حتى الاشياء التي كنتُ أخشى خسارتها، أصبحتُ انا من اتنازل عنها . .
..................................
روايه
طفرت من مكاني من سمعت صوته نزلت درج اركض لكيت امي واكفه يم لستقبال رحت يمها
ام روايه: ولج يمه هاذا رجلج ويا اخوانج راح واحد يموت ثاني
من سمعت هيج متت خوف بدون تردد فتحت لباب ودخلت لستقبال شفته واكف بين اخواني بس من كد ضخامته وطوله بارز من بينهم جانو يصيحون من شافني سكت وباوعلي بنضره ابد ما شايفتها بعمري
روايه: وهاب شنو رايد جاي هنا اني بعد ما اريدك ولا راح ارجع وياك طلقني
كلت هيج وهوه لو تخبل راد يجي يمي وعلاوي كضه جان يدفع علاوي ويجي عليه
انخلست ما كدرت اتحرك اجه كض ايدي ويحجي
وهاب: هههههههههه عباالج جاي اخذج لاا يا روايه مو شيخ وهاب يلي تكسره مره وطلاك احلمي بي مستحيل اطلكج وهااذا شاربي اذا ما خليتج ترجعيلي وحدج وتتسولي ترجعي
اباوعله
عيونه حمر وعروك ايده واضحه
ماعرف ليش هيج كلامه اثر بيه ياا ناس احبه بس اكو شي يمنعني وره هاذا كلامه مستحيل ارجع
روايه: ماعرف شنو كالو الك عليه بس وداعت امي ما غلطت بكلشي سويته وحته شردتي من بيتك ما جان غلط شووف نفسك يا حضرت شيخ موتتني واني عايشه حرمتني من اهلي
حسين جره مني وصار كدامي
وهاب: هههههههه انتيي يلي جنتي عاجبج لوضع وما يوم كلتي الي تريدي اهلج وشنو فرق اذا موتج با حالتين انتي ميته بنسبه الهم
طفر عليه علاويه ضربه ع وجها وهاب تخبل كض علاوي وضرب بي وحسين يجره منه من شفت هيج ضليت اصرخ امي دخلت مخلوسه وجها صار اصفر
فارقهم حسين وهاب عدل ملابسه وباوعلي
وهاب: مثل ما كتلج انتي يلي راح ترجعلي.
كال هيج وطلع وخطيه علاوي عيونه صار جوها زراك وحلكه كله دم وهاب هم حلكه بي دم عفتهم وصعدت فوك باوعت من شباك شفته واكف يم سيارته ويمسح بدم سديت شباك كعدت افكر بكلامه واصفن شنو جان.يقصد وليش راح ارجعله بنفسي قطع تفكيري صوت باب يندك
ام روايه :يمه رجلج ناوي ع شر وخوج علي راد يلحكه وكضيته وحسين يكول خلي،نشتكي على
طفرت من مكاني
روايه: لاا ماما شنو تشتكو سدو موضوع اصلا مراح يجي مره ثانيه خلي تمر فتره ونطلك موضوع بعده حامي وخاف يصير شي
امي قتنعت هزت راسها
روايه: ماما مبالي وينه اريده
.................................................
ريحة مطر ، كَهوة وشعر"
صفنة وطن بعيونك ،
