Impossible
"Sir!.." Harry လှမ်းခေါ်ကာ.. .. ..
"ကျွန်တော်တို့က ဘာလို့အထုပ်ပြင်ရမှာလဲ ကျွန်တော်တို့ ကျောင်းထုတ်ခံရတော့မှာလားဟင်.."
Harryနဲ့ Dracoဟာ အခု Dumbledoreရဲ့ ရုံးခန်းအရှေ့မှာ မတ်တတ်ရပ်နေကြတာပါ.. .. ပြီးတော့ သူတို့ ကျောင်းထုတ်ခံရတာ မဟုတ်တာကိုတော့ သူတို့လဲ သိပါတယ်.. .. ဘာတွေဖြစ်လာမယ်ဆိုတာကို သူတို့သေချာမသိပေမဲ့ အဲ့အတွက် မပျော်တာတော့ သေချာပါတယ်...
Ronနဲ့ Hermioneမှာလဲ Gryffindorမှ Harry ထွက်ခွာသွားရမည့်အပေါ် ဝေခွဲမရဖြစ်နေပြီး Harry ကိုယ်တိုင်က အဓိက အကြောင်းအရင်းအား မသိသည့်အတွက် ပိုပြီးဝေခွဲမရ ဖြစ်နေရတယ်... Pansyနဲ့ Blaise အတွက်လဲ ထိုအတိုင်းပင်။
"မဟုတ်ပါဘူး.. Harry!.. သေချာပေါက် မဟုတ်ဘူးပေါ့.. "
သူ့လက်အား ရှေ့သို့ပြောင်းထားရင်း Dumbledore ပြန်ဖြေသည်။
"မင်းတို့နှစ်ယောက်က အခန်းဖော် ဖြစ်လာကြလိမ့်မယ်!!"
Dumbledore စကားကြောင့် Harry မျက်လုံးတို့ ပြူးကျယ်လာပြီး Dracoလဲ စိတ်ထဲ၌ ကျိန်ဆဲနေလျက် မျက်လုံးအပြူးသားနှင့် ကျောင်းအုပ်ကြီးအား ကြည့်မိသည်။
"တကယ်.. တကယ်ပြောနေတာတော့.. မဟုတ်ပါဘူးနော်..."
Harry စိုးရိမ်မှုကြောင့် ရင်တလှပ်လှပ် တုန်လာပြီး အထစ်ထစ်ဖြင့် ပြန်မေးမိသည်။
"Oh..Harry! ငါတကယ်ကို ပြောနေတာပါ.."
Dumbledore ပြုံးပြကာ ပြန်ဖြေ၏။
(ကောင်းလိုက်တာ! ဒါ ငါ့ကို အိပ်နေရင်းနဲ့ မွန်းကြပ်သေအောင်လုပ်ဖို့ Dracoကို ပြီးပြည့်စုံတဲ့ အခွင့်အရေးပေးလိုက်တာပဲ!! သွေးပျက်စရာကောင်းတဲ့ နည်းလမ်းပဲ!!)
"မင်းတို့နှစ်ယောက် ငါ့နောက်လိုက်ခဲ့!!"
Dumbledore ပြောလာတာကြောင့် Harryလဲ သူ့အတွေးထဲမှ ရုန်းထွက်ကာ နောက်မှ လိုက်ခဲ့ရသည်။
"ဒီအခန်းရဲ့ စည်းကမ်းတွေကတော့ ရိုးရှင်းပါတယ်.."
စည်းကမ်းချက်တို့အား စတင်ရှင်းပြလာတယ်...
"ဒီအခန်းထဲကို ဘယ်သူမှ ခေါ်မလာရဘူး.. ဒါပေမယ့် မင်းတို့ကတော့ မင်းတို့အဆောင်တွေရဲ့ နားနေဆောင်တွေဆီ သွားလို့ရတယ်.. အရင်အတိုင်း ကန့်သတ်ချိန်ဆို အပြင်မထွက်ရဘူး! ကိုယ့်အခန်းမှာ ကိုယ်ပြန်အိပ်ရမယ်.. အိပ်ခန်းနှစ်ခန်း... ရေချိုးခန်းရယ် ဧည့်ခန်းတစ်ခန်းရယ် ပါတယ်... ထမင်းစားပွဲလဲ ရှိတာမို့ အခန်းထဲ လာပြန်စားလဲရတယ်... ဘယ်လောက်အဆင်ပြေလဲ... ဒါပေမယ့် အစားအသောက်တွေကိုတော့ ခန်းမကနေ သွားယူရလိမ့်မယ်... oh!! ဒီမှာရောက်ပြီ..."
VOUS LISEZ
Impossible (Drarry Translation)
FanfictionAll credit goes to the owner. This story is not my own. I just want to translate. အမုန်းကလွဲပြီး မင်းအပေါ် တစ်ခုခု ငါခံစားနေရတယ်လို့ တစ်စက္ကန့်လောက်တွေးဖူးလား Potter? အချစ်နဲ့ အမုန်းကြားမှာ ပါးလွှားတဲ့ မျဥ်းကြောင်းလေးရှိတယ်။ ဒါပေမယ့် အဲ့ဒါကို အချစ်လ...
