واحتضني مثل الشتاء،فإني بالهوى لا اطيق ضعف الربيع🎻

١٢

لينا طلعت من الدوش وهي مسترخيه غيرت لبسها وجففت شعرها وحطت مسك اللي تحبه وروائح خفيفه تسترخي عليها
دخل سلمان ومعه صينيه فيها اكل
لينا :نعم ؟ داخل  بشراع ومجداف
سلمان ضحك:جبت لك اكل ما تغديتي
لينا : الحين ؟
سلمان:اهم شي اكلي عشانك تعبانه
لينا بتعب : مابي شيله عن وجهي
سلمان سحبها وجلسها على الكنب :انثبري واكلي يلا
لينا باستسلام:الشوربه فيها ثوم؟
سلمان:لا ما حطيت ثوم عشان حساسيتك
لينا استغربت : ماحطيت؟ انت اللي طابخ
سلمان:تراني طباخ لا يغرك ذوقي واحكمي
لينا :تبيني اتسمم؟
سلمان:ذوقيه اذا ما عجبك لك اللي تبين
لينا بتحدي : طيب
سلمان :تم يلا سمي
لينا ذاقت الشوربه وانصدمت من اللذاذه :احلف انك مسويها
سلمان :قلت لك لذيذه صدقيني
لينا :كنت بكذب بس صدق لذيذ
سلمان ابتسم :بالعافيه
سلمان: كملي اكل انا بجلس بالكنبه
لينا قامت تاكل بهدوء
بعد فتره لفت عليه لقته نايم بعمق هزت كتفه
لينا :سلمان قوم غرفتك
سلمان بانزعاج :خليني انام شوي
لينا :طيب روح سريري نام
سلمان قام بكسل وانسدح وتغطى

رجعو وجهزو الاغراض وكل واحده اتجهت لغرفتها تتجهز
ندى طلعت لغرفتها وهي ناويه شر بشادن لقت زيد عند باب غرفتها
ندى :هلا زيد
زيد :كنت ابي اعتذر عن ذاك اليوم اللي تركتك فيه اسف
ندى :عادي ما صار شي
زيد مسك كتوفه :اكيد؟
عزيز كان جاي بس وقف من شاف زيد ماسك ندى وقرر يرجع بخطواته
ندى انتبهت لعزيز :اكيد يلا بروح اتجهز
زيد :اصبري مد لها كيسه وكان محتواها هديه هديه اعتذار
ندى ابتسمت :ماكان له داعي ما تقصر
زيد ابتسم لها وراح
ندى ركضت على طول لعزيز اللي كان بالبلكونه كلعاده
ندى : كنت بتكلمني بشي صح؟
عزيز خبا الكيسه :لا
ندى :شلي معك ؟
عزيز توهق وعرف انه انكشف :هديه
ندى :الله لي؟
عزيز :اموت عثقه
ندى بتفكير :انت جيتني وبيدك شي لمحتك ترا بس لما شفت زيد صديت ورحت
عزيز بوهقه :من قال لك يمكن بعطيك اياها تعطينها لاحد ثاني
ندى رفعت حاجبه بغيره :لمين مثلا؟
عزيز ابتسم بنذاله قرب منها وهمس باذنها :شادن يمكن
ندى بغيره واضحه :شادن ؟ عطها انت احسن يمكن تحبك وتتزوجون
عزيز ضحك وهو طالع نطق بكلمه وليته ما نطقها :يمكن
ندى غضت شفايفها بغيض :خسيس

شهد كانت تتروش طلعت من الحمام وعليها الروب وخشمها احمر من الماء الحار تنهدت بعمق وغيرت لبسها
جلست على الكرسي وبدت تمشط شعرها سمعت طرق الباب
شهد :ميننن؟
فيصل فتح الباب وسكره باستجعال: انا
شهد فزت بتوتر من سرعه تنفسه : شفيك؟
فيصل: بسافر
شهد عقد حواجبها :وقته اللحين ؟
فيصل بحده : شهد!
شهد :نعم نعم؟
فيصل بجديه :خل نتزوج
شهد رفعت حواجبها بذهول : ايش؟
فيصل قرب لها : ابي اتزوجك
شهد ابتعدت عنه : ايش يعني ابي اتزوجك مو فاهمه شي شفيك وليش قاعد تركض؟وليش مدرعم؟
فيصل: هيام بتخطبك لعبد الكريم وجدي بيوافق لان هيام بتاخذك لو ما تزوجتي
شهد بانفعال:وانا ليش اخر من يعلم؟!! وليه طيب بتسافر؟
فيصل :بسافر خمس سنين كلها شغل
شهد تغيرت نبره صوتها: خمس سنين!
فيصل ناظر عيونها الذبلانه : ما اتحمل خمس سنين شهد ياخوفي تنسيني ولا يلين قلبك لغيري وقتها الخمس سنين
قاطعته شهد: بس انا توي صغيره ٢٤
فيصل: طيب خل اتزوجك ونعيش برا وبعدين نرجع
شهد بحيره: لا جوابي هو لا
ابتسم بحزن وخيبه : بسافر بعد اربع ايام وطلع
شهد جلست على سريرها انهمرت دموعها على خدها وبرجفه : اخ يارب

حنين جلست بغرفتها تتجهز بخت عطرها المفضل ولبست حلقاتها
وشوزها وقرر انها تعترف له بعد تفكير عميق اتجهت لغرفته لقت الباب مردود سمعت صوت راكان : ياخوي انا احبها بس ما تحبني هي انا متاكد
زيد ؛طيب صارحتها؟
راكان : اي بس ما عطتني اي رده فعل
زيد : شسواه اللحين بتقول لحنين انك ما تحبها؟
راكان : انا ما اكرها بس احب احد غيرها
حنين حطت يدها على فمها تمنع شهقاتها من اول ما وعت على ذي الدنيا كانت حاميه قلبها وبقوه بعد وماسلمته لاي احد بس لما قررت تخطو ذي الخطوه للاسف طلعت غلط انسحبت بهدوء تام ورجعت لغرفتها عدلت الميكب وجلست تفكر ايش تسوي

سلمان قام من النوم وابتسم من ريحه عطرها
قام بنشاط ولبس جزمه
لينا دخلت :سلمان برا بسرعههه بسرعهه جدي جاي
الجد :يالله سترك ورضاك
لينا وسعت عيونها :انسدح انسدح
سلمان انسدح لينا جلست عليه وغطت جزء من رجولها
الجد :لينا
لينا بتوتر اقشعر جسمها من لمس رجلها سلمان  :هلا جدي شبغيت
الجد :ابيك تنادين سلمان وفيصل وتجوني اذا خلصت عزيمتكم ضروري
لينا بلعت ريقها  :ابشر
الجد طلع رسكر وراه الباب
قامت لينا من على سلمان بسرعه
لينا بخجل :قوم بسرعه يلا
سلمان بلع ريقه بصعوبه :رجلك
لينا :شفيها ؟
سلمان رفع فستانها لين ركبتها لينا عطته كف لا ارادي
سلمان يناظرها والصدمه طاغيه عليه تجاهل الكف رجلك تنزف سحب منديل وحطاه على الجرح وين المعقم واللصق لينا فتحت الدرج ذا هو عطته وهي خايفه من رده فعله بدا يعقم وبعد ما انتهى غطا رجلها وقام بغبنه
لينا :سلمان اصبر
سلمان بتزبيد :ادري انك مو قصدك مايحتاج تقولين وطلع بقهر

وصلت شادن ووتين
لينا سلمت عليهم :حياكم
نزلت حنين وسلمت عليهم
شهد نزلت ومعها ندى شهد : هلا وغلا هلا فيكم مسوين جلسه برا الشباب بيشون حياكم
شادن : عزيز موجود
حنين : اي وجايب لك ورق عنب بعد
شادن :دام الموضوع فيه ورق عنب اكيد جايه
حنين :هاذي ندى وهاذي شهد تعرفينهم صح ؟
شادن :اعرفهم
ندى قلبت عيونها وشهد متكتفه تخز وتين
لينا حست الوضع متكهرب يلا امشو وطلعو الا ندى وشهد ضلو يطالعونهم
ندى:تقهررر
شهد :ودي اعضها
ندى :لحضه من قصدك؟
شهد :انتي امشي لا افجر فيك

شادن راحت لعزيز تحت انظار ندى المرعبه :اهليين
عزيز مد يده وصافحها :هلا وغلا اخبارك
شادن :تمام الحمد الله
ندى بغيض بهمس :بوسيه احسن
لينا :وتين تعالي شوي بكلمك
وتين لحقتها :شبغيتي؟
لينا مدت لها العلبه :ذي من فيصل
وتين :فيصل ؟ ايش ذا ؟
لينا :ما اعرف ايش هو الصدق قالي عطيها اياه
وتين :تمام
لينا راحت
ووتين فتحت العلبه طلعت خاتم ابتسمت وكان خاتم امها :اخيرا✨
لبسته ورجعت مكانها مبسوطه

انتهى 💛