واحتضني مثل الشتاء،فإني بالهوى لا اطيق ضعف الربيع🎻

٣٤

لينا جت لهم وهي تركض : شفيكممم؟!!
فيصل سحبها: لا تصارخين الشرطه جايينن
لينا حاولت تفلت يده :بروح لهمم

بعد دقايق وصلو الشرطه وتوقف صوت الطلقات
عزيز قام لحنين:انتي بخير؟
سلمان زفر براحه من شاف لينا  اتجهه لها
فيصل افلت يدها
لينا حضنت سلمان بخوف وجسدهت يرجف
سلمان بادلها : ماصار شي خلاص اهدي
شهد تكت على كتف فيصل وزفرت براحه
ندى حست بألم فضيع براسها كانت تناظرهم ولا احد اللتفت لها ولا حتى تطمن عليها عرفت ان الاخ او الاب عزوه وعزوتها عند بربهم خنقتها العبره وكلعاده قامت من نفسها ونفضت لبسها وراح تشرب كاس مويه 
لينا ساعدت الجد يقوم والجده بعد
لينا كانت تدور سلمان :سلمان وينهه؟!! صار له شي؟!
شهد :ممكن احد يفهمني شصاير؟
فيصل: في احد مستهدف عايلتنا
شهد :وليش
فيصل: ما نعرف ولحد ما نعرف بنروح لبيتي
راكان:ومن متى عندك بيت؟ يكفينا ولا؟
الجد : البيت كبير لاكن الغرف قليله فكل اثنين بغرفه
فيصل: البيت بعيد عن المدينة فلازم تتخذون اجازه اسبوعين اقل شي
عزيز مسك راسه بتعب نسى ندى نهائي من الضغط اللي عليه
راكان: الشركه وضعها مو مستقر ماينفعع نهائي نتركها بذا الوضع
فيصل:بسيطه نشتغل اون لاين وبجيب ليلى عندنا كل ويكند عسان تعطينا أخبار الشركه
شهد انقهرت من موضوع ليلى : طيب وشركتي؟!!
فيصل:والله عاد جدي قال الكل ياخذ اجازه كلميه شوفي وضعك
ندى صبت لهم مويه وبدت توزع
شهد :مابي وكملت تتناقش
ندى مدت كوب لفيصل: خذ
فيصل: لا يا جدييي ما تجيب رجال غريب ، لا شكرا مابي
شهد: عزيز كلمهه انا بعد وراي شغل
عزيز بنرفزه :خلاص فكوني انتو الاثنين
ندى مدت له الكوب :خذ
عزيز : بالله هاذا وقته توزعين ماي!!
ندى: اشرب بترتاح شوي
عزيز وعقله مو معه اخذ الماء وكباه بالجك مرا ثانيه
ندى مرا انقهرت من حركته تركت الصينيه :جدي متى بنروح ؟
الجد: اليله تخلصون الاغراض بكرا الصبح نمشي
ندى صعدت فوق بدون اي كلمه
حنين حست بضيقتها انتبهت للدم اللي بالارض شهقت بخوف : ذا الدم لمين؟!
عزيز اللتفت : شيكو على جسمكم فيه دم
شهد:مو انا
راكان وفيصل:ولا انا
حنين:جدي وجدتي مافيهم شي تو شفتهم
راكان: يمكن ندى
فيصل: ما اتوقع كان قالت لنا ، عموماا شهد سلطانن ما يجيي
شهد : اجل ليلى ما تجي
الجد بزهق منهم : ولا احد يجي وقضينا توزعو على الغرف عشان لا تتهاوشون هناك
فيصل: انا وعزيز ، حنين ولينا ،سلمان وراكان ،جدي وجدتي ،ندى وشغف
شهد:وانا؟!
فيصل:يوهه نسيتك المشكلة مايكفي وين نحطك في غرفه خدامه عادي؟
شهد:مرا تضحك بقعد مع ندى وشغف

ندى دخلت غرفتها وكنست الزجاج غيرت لبسها انتبهت لبقع الدم عقمت الجرح اللي بأسفل راسها : ولا يهمك انتي سند نفسك عادي لا تزعلين مشطت شعرها وسوته ضفيره بحيث يخفي الجروح
اندق الباب وكانت حنين
ندى: هلا حنين
حنين سحبت يدها بحنيه:انتي بخير
ندى كلمتها حركت مشاعرها ولاعرفت ترد وان نطقت حرف بتبكي
حنين : في دم تحت انت صاحبته؟
ندى بعد اهتمام : جروح بسيطة عادي لا تهتمين
حنين : تدرين لو درا عزيز بياخذك للمستشفى
ندى وهي تلبس حلقها  : بطقاق
حنين: من قلبك
ندى : اي
حنين:شفيكم عادي تقولين لي؟
ندى :هو عادي بس مافي شي اقوله قرر انه يزعل وبس الباب يوسع جمل
حنين:ندىى شدعوه ما توقعتك حساسة كذا
ندى فتحت دولابها وبدت ترتب اغراضها 
حنين: ندى من جدك صدقيني الكل يهتم فيك مو بس انا صدقيني
ندى: حنين خلاص سكري الموضوع ولا تقولين لاحد وخاصه عزيز براحته خل يرضى وقت ما يبي
حنين طلعت باستسلام
ندى زفرت بضيق وجلست

عزيز كان جالس يخلص شغله جته حنين
حنين: ارتب ملابسك؟
عزيز:لا لا ما يحتاج يعطيك العافيه
حنين: شلي مضيق صدرك يا خوي؟
عزيز تنهد: فيصل وشهد احس اني لي يد بحالتهم اللي هم فيها اللحين
حنين:عشان ندى قالت ولا عشانك انت حسيت
عزيز مسح جبينه : الاثنين
حنين:انت زعلان منها اللحين؟
عزيز: مو سااالفه زعل بس المفروض تفهم موقفي اقل شي
حنين ابتسمت : سبحان الله نفس بعضض انا اقول قوم شوفها وانا برتب اغراضك
عزيز: ليش شفيها؟
حنين: قم شوفها بتعرف

شهد كانت تفكر بليلى ذي وتحس انها بتخنقها قررت انها تتنازل وتروح تكلم فيصل
شهد كانت بتروح غرفته بس لقته بصاله الفوقيه على الابتوب يشتغل: فيصل بقولك شي
فيصل وهو على الاب :همم
شهد جلست جنبه : قول لليلى ما تجي
فيصل:وليش؟
شهد بمقابل مارح اجيب سلطان
فيصل: مو بكيفك هو اصلا بيتي اجيب فيه اللي ابي
شهد : طيبب بليزز لا تجيبهاا وبعدين يمكن ما توافق
فيصل بتحدي : الا وافقت وبتجي عندنا اول اسبوع
شهد: ف قاطعها إتصال عبدالكريم ابتسمت بنذاله :الو
عبدالكريم:اخبارك ياحلوه
شهد فتحت سبيكر وتكت على فيصل عشان يسمع :تمام الحمد الله
فيصل كمل يكتب ووده يقوم ويكسر الجوال فوقها
عبدالكريم: الا صدق متى الشوفه
فيصل غمض عيونه واستغفر
شهد كتمت ضحكتها:بصراحهه بنروح ذا الاسبوعين بيت ولد عمي وبعدها يصير خير
عبدالكريم:زين عوافي اي واحد من عيال عمك؟
شهد ناظرت فيصل:فيصل
عبدالكريم: هو اللي طويل شوي وجسمه معضل؟
شهد متنحه فيه : اي
عبدالكريم: اللي قلتي لي انك تحبينه قبل
شهد بنفس فهاوتها :ايي
فيصل لف عليها  لقاها تناظرها وسرحانه
عبدالكريم:واضح انه يكرهك انشاء الله ربي يعوضك فيني
شهد أستوعبت وكشرت من دعوته استغفرت من داخلها :يلا باي وسكرت بوجهه
فيصل حاول قدر المستطاع انه يضبط اعصابه : شفيك كنتي متنحه
شهد فكرت بصوت عالي :توي انتبه ان عندك عوارض سكرت فمها
فيصل ابتسم:طيب روحي جهزي اغراضك
شهد:طيب قولي اخذ ملابس كثيره ولا شوي عشان اخاف الغرف ما تكفينا
فيصل بخنقه تغيرت نبره صوته :في غرفه لك هناك نامي فيها
شهد: كيف لي يعني لحالي ؟
فيصل:ايوا
شهد :وليش انا لحالي؟
فيصل سوا نفسه مشغول بالجهاز : هي من زمان جاهزه لك حسبت انك فيصل سكت لما حس انه جاب العيد
شهد:كمل كملها
فيصل رجع نظرها :لما حسبت انك بتوافقين كنت مقرر نعيش هناك
شهد عضت شفتها
فيصل : بس  ما كتب ربي
شهد: اسفه
فيصل: مايفيد

انتهى💙