جا والعيون البيك حلمن ؟
- جا وكلبي هسه ألمن ؟ ..
..............................................
(تبارك الموسوي)
صعدت غرفتي وضليت صافنه ع نفسي شنو يلي مصبرني لي هسه ضاله هنا اشتقت الهلي ليش هسه يله ذكرتهم معقوله عاجبني هاذا وضع ضليت ابجي عله حالي وجني هسه يله صحيت واهلي ما سئلو وكالو بنتنا سمعت لباب ينفتح درت وجهي شفت وهاب داخل الغرفه استغربت لان صار ايام ما شايفته
دخل وكف يم باب غرفه ويباوعلي وكال
وهاب:جنت اصيحج ليش ما اجيتي وشنو هاي عيونج باجيه
مسحت عيني باديه وتقربت منه باوعتله واني كلبي يرجف ماعرف حب او خوف
روايه:ليش عايفني انته اخذتني من اهلي واخير شي ذبني هنا محبوسه ومتحمله كلام منك ومن زوجتك ترره ولله اني انسانه وهااب حسس
من كلت هيج حسيته صحه او رجع وعيه عكد حاجبه بدون اي كلمه جرني وحضني احس ذب ثكله كله عليه وجانت انفاسه قريبه عن رگبتي صرت ارجف رجلي ما حملتني ادفع بي وكوله يوخر بس ماله صوت ضل هيج لدقايق واني ميته خجل وجهي اصفر بعدين حسيته شال راسه من رگبتي وايده خالها على خصري. رفعت راسي شفته يباوع لوجهي تقرب عليه درجه احس انفاسي اخطلتط ويا انفاسه طبع بوسه خفيفه قريبه على شفايفي ورجع يباوع لوجهي واني ارجف وجهي عباره عن حمار وهوه ما اعرف شبي مثل لما صاحي جرني له اكثر
روايه:شبيك وهاب وخر عني
ابتسم بحب اول مره اشوف ابتسامه حلوه هل كد
باس راسي وضل يبوس بخدودي هاي كله وهوه ما حاجي ولا كلمه .............
كعدت صبح وعيوني ثكال من نعاس وصوت رقيه دك با باب فتحت عيني شفت نفسي بحضان وهاب اذكرت احداث بارحه بليل صار وجهي احمر ورجعت رجعت راسي على صدره مجاهله صوت رقيه يلي تصيحنه الريوك
وهاب
اجتني ايام احس نفسي مخبل صرت ما اجي لبيت وخلصت وقتي شغل با ديوان ويوم من ليام جانت جايه مشكله وحليتها مثل كل مره وجان رجال سيد
السيد:ماعرف شلون اجازيك شيخنه حليت الي مشكله جانت تهدم بيتي
وهاب:ما مسوي شي سيد علي جان حكك ورجعته لك
واني احجي صرت اكح وجهي ختنك مثل كل مره اجو لولد جابو ماي ولتمو اشرت لهم انو ماكو شي لسيد من شافني هيج عكد حاجبه
لسيد علي:مره رخصتك شيخنه رايدك بحجايه
طلعو لولد من لديوان باوعت لسيد وكلت
وهاب:كول سيد
كض سبحه يسبح ويباوعلي وكال
سيد علي:راسك يوجعك وهاي حاله تجيك كل مره
باوعتله بستغراب وكلت
وهاب:اي سيد بس انته شلون دريت
سيد علي: اول شي كول يا الله
وهاب ;ونعم بالله
سيد علي: شيخنه اضنك مسحور وسحرك موش خالي ما اضنه على صحتك وانه عندي علاجك شيخنه
ضل يسولف على لعراض يلي تصير لي وجت مستغرب وعقلي راح يوكف معقوله انه مسحور ومنهو يلي سوها وكل يلي قريبين عليه من هلي وناسي
سيد علي: شيخ سحر يلي مسوينه لك ماهو قوي واضنه واحد ونشالله شيخنه بقراءه قران راح يطلع منك بس كون مشرب لانه اسهل وشيخنه شوكت ما تريد انه يلي راح افك سحر
وهاب: سيد علي اريد هسه تفكه مني ومعروفك ما ينسي
ابتسم سيد علي وكال
سيد:شيخنه افضالك جثيره
ضل يقره قران بصوت مشالله عليه. زاد وجع راسي وحسيت نفسي اريد اذب من راسي ركضت لمغاسل وباوع سواد جاي ينزل من حلكي غسلت ورجعت لديوان لكيت سيد مبتسم
سيد:هاهيه شيخنه وها شيخ لا تاكل ولا تشرب شي من احد مالك ثاق بي
طلعت من ديوان ورجلي اخذتني لحبيبت كلبي دخلت غرفه وانه بالي طاير حرت شكلها ليش اجيت الها شفت عيونها حمر مبينه باجيه اجت يمي هيه تحجي واني ضايع بتفاصيلها حاير وين اخلي عيوني على عيونها جنهم جواهر لو على خدودها يلي جنهم كيمر عرب لو على شافيها اويلللي على لحمزه رجال بطول بعرض اضيع يمها من تحجي تسحل روحي وانه عود شيخ ابن دواوين
...................................................
خُذني إليك فما أظن بأنني
أنوي فراقًا أو أود رحيلاً
يكَفي بأن أبقى بقربك مؤنسي
إنّي اتخذتك صَاحبًا وخليلاً .
