.......
فتحت مبالي شفت رقم نور صديقتي اتصلت عليها ردت بسرعه
نور: يماا رورو هاي صدك عايشه
كعدت تبجي وتحجي ما فتهمت عليها شي
روايه: ههههه ولج ما فهمت عليج تعالي لبيتنه مشتاقتلج ولج
خطيه غلقته شويه اسمع صوتها با لبيت
نزلت شفتها جايه ولابسه شالها شلون ما جان ركضت عليه شبكتني وضلت تبجي صعدتها بغرفتي وصرت اسولف الها شنو صار الي وهيه مركزه وبكل كلمه اكولها تشهك.
نور: سوده عليه وهسه راح تطلكي
هزيت راسي واني كلبي مكتوم
اجت يمي شبكتني واني شبعت بجي نور اختي يلي ما جابتها امي خلصت طفولتي وياها و مراهقتي
نور: ياعمري انسي ورجعي كملي حياتج ورجعي لدراستج. ولجج عااا تخيلي نداوم سوه نفس قبل
كمزت يااا ولج لعد انتي ما نجحتي
نور: هههههه داده هوه سادس اكدر اطلع منه سلامات ولله واهسي زفت وهسه يلا احس ردت روحي
ضلت تسولف ع صديقاتنه وين صارن وشصار الهم.
نور: اي لج غير بعرس تبارك بنت عمج اجوني خطابه كرايبكم وفهد ما قبل
روايه: لحضه لحضه تباارك شنو شوكت ومنو واخويه شلون خلاها
نور:يااا ولج شنو خاله ما كالت الج غير تبارك خطبها ابن خالتها لدكتور وجان اجيت كالت لاخوج بس كايل الها لله وياج اني ما افيدج اني ما افكر ازوج هيه خطيه ميته بجي تصوري تحجي وياي وميته بجي كتلها تصبر عليه فتره لان بيها جنتي هستوج اخذوج فصليه و هيه اجوها خطابه وعلي جان نفسيته مدمره.
روايه: ايي كملي
نور: هوه وافقت ع ابن خالها اخذها وسافر تركيا
روايه
متت قهر لان جنت اعرف علاوي شكد يحبها وهيه تموت عليه ما جنت اتصور انو هيج تنتهي قصت حبهم.
نور:يلا داده اروح اني فهد ع جيه تعرفي حقنه يلعب بيه فلك
بوستني وطلعت
طلعت نور واني كاعده اصفن بعدين سحبت مبايلي دخلت فيس كتبت وهاب ل*** وطلع حسابه دخلت عليه لكيته ناشر صوره وتعليقات بيها كرايبه تمدح بي وشفت بنيه كل منشور تكتبله شعر دخلت ع حسابها اسمها شجرت السنوبر ايععع شلون اسم وناشره صوراها بس ع نص ما مطلعه وجها صرت احوس وشوف اصدقائها ماكو بس بنات خليت وطلعت رجعت لحسابه لكيته متصل طفر مبايل من ايدي ضليت اضحك ع نفسي
نوب دزبتله طلب صداقه كبل وافق ع طلب لويت حلكي وعكدت حاجبي عشتوو شيخ وهاب ما توفر. نوب كلت خلي انطي لايك ع منشوراته واطلع. خليت لايك وسديت لمبايل.
......................
وهاب
رحت الها لا مو لان شاك بيها لا بس لان طلعت من دون ما اعرف واحدها وحته من امي كالت الي رايحه ويا زلمه ما فكرت ابد بغير تفكير اول شي هيه من اجت ولي جاي ما طالعه حته تعرف زلم منا وحته مبايل ما منطيها وهم من عاشرتها والي جاي اعرف اطباعها بس كلشي اذتني بسوايتها وكلامها. تريدني اطلكها واني روحي بيها.ما رجعت البصره ضليت بغداد عندي بيت هنا جنت اجيله كل ما اجي لبغداد علمو شهاب وانطي راتب لمريه تنضفه الي قبل لا اجيله. وصلت لبيت وجان علقي يكلي طلك وارتاح من هاي لهوسه وكلبي يكلي لا لو تعرف تبيع نفسك ولا تخسرها. وهاي ضلت صراعات بين كلبي وبين عقلي من يمته شيخ ياخذ كلام كلبه ولله زمن خلاني ما اكدر بلياها
