مجرد خربشات.

٢٠٢٠

-October 19th, 2020
6:00 Am
٢٠٢٠ من أفضل وأسوأ السنين الي مرت عليا، كانت سنة جميلة سيئة مليئة بالصعوبات والعقبات والأفكار السيئة ودوامات سوداء وخرجت منها بأفكار جديدة خلتني أعرف مين أنا،
بالأصح استطعت السنه هذه اني اقضي وقت معايا اكثر من ما اني اقضيها مع البشر، كانت سنة عبارة عن وقت لنفسي، وقت اقدر اتنفس فيه في وسط انهياراتي النفسية، اتنفس في وسط نوبات وتشنجات لاتُعد ولا تُحصى، كنت عايشه داخل رأسي لكن ميتة من الخارج، شعور الفرح والحزن كنت اعيشهم في نفس الوقت بعيدًا عن المشاعر الأُخرى.
قدرت استوعب اشياء كثير كنت اشوفها دائمًا امامي لكن ما سمحت لنفسي انها تستوعبها، في تاريخ ويوم محدد من ٢٠٢٠، نهاية عيشي للآخرين كانت بداية عيشي لنفسي.
فكرتي عن العلاقات والصداقات اختلفت بشكل كبير عن قبل، نحتاج الصديق صحيح لكن نقدر نعيش من غيره في كثير من الاحيان.
استوعبت ان مهما كانت قسوة الأحداث والمواقف على عاتقي وعلى نفسيتي، فالنهاية فترة وتعدي مهما كانت طويلة، ولما تنتهي هذه الفترة بطالع ورايا واشوف الكمية الهائلة من التعب النفسي والمقاومة والمشاكل الي قدرت اعديها لحالي، بمساعدة من الله وحده.
استوعبت اني ضروري اقضي الحياة هذه لنفسي، اسمها حياتي مو حياتك ولا حياة فلان، ابغا اشتغل ابغا ادرس ابغا اقعد في البيت اتأمل جدار وسقف صالتنا بدون تحريك اصباع، جميعها في نهاية المطاف قراراتي ومصيري انا.
طيب كلام الناس؟. ياسيدي كلام الناس مايودي ولا يجيب، كلام الناس مارح يدخلني الفردوس الأعلى بالعربي المختصر.
٢٠٢٠ علمتني أهتم في نفسي قبل ما أهتم فغيري، اطالع في نفسي اني ارهب انسان فالعالم وفعلًا انا من اقوى وارهب الناس في العالم! صدقني يا اخي ويا اختي مو شرط تكون درست او اتوظفت في المكان الفلاني واخترعت كم اختراع عشان تكون رهيب، لو انك مولود وعايش في كهف وحسيت في داخلك انك رهيب اذًا انت فعلًا رهيب!
٢٠٢٠ كانت سنة جميلة سيئة ماتتعوض، ولو انك ما قضيتها لنفسك مو مشكلة، بس صدقني طعمها غير.
-December 31th, 2020