Impossible
"ငါ့အပေါ်မှာ မှီနေတာရပ်လို့ရပြီ ...Potter!"
သူတို့ မီးဖိုဆောင်နားရောက်တဲ့အခါ Draco အသံခပ်အုပ်အုပ်နှင့် အော်မိသည်။
Draco ပြောတဲ့အတိုင်း သူ့ခန္ဓာကိုယ်ရဲ့ အကူညီယူနေတာကို ရပ်ပစ်ဖို့ ကြိုးစားတဲ့အခါ ရလဒ်ကတော့ သူ့ကိုလဲကျသွားစေတာပါပဲ...
သို့ပေမဲ့ Dracoက သူ့အား နောက်တစ်ကြိမ် ပြန်ဆွဲထားပေးသည်။
"Sorry..." Harry ခပ်တိုးတိုးရေရွတ်ပြီး သူ့ပါးပြင်တို့ကလဲ ရှက်ရွံမှုကြောင့် ရဲတတ်လာ၏။
.
.
သူတို့ မီးဖိုဆောင်ထဲ ရောက်တဲ့အထိ Draco ဘာတုန့်ပြန်မှုမှ မပေးပဲ....
"ဒီမှာရပ်နေ!"
သူအမိန့်ပေးကာ Harryအား နံရံ၌ မှီခိုင်းထားသည်။
"ပြီးတော့ မင်းထွက်သွားဖို့ ကြိုးစားမယ်ဆိုရင် မင်းကို မန္တာန်သုံးပစ်ဖို့ ဝန်လေးနေမှာ မဟုတ်ဘူးနော်.. .."
ထိုကောင်လေးကို သူဒီလိုသာ မပြောခဲ့ရင် ဒီကောင်လေးက ထွက်ပြေးသွားမှာကို သိနေတာကြောင့် သူခြိမ်းခြောက်ကာ မီးဖိုဆောင်ထဲ ဝင်လာခဲ့သည်။
ဒီနေရာမှာ ဘယ်သူမှ ရှိမနေတာကြောင့်လဲ စိတ်သက်သာရာ ရမိသည်။ အကူအလုပ်သမားတွေတောင် မရှိပေ.... ဒါကြောင့်သူလဲ ဘီစကွတ်မုန့် သုံးခုအား ခပ်မြန်မြန်ယူပြီး ပြန်ထွက်လာခဲ့တယ်...
"သန့်စင်ခန်းထဲ သွားရအောင်!"
Draco သက်ပြင်းချကာ နောက်တစ်ကြိမ် Harry လက်မောင်းအား သူ့ပုခုံးပေါ် တင်လိုက်တယ်....
သူတို့နှစ်ယောက်လုံး တိတ်တိတ်ဆိတ်ဆိတ်နှင့် လမ်းလျှောက်နေခဲ့ပြီး Harryကပဲ စကားစပြောရန်ကြိုးစားခဲ့မိတယ်...
"ဘာလို့ အတန်းသွားမတတ်တာလဲ..." သူလေသံသဲ့သဲ့နှင့် မေးမိသည်။
Harry အသက်ရှုနေသည့် လေဝင်လေထွက်အား Draco ပါးပြင်ပေါ်ကနေတောင် ခံစားလို့ရတယ်... ဘာလို့လဲဆိုတော့ သူတို့ကြားထဲမှာ နေရာလွတ် သိပ်မရှိတာကြောင့်ပဲ!!
"ဒါက အားလပ်ချိန်လေ.. အကောင်စုတ်လေးရဲ့!"
Harryနဲ့ နီးနီးကပ်ကပ်နေနေရသည်ကို လျစ်လျူရှုရန် ကြိုးစားရင်း သူပြန်ဖြေတယ်.. ..
VOCÊ ESTÁ LENDO
Impossible (Drarry Translation)
FanficAll credit goes to the owner. This story is not my own. I just want to translate. အမုန်းကလွဲပြီး မင်းအပေါ် တစ်ခုခု ငါခံစားနေရတယ်လို့ တစ်စက္ကန့်လောက်တွေးဖူးလား Potter? အချစ်နဲ့ အမုန်းကြားမှာ ပါးလွှားတဲ့ မျဥ်းကြောင်းလေးရှိတယ်။ ဒါပေမယ့် အဲ့ဒါကို အချစ်လ...
