.........................................................................
هم تدري من أعتازلك
شتسوي بيّه العازه
هم تدري شيحس الگلب
لمّن يريد أعزازه
ينجاب طاريّك وأفز
واضحك بوجه اليستفز
وأتحمل أستفزازه
وما أگدر أزعل واختلف
يا دوب عندي شكم جتف بيهن أنشال جنازة
ذنبي بعشرتك ما خنت
حبيتك وماحسبت بالتالي هيچ أتجازه
ما أدري ما عندك گلب
تتركني أعمى بنص درب وتكسّر العكازة 😢😢😢
🌹🌹🌹🌺
...................................®...................................
جنت نفس الميته مات حساسي مات كلشي بيه احس الدنيه ضلمه شكد جنت احب الحياة وهسه شكد
كرهتها كاعده نفس الجنازه بنص نسوان و سمعتهن يحجن وحده منهم كالت خطيه ابنهم من كد الحادث
مال سياره قوي ما لاكين منه شي خطيه لامين بس قطع منه ودفنوها بمكبره مال اطفال اني سمعت هيج
كلبت البيت بصريخي ردت اطلع اسئل بابا نفس،المخبله اركض درت اطلع الباب وكضني البنات
والد عمي ضلو يحجون واني ما هتميت بس اصرخ وكلهم اليش جذبون عليه هوه كلي نروح ال العاب
وصوتي،ما يطلع من كد صريخ وعيوني حمر من البجي وجهي ملخ
بهاي الثانيه ذكرت امي كل شويه متخربطه ومن تكعد تملخ بروحها وترجع تفقد. اني خليت و ورحتلها بس
رجلي ما شيلني وكمت اسند نفسي ع حيطان وامشي خطيه بنات رادن يساعدني بس ما قبلت. وصلت يم امي
خليت راسي بحضنها وكمت ابجي وكتم شهكاتي بحضنها ما اريد ازودها عليها.
مرت سبع تيام ونفس الحاله وامي كامت ما تحجي ويه اي احد مخلصتها بجي ونعاوي وبابا عمري
ما،شفته يبجي لا هوه ولا خواني بس مرت هاي سبع تيام ادموعهم تجر وعلي ما شفته حته من جابو الكبور وهوه ماكو.
بابا:بويه شوفو اخوكم وين مابيه اخصر احد بعد حيلي وراح
حسين:بويه دورنا اني وحسن حته صحبانه سئلناهم بس ماكو وتلفونه مغلق
جنت كاعده وسمع حجيهم خفت ع اخويه طفرت واني عيوني كلها دموع
روايه:وين علي صاله اسبوع ماكو بداعت سيف عليك روح دوره
اجا حسن يمي باس راسي ومسح دمعتي وجان وجها بي حزن عمري ما شفته بوجها وكلي
حسن:عمري حلفتيني با الغالي واني ما ارجع البيت اذا مو اخوي وياي وانتي صيري قويه لان امي من تشوفج هيج تزيد عليها يا بعد اخوج وعساني ميت ولا اشوفج انتي وامي بهاذا الحال
اني مسحت دموعي وكتله اسم الله عليك يا بعد بيتي
شبكته وجان اسمع حسين يحمحم وكال
حسين:جا وانه ابن بطه السوده محد يشبكني الو بيه جرب
رحتله شبكته وبست بابا وهم شبكته اعرفهم مقهورين بس ما يردون يبينون هاذا الشي،كدامي وكدام امي علمودنه.
صعدت فوك دخلت غرفت ماما شفتها تقره قران وتبجي عفتها ورحت الغرفتي.
نفس كل مره اكعد ابجي وباوع بصورهم منا ما نمت
جنت كاعده ع كرسي وجان كاعد وحد يمي بس داير وجها. كضيت جتفه وهوه اندار
روايه:سيف اليش اخذت فاطمه و محمد ورحت
اباوعله شفته نفس زعلان وصاير عصبي وباوعلي وكال
سيف:هاي اليش تبجون علينه هسه فاطمه ومحمد
ضايجين لان شافوكم تبجون. بعد لا تبجون احنه ما بينه شي هسه كاعدين بكان كلش حلو احله من المكان
يلي انتو كاعدين بي واني زعلان عليكم بعد لا تبجون.
وملابسنه انطوها لان احنه صار عدنه احله منهم. كال
هيج وبتسم وكام راح يمشي واني اباوعله وجان يلتفت وكال
سيف:دير بالج ع علي
وراح
كعدت من النوم ضليت ابجي بعدين نزلت ابجي والكيت بابا وخواني كاعدين. بابا شافني واشر اجي اكعد يمه وجانت ماما كاعده تبجي رحت يمه
روايه: بابا تحلمت با سيف. كتلهم ع حلم وامي زادت با البجي وجان بابا يحجي
بابا:والج ما سمعتي بنتج اذا تردين ابنج ومرته وابنه يرتاحون با بكبرهم بسج بجي وهدومهم حاضنتها باجر
ما اريد قطعه موجوده با البيت الموهم انطيها اليتامه
او فقراء. اباوع ال ماما صارت احسن من كتلها شنو كال انو هوه عايش مكان حلو
ماما:اي يمه هاي الجنه.
اني كمت ركبت غده وشويت السمج الحمد الله من
تحلمت بي احس نفسي رتاحيت لان جان عبالك
حقيقه وجه يشوفني. شويه صار عندي طاقه. خليت الغده ع المائده وصحتلهم محد جان قابل ياكل بس بابا عاط
بخواني وامي كتلها بثوابهم نقره الفاتحه لان احنه
اهله توصل الفاتحه. والله قتنعت واجت تاكل التمينه
بس جان بكان سيف و فاطمه و علي و حسن فارغ. ما
خليت امي تباوع ع كراسيهم كعدت مكان فاطمه
وحسين كعد مكان سيف. وحنه ناكل سمعنه صوت
باب مطبخ نفتح باوعت وجان اشوف علي نفس
مصدوم وملابسه كلها دم امي شافته نشغت وطاحت
................................™......................................
أباوعلڪ #غفل ..
و أندار من تندار
ماريدڪ تڰول #بدوني مايڰدر ..؟؟💔
