تفاركنه، ونسيتك، والعشك راح
جا ليش من شوفك تضحك ارتاح؟!
......................
انتضرت لوقت مناسب علمود اشرد وراح اخلي كلبي ومشاعري ورايه جنت كاعده واني للف فكره براسي ودموعي ما يوكفو باوعت لساعه شفتها 3ضهر لبست لحجاب ونزلت شفت محد موجود ولبيت هدوء ركض لحديقه طلعت عبايتي واني جاي البسها شفت رقيه واكفه يم باب لحديقه وتباوعلي
رقيه: اذا شردتي راح اكلهم اجه زلمه واخذها ونهمزت ويا
باوعتلها بتقزز
روايه: لله لا يوفقج ويطلع حوبتي بيج ياااا رب اني عبتدتك لمضلومه وهاي يلي ضلمتني طلع حقي منها
كلتها بحركان كلب ودموعي تجري ويا كل دعاء دعيته عليها
جريت عبايتي وطلعت من لباب شفت سياره واكفه ركضت فتحت لباب خطيه زلمه كمز
روايه: عموو فدوه بداعت حبايبك اخذني منا واني احجيلك
زلمه ما كال لا حرك سياره شفت سياره بعدت ارتحت
رجال: بويه شنهي وين رايده وشني قصتج
روايه: عموو لبغداد وهاذا لعنوان اني اشتغل هنا وسمعت باومي مريضه وطلعت هيج مفزوعه
خطيه رجال صدكني وصار يواسيني ويسئلني شبيها اني اجاوبه وكلبي يرجف مدري خوف مدري شتياق. مرت ساعات ودخلنه لفرعنه عيوني دمعت وضحكتي ترست وجهي واني اباوع عله شوارع يلي خلصت طفولتي بيها ولمحت غيث ابن جيران واكف با لباب مالتهم ومن شافني عيونه فتحهم بتفاجو. وصلت لبيتنه
روايه: عمو انتضر هنا اجيبلك لفلوس واجي
رجال: افااا عمي جا اني ما اشتغل بسياره مالتي بس عبنه شفت هاذا حالج ومو من شيمنه نعوف حرمه بشارع وحدها
من حجه هيج اذكرت وهاب نزلت راسي وتشكرت منه.
رحت لبابنا واني ارجف ومتررده ادك لباب يلي عافني بئيد ناس غربه ولا سمعت الهم خبر. شجعت نفسي ودكيت لباب. شويه واسمع صياح حسين وهوه يحجي ع يلي دك لباب ههههه هاي عادته ما يبطلها انفتح لباب وشفت اخوي حزام ضهري ياايمه ولا عرفته مو هاذا حسين يلي اعرفه شصاير بي باوعتله شفته جامد بمكانه
روايه: حسيون شنو ارجع.
طفر عليه وهوه يشبكني ويشمني اول مره اشوفه هيج ضل يصرخ صريخ عبالك شايفله ميت
وعله صريخه طلعت امي و احمد امي بس لمحتني بحضن حسين. وكعت من طولها ركضت عليها شالوها لولد دخلوها جوه دخلت وراهم لبيت متغير بي كميه كئابه مو طبيعيه احمد خطيه هم مثل يلي ما مصدك يحضني ويرجع يباوع بوجهي يتئكد. كعدت امي سوده عليه وجها شاحب ومن شافتني ضلت تون وتصرخ تشبكني وترجع تصرخ هنا متت بجي هذوللي اهلي.
امي ضلت حاضنتني مثل لطفل يلي يخاف تضيع لعبته ضليت بحضنها لدقايق بدون اي حجايه بعدين حسين حجه
حسين: وينج ليش هسه طلعتي مو كالو النه ميته وسوينالج كبر
من كال هيج شهكت وباوعله بستغراب
روايه: شنو ميته انته شنو تحجي
احمد كعد يمي وكال
احمد: مو اخذوج فصليه وابوي واحنه جان كل يوميه يروح الهم ويطردونه وفد يوم من ردنه نشوفج كالو النه البنيه انتلت وماتت وجابونه اوراق شهادت الوفات بيها تسودنه وهاذا حالنه
روايه: بابا وين
من كلت هيج ضل حسين و احمد واحد يباوع لوجه لثاني وامي دمعت وخلت شيلتها ع عيونها
حسين: ابوي انجلط ومات
بعده ما مكمل حسيت غواش نزل ع عيوني وثكلت عيوني طحت.
صحيت واني بحضن امي شبكتها وضليت ابجي بحركه اخخخ بوويه شنو ضل بينه احس عائلتنه انحسدت اذكر من جنه ملتمين ونضحك وعلاوي يحشش عليه واني اضوج وشرد لحضن ابوي زعلانه وجان ابوي يشبكني بكل حنيته ويهدد بخواني لحد يضوج حبيبته.
ام روايه: ولجج يمه انهد حيلي ولدي اطشرو بنيتي كالولي ميته زلمه من قهره نجلط ومات اخخخ روايه بنيتي امج ماتت وراج وهسه يله ردتلي روحي
شبكتها ونبجي سوه.
..................
وهاب
من جانو يحجون على روايه تخبلت وبكوه كضيت اعصابي وما سويت الاهن شي بس يلي سودني اختي يلي انه ربيتها لله وكبرر بعدها بكد لفصمايه وتذب هيج بلاوي. ما جاني شك واحد با ميه ماعرف ثقتي بيها او حبي الها او ثقتي باخويه. عفت لبيت ورجعت لمغرب دخلت لبيت شفت لشيخه تروح وتجي وليغادي رقيه واكفه.
وهاب: يمه خاطر الله تعبان وما اريد حجايه اريد انطمر وعساني ما كعدت
جاي اصعد وسمعت امي تكول
شيخه: يمه حرمتك انهزمت ويا زلمه وبهاي عيني شفتها
فتحت عيني وكلبي اجته بزه قويه بدون ما تكمل صعدت فوك اركض فتحت لباب ما لكيتها صرت مثل لمخبل افتح با بيبان وادور عليها بهاي لحضه تمنيت ما جاي على لبيت لو ميت قبل لا ادخلت لبيت جان اهون. اخذت سويج لسياره ونزلت اركض. قبل لا اطلع صرخت
وهاب: يممه شفتي حرمتي بعينج انهزمت ويا رجال
لشيخه: ها اي اي يمه بعيني محد كلي وحته سياره بيضه من هاي لعاليات ورجال جبير با اربعين عمره
رقيه: اييي خويه جا انه مو كلت الك حته سمعتها تخابر تكله اي حبيبي منتضرتك ومن اجه رجال ذبت نفسها عليه نوب شويه وصدو لسياره.
وهاب جر السلاح وهوه عيونه حمرره دم ويرجف وراح طلع يركض
لشيخه:يمااا دهررر ابني راحح من وره ك...بنت...... لله لا يطيج هجمتي بيتنه
رقيه:ايي شيخه جا همزين صحتلج وشفتيها صعدت سياره لو ما شفتيها وكلتي لوهاب جان تهمنه بهزمتها
...........................
-للأسـف ڪـبريائـي مـن النـوع الثقيـل يعنـي لـو قـررت مـا التفـت لڪ والله لـو تڪـون بيـن رمشـي مـ لمحتڪك .
