Impossible
Harry သက်ပြင်းချကာ Dracoရဲ့ အေးအေးစက်စက်အကြည့်တို့ကို လျစ်လျူရှုရန် အတတ်နိုင်ဆုံးကြိုးစားပြီး စာသင်ခန်းထဲ၌ နေရာယူလိုက်သည်။
အတန်းစတင်ပြီး နှစ်မိနစ်လောက်ကြာသည်အထိ ထိုအကြည့်တို့မှာ မရုတ်သိမ်းသေးတာကြောင့် Dracoဆီသို့ လှမ်းကြည့်ပြီး ...
"မင်းဘာဖြစ်ချင်နေတာလဲ!"
နှုတ်ခမ်းအသာလှုပ်ပြီး လှမ်းမေးလိုက်တယ်။
သူ့ရဲ့စူးစူးဝါးဝါးအကြည့်တွေကြောင့် ပင်ပန်းလွန်းနေပြီ....
Professorဆီသို့ တစ်ချက်လှမ်းကြည့်ပြီး ဆရာ့နောက်ကျောပေးထားတာ မလှည့်လာခင် Draco မှော်တုတ်တံအား ထုတ်လိုက်ပြီးဝေ့ရမ်းလိုက်တယ်.. မကြာခင်ပင် Harryရှေ့သို့ စာတစ်စောင်ပေါ်လာ၏။
Harry စာကိုယူပြီး Professorအား မျက်စိဒေါင့်ထောင့်ကြည့်နေရင်း စာကိုဖွင့်ဖတ်လိုက်တယ်...
(အတန်းပြီးတဲ့အခါ Astronomy Towerမှာ ငါ့ကိုလာတွေ့ပါ.. ငါ့မှာအားလပ်ချိန်ရှိတယ်.. ပြီးတော့ မင်းကို မေးစရာရှိလို့!) D.M
အခုချိန်ထိ စိုက်ကြည့်နေသေးသည့် Dracoအား ပြန်ကြည့်ပြီး ခေါင်းညိမ့်တစ်ချက်ညိမ့်ပြလိုက်သည်။ ဒါပြီးရင် သူလဲအားနေတာပဲ.. အဲ့နေရာမှာ ဘာအန္တာရာယ်မှ မရှိဖို့တော့ မျှော်လင့်မိပါတယ်။
"ကဲ...နောက်အပတ်မှာ Amortentia potion အကြောင်း ၁၅လက်မလောက်ရှည်တဲ့ essayကို တနင်္လာနေ့အမှီ ငါ့စားပွဲပေါ်မှာ လိုချင်တယ်! ပြီးတော့ မနက်ဖြန် ကိုယ်တိုင်ဖျော်ကြရမယ်! အတန်းပြီးပြီ!"
Professor စကားကြောင့် Harry အပါအဝင် လူတိုင်းညီးညူနေကြရသည်။ သို့သော် သူ့မှာညီးညူနေရန် အချိန်မရှိပေ..
"သူငယ်ချင်းတို့ ငါလုပ်စရာရှိလို့..အရင်သွားနှင့်မယ်နော်.. မင်းတို့နဲ့ နောက်မှတွေ့မယ်!"
သူတို့ အတန်းအပြင်ထွက်လာတဲ့အခါ Ronနဲ့ Hermioneကို Harry ပြောလိုက်တယ်.. ..
Harry အပြောကြောင့် Ronနဲ့ Hermione တစ်ယောက်ကိုတစ်ယောက် ကြည့်လိုက်မိသည်။ ဒါပေမဲ့ သူ့အပြောကို ခေါင်းညိမ့်ကာ လက်ခံခဲ့သည်။
"ကောင်းပြီ.. ဒါဆို နောက်မှတွေ့မယ်.." Hermioneကို ဆွဲခေါ်လျက် Ronကနှုတ်ဆက်ကာထွက်ခွာသွားသည်။
VOCÊ ESTÁ LENDO
Impossible (Drarry Translation)
FanficAll credit goes to the owner. This story is not my own. I just want to translate. အမုန်းကလွဲပြီး မင်းအပေါ် တစ်ခုခု ငါခံစားနေရတယ်လို့ တစ်စက္ကန့်လောက်တွေးဖူးလား Potter? အချစ်နဲ့ အမုန်းကြားမှာ ပါးလွှားတဲ့ မျဥ်းကြောင်းလေးရှိတယ်။ ဒါပေမယ့် အဲ့ဒါကို အချစ်လ...
