- صباح إلخير لكل الشُوارع المحظوظه بوجهك لضحكتك التي تتِكفل في إسعاد عالم بأكمله ):
...................
حسيته كعد غمضت عيوني سويت نفسي نايمه حسيته يباوعلي وشويه واحس طبع شفته على شفايفي غمضت عيوني اكثر سمعت صوته يضحك
وهاب:كومي بيويه ادري بيج كاعده
من سمعته هيج كال جريت لغطه وغطيت وجهي بي سمعته رجع ضحك وصوت باب ينفتح وخرت غطه من راسي شفته بعده موجو عزاا قشمر عليه جانت ضحكه تارسه وجها اجه عليه وخر شعري من وجهي وباس خدودي
وهاب: عمري اذا نعسانه رجعي نامي انه طالع لديوان
هزيت راسي ضل يباوعلي وكال
وهاب: لو بئيدي اضل عمر كله اباوعلج وما امل
ابتسمت بخجل ونزلت راسي هوه طلع
واني سرحت بتخيلاتي وباوع على كل مكان بغرفه يلي جان هوه بيها كمت سبحت ونشفت شعري،واني امشط الباب نفتح بدون ما يندك باوعت لكيت سحر
سحر: لججج بنت شوارع تاخذين زوجي مني ليوم اذا ما اطلع دمج ما ارتاح. دتعالي افوخ كلبي بيج
اجت عليه كضت شعري وصارت تجر بيه وهيه تغلط وتفشر شعري تكطع بيدها
روايه: عووفيني خاله رقييه
عضيتها من جتفها بكل قوتي بس ماكو ولا جنها ملختني تملخ راحت روحي شويه وسمعت صوت شهاب يصيح
شهاب:امم سحورره جاي سوين لبنيه اذا ما تنزلي راح اصعد وشمرج من درج
من سمعته هيج عافتني وراحت تركض جوه
بكوه شلت نفسي من كاع اباوع لنفسي مخرمشه تخرمش لميت شعري ونزلت جوه مراح اسكت لها مراح اضل هيج كل شويه جايه كاتلتني
واني جاي انزل درج سمعتهم
شهاب: تفف لا بارك لله بيج بيج بخت انه هيج جان عرفت شلون اسكتج
سحر: امداك يل لمدمغ جا مو اخوها عوقاك وانته دافعلها هااا بس لا بالك غير شي كلي جا اني اكيف اذا انته عاشكها اخذها وشرد وانه اساعدك يا ابن عم
بعدها ما مكمله وسمعت صريخها وصوت شهاب يغلط ويسب نزلت شفتها سابحه بدمها وجها كله دمم وهيه طفر منا ومنا وشهاب كبالها يغلط خفتت خليت وصعدت لغرفتي اركض وسديت لباب وكل شويه اسمع صياح وسمعت صوت وهاب يصيح و سحر تبجي اندك باب
روايه: منوو
رقيه: فتحي باب هاذي انه
ركضت فتحته دخلت كعدت ع جربايه اني سديت باب وكعدت يمها
رقيه: ولج هاي شهاب ضارب سحر با مزهريه ودمها بطولها وانه وامي رجعنه لبيت لكينها سابحه بدمها امي خابرت وهاب اخذها لمستشفئ وشهاب امي تسئله ليش سوه هيج وهوه ما يحجي يكلها جنتج لسانها طويل
روايه: لاا رقيه سحر هيه اجت كتلتني وشهاب خطيه من جوه ضل يصيح عليها وهيه نزلت ضلت تغلط با لحجي وكلامها اذا سمعه وهاب راح تصير مشكله كلش جبيره
ضلت رقيه تحلف بيه اكلها شكالت ومن كتلها شهكت وضربت خدها
رقيه: يمه دهرر صابها اذا يدري وهاب يموتها وعمامي ما يسكتو وهاي ام سحر ذب ناس على ناس فدوه روايه ماريدج تكول لاحد سوي نفسج ما سامعه حته امي ماريدج تكولي لها ماطول شهاب سكت انتي هم سكتي
عكدت حاجبي بستغراب ليش سوي هيج واذا مراح اكول وهاب راح يتعارك ويا شهاب وهيه خايفه ع سحر اكثر من اخوها
......................
لو مرني طيفك يوم تتبدة العيون
طاريكم يهد حيل شوفتكم شلون
