Impossible
"မင်းသိလား..."
Dracoအား ဖက်ထားရင်း Harry ခပ်တိုးတိုး ပြောလာသည်။
"မင်းနာကျင်နေရတဲ့အချိန် ငါ့ကိုပြောပြလို့ ရတယ်ဆိုတာကို..."
"ဒါပေမယ့်.. မင်းငါ့ကို.. မုန်းနေတယ်လေ.."
သူ့လက်နှင့် ဖိထားရုံသာမက Harry ရင်ခွင်ထဲရောက်နေတာကြောင့် သူ့အသံက လုံးထွေးနေခဲ့သည်။
"Draco!"
သူ့စကားကြောင့် Harry ရင်ခွင်ထဲသို့ ငုံကြည့်မိသည်။ Draco မမြင်နိုင်ပေမဲ့ပေါ့...
"ငါသာ မင်းကို မုန်းနေမယ်ဆိုရင် ဒီလိုအဆင်ပြေလာအောင် လုပ်ပေးနေမှာ မဟုတ်ဘူး.. .. ငါဒီလိုအနေအထားမှာလဲ ရှိနေမှာမဟုတ်ဘူး... ပြီးတော့ မင်းနဲ့အတူ တွဲကဖို့ စဥ်းစားခဲ့မှာလဲ မဟုတ်ဘူး.. "
"ဒါပေမယ့်.. မင်းက.. Harry Potterလေ!! မင်းက Voldemortကိုတောင် အဆင်ပြေအောင်လုပ်ဖို့ ကြိုးစားရင် ကြိုးစားမှာ.. "
Dracoကလဲ ထေ့ငေါ့စွာ ပြန်ပြောတယ်...
သီချင်းသံဟာ အခုထိ သူတို့အနောက်မှာ သူတို့နှစ်ယောက် စကားသံနဲ့အတူ ခပ်တိုးတိုး ပျံလွင့်နေဆဲပင်...
.
.
.
နောက်ဆုံးတွင် Draco သူ့လက်တွေကိုဖယ်ပြီး Harry လည်ပင်းအား လှမ်းဖက်ကာ Harry ပုခုံးပေါ်သို့ ခေါင်းတင်လိုက်သည်။
သူတို့ တစ်ယောက်ကိုတစ်ယောက် နှစ်သိမ့်ပေးရင်း နာရီအတော်ကြာ တိတ်ဆိတ်စွာ နေနေခဲ့တယ်။ သူတို့ကြားရတဲ့ တစ်ခုတည်းသော အသံကတော့ သူတို့နှစ်ယောက်ရဲ့ အသက်ရှုသံနဲ့ သီချင်းသံ တိုးတိုးတို့သာ ဖြစ်တယ်...
Draco ဖက်ထားသည်အား မခွာခင်အချိန်အတွင်းမှာ Harry ကိုယ်သင်းရနံတို့ကို နှစ်ခြိုက်စွာ ရှုရှိုက်ရင်း ယခုအခိုက်အတန့်အတွက် ပျော်ရွှင်နေရင်းနဲ့ သူ့မျက်လုံးတို့ကို မှိတ်ထားမိသည်။
.
.
.
အဲ့ဒီနောက် ဖက်ထားရာမှ ခွာပြီး Harry မျက်လုံးတို့ကို စိုက်ကြည့်ကာ "ဒါဆို.." သူစကားဆိုရန်ပြင်လိုက်တယ်...
"အတိတ်ဆိုတာ... ဘယ်ဟာလဲ... လွန်ခဲ့တဲ့ သုံးပတ်ကလား!! ငါတို့ အချင်းချင်း ရန်ဖြစ်တယ်... နမ်းခဲ့တယ်.. တစ်ယောက်ရှေ့မှာ တစ်ယောက် ပြိုလဲခဲ့တယ်.. ဒါရန်သူတွေ တော်တော်များများ လုပ်တဲ့အရာတွေလား..."
သူရယ်မောကာ ပြောမိသည်။
YOU ARE READING
Impossible (Drarry Translation)
FanfictionAll credit goes to the owner. This story is not my own. I just want to translate. အမုန်းကလွဲပြီး မင်းအပေါ် တစ်ခုခု ငါခံစားနေရတယ်လို့ တစ်စက္ကန့်လောက်တွေးဖူးလား Potter? အချစ်နဲ့ အမုန်းကြားမှာ ပါးလွှားတဲ့ မျဥ်းကြောင်းလေးရှိတယ်။ ဒါပေမယ့် အဲ့ဒါကို အချစ်လ...
