا إزاي والله حرفيا اللي بينزل يوم واللي بينزل آتنين
عارفة ممكن حد يشوف كلام قاسي بس والله زعلت جدا من التعليقات اللي قرأتها صدفه
وعشان محدش يزعل من التأخير والله يا جماعه انا في جامعه وعندي امتحانات اول شهر واحد يعني كبني ادمه طبيعيه عايزه اذاكر وانا اللي بطحن نفسي عشان اخلص الروايه قبل الامتحان ومتقفش
دلوقتي فعلا الموضوع بقي مزعج لاني اتأخرت يوم لقيت تعليقات زي دي أمال لو قولت اني هغيب لآخر الامتحانات يعني ممكن شهر هيحصل ايه
حتي يا جماعه لما غبت رجعت ونزلت بارت جميله حد الفتنه وبارت لعنة الفراعنة يعني كتبت بارتين من روايتين مخالفتين في يوم واحد ومحدش قدر ده بس عموما انا مش مستنيه شكرا والله لاني قولت قبل كده وهقول تآني تكفيني بسمه شخص واحد ابتسمها بسبب روايتي دي هي غايتي والله غير كده مش عايزه

باختصار يا جماعه عشان محدش يزعل من التأخير
هنزل بعد كده يوم ويوم عشان اني لمذاكرتي حقها زي ما بدي الكتابه حقها
يعني البارت الجاي بعد بكره
اتمني لو حد شاف كلامي شديد يعذرني والله من زعلي كتبت كده فبعتذر لو كلامي قاسي بس كنت مستنيه تقدير شوية لاني واحدة زيي زيكم ليا ظروفي وحياتي وبشكر اللي قدر ظروفي وقال كلمه كويسه

شكرا ليكم
وبعتذر تآني