عودة الفراعنة (عشق تخطي الزمان) لعنة الفراعنة الجزء الثاني ( جاري تعديل السرد )

الفصل الثامن والعشرين

-

قال أحد السلف : لو رأيت أحد إخواني ولحيته تقطر خمرا لقلت ربما سكبت عليه !
ولو رأيته واقفا على جبل وقال : "أنا ربكم الأعلى" لقلت إنه يقرأ الآيه !

يقول ابن القيم : والله إن العبد ليصعب عليه معرفة نيته في عمله، فكيف يتسلط على نوايا الخلق !

يامن عرفت محمدا بكماله
وجلاله وخصاله وجماله
إملأ مكانك والزمان مصلّيا
ومسلّما دوما عليه وآله.🌼

صمت الجميع وحدقوا في وجهه ابراهيم الذي اسود من حديث ذلك الشاب الغريب
تحدث سامر ببسمة خبيثه / ها ياحاج ابراهيم مقولتش رأيك في الحوار ده شارك معانا يا أخي ده حتي عرض بنتك
صرخ ابراهيم وقد فاض به الكيل / مش بنتي انا بنتي ماتت واندفنت زمان
تحدث سمير بدموع / حرام عليك يا بابا
نظر له ابراهيم بغضب / اخرس انت مفيش غيرك دلعها وبوظها
ابتلع سمير ريقه وهو ينزع نظارته ويمسحها بحزن ويلعن ضعفه هذا الذي يمنعه من الدفاع عن شقيقتة
نظر ابراهيم مجددا لسامر الذي يتابع بملامح جامدة/ وبعدين انت مين يا جدع انت عشان تيجي تفتح في القديم لا وبتتهجم علي العمدة كمان يكونش انت الواد اللي عديمة الشرف هربت معاه
ابتسم سامر ثم نظر لصابر الذي ينظر للجميع بتوسل ان ينقذوه هزه سامر بعنف وهو يتحدث ببسمه غاضبه/ ها يا صاصا مش هتحكي للناس الطيبه دي عملت ايه في بدور
تحدث صابر بعنف وبصوت عالي يخفي به خوفه / انت واحد مجنون ولا إيه جاي تتهجم علي دوار العمدة قدام اهل البلد كلهم ومفكر مفيش حاكم ولا إيه لا احنا كلمنا المركز وزمانه جاي يشوف صرفه معاك
سامر وهو يشدد عليه ويبتسم /وماله يا صاصا نكلم المركز يجي يحضر معانا القعده الجميله دي
ثم نظر للعمده ببسمه / ولا إيه يا عمدة ما تحضرنا
ابتلع العمدة ريقه بخوف وتحدث/انت عايز ايه دلوقتي
سامر وقد تحولت عيونه لجحيم /عايز الحق يا عمده عايز حق البنت الغلبانة اللي الحيوان ابنك اخده منها بدون وجه حق عايز حق كل دمعة نزلت منها وحق كل صرخة ظلم خرجت منها وحق كل كلمة وحشه سمعتها من الناس بسببة وحق بهدلتها وهروبها من بلدها عشان إللي فيها معندهمش قلب عايز حق بدور لو جبتلي حقها هسيبك في حالك بس وقسما باللي خلقني يا عمدة اذا متكلمش ابنك وأصر انه هي اللي غلطانه يبقي استعوض ربنا فيه بقي وفي مركزك لان اللي معايا هيخرج للكل
نظر العمدة برعب للجميع فتحدث ابراهيم بغضب / بقولك ايه انت جاي بعد السنين دي تتكلم عن اللي حصل واحنا ما صدقنا دفناه فاتفضل اتكل علي الله
تحدثت امرأه ما بوقاحة / أنا مش عارفه عديمة الرباية اللي اسمها بدور دي ليها عين بعد كل السنين دي تبعت عشيقها قال ايه ياخدلها حقها
تحدثت كريمة / بس يا ضنايا عشان متتاخديش في الرجلين وانتي شكلك صغيره
المرأه بردح / نعممممم يا ختي اتاخد في إيه يا عنيا انتي مفكراني هخاف عشان إللي معاكي ده ولا ايه
كريمة ببرود / طب بس ازعاج عشان مش فايقة دلوقتي
السيده بصراخ / جرا ايه يا راجل منك ليك هتسيبوهم يبلطجكوا علي عمدتكم وانتم وافقين تتفرجوا
نظرت نيرة بغضب للجميع / قسما بالله اللي هيقرب سنتي من هنا انا هعلقه واللي حابب يجرب يقرب
نظر الجميع لبعضه بقلق فهذه السيده تبدو شرسة جدا
ابتسم سامر ونظر للعمدة / ها يا عمدتنا هفضل مستني كتير
لم يكد يجيب العمدة بسبب وصول سيارة الشرطة هبط الشرطي من السياره وهو يتجه لسامر وينظر له ببسمه /تحت امرك ياباشا اللي تأمرنا بيه هنفذه
صرخت تلك الفتاه التي خرجت للتو من تحت يد نيرة / انت اتهفيت في عقلك ولا إيه انت مش شايف هو اللي جاي يتبلطج علينا والست اللي معاه دي مسكتني ضربتني وانت بتقوله امرك ياباشا
نظر لها الشرطي وتحدث ببرود / كلمة كمان وهتنوري البوكس
ثم نظر لسامر / أتفضل يا سامر باشا المركز تحت امرك
نظر سامر لنيرة وكريمه وأشار لهم ليصعدوا للسياره
ثم القي بصابر للشرطي / خده وانا هحصلك علي المركز
أخذه الشرطي ووضعه في السيارة وانطلق بها تحت صراخ نساء عائلته وقلة حيلته
نظر سامر للجميع وصرخ بهم / تمام عايزين الدليل انا هجبلكم الدليل بنفسي بس وقتها ياريت تبدأوا تراجعوا نفسكم لان اللي عملتوه ده اسمه رمي محصنات عارفينها ولا لا
ثم تركهم وغادر بكل غضب وركب للسياره فتحدتث كريمة ببسمه / يابسكوته يا جامد بس إيه ياض ده انت ليك نفوذ واصله لهنا كمان ده انا قولت الظابط هيسحبنا كلنا علي البوكس
سامر وهو يقود السياره ببسمة سخريه / نفوذ ايه يا كريمة صلي علي النبي دي مش منطقتي عشان يبقي ليا نفوذ
نيرة بتعجب / أمال الراجل عمال باشا واحترام وشويه شويه هيفرش الأرض ورد
سامر وهو يسرع بسيارته ويتحدث ببسمه / لا دي بركات ليث باشا بس،،،، وما ادراكي ما ليث باشا
ضحكت كريمة / الراجل ده مش سهل أبدا ايده طايله،، في كل حته تلاقي ليه ناس
سامر بغموض / سهل ولا مش سهل اهم حاجه انه ساعدني