عودة الفراعنة (عشق تخطي الزمان) لعنة الفراعنة الجزء الثاني ( جاري تعديل السرد )

الفصل السادس عشر

حتَّى وإن آذيتني؛ سأتجه إلى اللَّه مُباشرةً، قد ترى منِّي صمتًا، وتظن أني نسيت، ولكني لم أنسَ وعندَ اللِّهِ البوحَ الكثير!

_أحمد عبداللطيف.

ثم قال في خطبة الوداع : "وإني مُباهٍ بكم الأمم يوم القيامة "

صلوا_عليه ﷺ  "💛

نظر ابريس لميسره بغباء / رايحه فين
ميسره بفرحة غريبه وكأنها ذاهبه لتكريم ما / هروح معاك عند الناس بتوع الطرق
ابريس بتصحيح / قطاع الطرق
ميسره بعدم اهتمام/ وليكن، المهم يلا انا جاهزه بسرعه بقي عشان نفاجئهم
ابريس وهو يبتسم بغباء / لا لا انتي فهمتي غلط تقريبا انا اللي هروح مش احنا
نظرت له ميسره بعناد وهي تربع يدها امام صدرها / وانا هاجي معاك
ابريس وهو يمسح وجهه بضيق بينما استطاعت ميسره ان تضحك ست / لا أعرف ماذا يحدث ولكن أجزم انها تعاندك للذهاب لذا
ربت علي كتفه بشفقه / بالتوفيق يا أخي معها حقا أتعجب قوة تحملك تلك
ثم تركهم وهو يضحك بينما تحدثت ميسره بتذمر / ماله ده
ابريس بسخريه / مشفق علي إللي اخوه عمله في نفسه
نظرت له ميسره بحنق / سيبك منه ويلا عشان نخلص بسرعه علي قطاع الطرق
نظر لها ابريس وصرخ بحده /ميسره قولت لا وارجعي بقي للقصر
ميسره ببرود / مفكر كده هرجع يعني تبقي غلطان رجلي علي رجلك يا ابو الاباريس
ابريس بنفاذ صبر وعصبيه وغضب / هي كلمة واحده مش هتيجي معايا لو عملتي ايه فااااااهمه

_سلم عليييي سلم عليييي لما جابلني وسلم علي ولدي يا ولدي سلمممم عليييي
توقفت ميسره عن الغناء ونظرت لابريس / غني معايا يا ابريس خليها رحله سعيده علينا
نظر لها ابريس بحنق فكالعادة نفذت ما تريده وأتت معه اقتربت ميسره بحصانها من حصان ابريس وهمست له / ابريس ابتسم كده الحراس كده ممكن يحسوا انك مش طايقهم
نظر لها بسخريه وهمس / الحراس برضو
نظرت له ميسره بعدم فهم / أمال انا؟؟
ابريس ببسمه ساخره / ايه يابت الذكاء ده
تصنعت ميسره الصدمه وهي تهتف / اوعي تقول انك مش عايزني معاك في الرحله ازعل والله
ابريس ببسمه بارده / مش عايزك معايا في الرحله
ميسره ببسمه مستفزه / منا عارفه
زفر ابريس بضيق وهو يهمس لنفسه / يخربيت برودك وعنادك يا شيخه أمتي ربنا يتوب علينا من القرف ده بس
ميسره / ادعي انت بس وهو هيتوب عليك
نظر لها ابريس بتعجب فتحدثت ميسره ببسمه / ابقي كلم نفسك بصوت واطي اكثر
كاد ابريس يجيب لولا سماعه لصراخ احد الجنود / سيدددددي لقد بلغنا الكهف...

نظر عدي بجانبه لسماريا ببسمه ثم هتف / بت بسسس انتي يابت
نظرت له سماريا بعدم فهم فتحدث هو بخبث / كنت بتقولي انك عايزه تتجوزيني صح
نظرت له سماريا بصدمه وابتلعت ريقها / أنا... انا.
. انا كنت بهزر علي فكره
ابتسم عدي بتسليه / وانا اخدت هزارك جد
نظرت له سماريا بتعجب / يعني.....
قاطع حديثها صوت زئير عالي فابتلعت ريقها برعب وهي تتحدث / ما هذا الصوت
عدي وهو ينظر حوله / يارب ما يكون اللي في بالي صح ويكون ده بس صوت معدتي عشان ما اكلتش من بدري
نظرت له سماريا بتشنج / انت واكل من عشر دقايق
عدي / آه ما دي فتره طويله و....
لم يكمل كلامه حتي سمعوا صوت الزئير مجددا ولكن أعلي واعلي من ذي قبل
نظر عدي لها / لا مش صوت معدتي
نظرت سماريا خلفه برعب وهي تتحدث بتقطع / هو... هو هووو. هوو.
عدي بغباء / انت بتهوهوي ليه
نظرت له سماريا وهي تكاد تبكي فتحدث عدي بقلق / متقوليش في حاجه ورايا
هزت هي رأسها وهي تكاد تبكي فاكمل هو / صغير ولا وسط ولا جامبو
سماريا برعب / يعني تقريبا كده عملاق
تحدث عدي / شكله وحش اوي ولا نص نص
سماريا برعب / شوف انت بنفسك
صمت عدي ثم زفر بتوتر ثم استدار ببطئ ونظر خلفه فوجد كائن غريب وعملاق فنظر له بغباء / هو انتم بتجيبوا الحجات دي منين يعني مفيش عندكم أسد نمر فهد اي حيوان اعرف اتفاهم معاه
تحدثت سماريا برعب وهي تمسك لجام الفرس جيدا / نعمل ايه دلوقتي
عدي ببسمه / وده سؤال برضو........ اجرررررررررررري
وفي ثواني كان ينطلق بالحصان الخاص به بسرعه رهيبه بينما سماريا صرخت بفزع وهي تضرب الحصان الخاص بها وتركض وهي تصرخ
نظر عدي بجانبه لها وصرخ بها / امسكي شنطة الاكل كويس عشان لو وقعت هرميكي للي بيجري ورانا ده
صرخت سماريا بغضب / وهوووو ده وقتتتتتتتتته
عدي بصراخ / هعلقك عارفه هنفخك لو الاكل حصله حاجه
نظرت له سماريا بصدمه بينما هو توقف فجأه وهو يري امامه طريقه مغلق بصخره كبيره فتوقف وهو ينظر بجانبه لسماريا التي اخذت تلطم علي خدها / احيييييه احيييييه هنتفرم هنتفرم
ابتلع عدي ريقه ونظر امامه فوجد ذلك الكائن يقترب منهم فهو كائن عملاق مغطي بالفروع لا يظهر منه سوي عين حمراء فقط فتحدث / لو حصلي حاجه ابقي قولي لميسره ان انا اللي اكلت الجبنه
نظرت له سماريا بغباء بينما هو اخرج سيفه واتجه بعنف لذلك الوحش
بينما تحدثت سماريا بتأثر وحزن / تفعل كل هذا لتنقذني انت حقا رائع
ثم اخفضت نظرها أرضا بحزن وهي تهمس / وداعا يا بطلي
عدي وهو ينظر لها بغباء / ايه ياما فيه إيه انتي هتيجي تضربي معايا
نظرت له سماريا بصدمه وهي تشير لنفسها / أنا
عدي بسخريه / آه انتي يا ختي أمال هتسبيني اتاكل لوحدي ولا إيه
سماريا بعدم تصديق / ولكن انت الرجل و...
عدي مقاطعا بسخريه / في دي انا الراجل وفي أي حاجه تقولوا لا الراجل زيه زي الست وعافيه ذوق طول منا صاحبه حقوق واللي قادرة ع التحدي وع المواجهه
نظرت له سماريا بغباء ثم تحدثت بتذمر / اسمع بقي انا مش هتحرك من مكاني ده ولو علي جثتك متخافش هولع فيها
عدي بغضب / آه يابنت ال.... تولعي في مين يابنت الفلطوس انتي طب تصدقي بقي انا هسيبه يا كلك وارتاح منك
سماريا بغضب / وانا سوف ادعه يأكلك ويمضغك وي....
توقفت سماريا وهي تنظر للوحش خلف عدي بتعجب وهي تهمس / عدي
عدي بسخريه / نعم يا ضنايا
سماريا وهي تشير خلفه / الحق
نظر عدي بتعجب لما تشير فوجد الوحش يجلس أرضا وينظر لهم بهدوء مرعب وهو يستمع لشجارهم / هو ماله كده
سماريا ببسمه وهي تقترب منه / أظن أنه لم يرد ان يؤذينا
نظر لها عدي بصدمه وهو يراها تقترب منه
نظر الوحش لسماريا جيدا بينما هي هبطت من حصانها ببطئ واتجهت له بخوف وكادت تمد يدها لولا صراخ عدي وهو يجذب يدها / يابنت المجنون هياكلك
نظرت له سماريا بتذمر ثم نظرت للوحش الذي يغطيه فرو بني اللون / حرامٌ عليك ألا تري كم هو لطيف
ثم نظرت للوحش وهي تحدثه كالاطفال / أليس كذلك يا صغيري انت لطيف أليس كذلك اوووه انظروا لهذا الصغير الجميل
كان عدي يتابعها بفم مفتوح من الصدمه وخاصه عندما اقتربت سماريا من الوحش وأخذت تلعب له في فروه والذي يبدو علي الوحش انه مستمتع وبشده
نظرت سماريا لعدي /شوفت فوفو لطيف آوي مش عايز يأذي حد ده بس عايز يلعب
عدي بتشنج / فوفو؟؟؟
سماريا وهي تنظر للوحش وتلعب له في فروه / آيوه فوفو مش كده يا قلبي انت فوفو صح
ارتفع صوت الوحش فيما يشبه صوت الضحك فتحدثت سماريا بحب وهي تذهب وتضمه بحنان / يا حبيب قلب ماما انت يا مسكين يبدو أنه يفتقد للحنان
نظر عدي للوحش/ آه يا حبة عيني مفتقد للحنان فعلا طب بعد اذن الحنان ممكن نكمل رحلتنا اللي مش هتخلص علي خير انا عارف
نظرت له سماريا بتذمر ثم نظرت لفوفو الذي كان ينظر لهم بعيون بريئه / هناخد فوفو معانا
نظر عدي لها بغباء / نعم ياروح امك ناخده فين
سماريا وهي تضم يدها بعناد / هناخده معانا الرحله وبعدين هنرجع بيه القصر وهيفضل معايا علي طول صح افوفو
أصدر الوحش صوتا وكأنه يفهمها ففرك عدي عينه بتعب وهمس بنبره حاسمه / سمارا الشئ ده مش هيجي معانا وخلصنا....