واحتضني مثل الشتاء،فإني بالهوى لا اطيق ضعف الربيع🎻

٣٣

شهد نزلت تحت وطلعت من الباب الخلفي وبهدوء ماشافت احد عن الشجره عقدت حواجبها باستغراب فجأه احد سكر فمها وحسبها
شهد كانت بتصرخ بس همس باذنها : انا انا

ندى بعد ما عقمت يدينها وحطت اللوشن مشطت شعرها واتجهت لعزيز فتحت الباب دخلت وسكرته
عزيز كان مشغل الابجوره ويقرا روايه قبل النوم ندى رفعت غطا السرير وانسدحت وغمضت عيونها براحه
عزيز:عفوا؟
ندى لارد تمسكت بالمخده زين
عزيز : ندى شتبين ؟ ترا مو فاضي لك
ندى: ابي انام
عزيز:ماعندك غرفه؟
ندى:الا بس وتين نايمه بسريري وبس ترفس
عزيز: شوفي غرفه حنين
ندى:حنين سريرها صغير
عزيز:اووفف طيب
ندى حست انها ضايقته قامت وربطت شعرها بتعب :خلاص بطلع بطلع
عزيز:وين بتنامين ؟
ندى سحبت بطانيتها :بجهنم
عزيز ضحك
ندى بنذاله لفت عليه قبل لا تطلع :بنام عند زييد
عزيز وسع عيونه حركتها استفزتهه بشكللل!! رما الكتاب بقهرر على الارض
ندى بضحكه فتحت الباب دخلت وسكرتها وراها رمت المخده على السرير والبطانيه بعدها راحت وجابت الكتاب : خذ
عزيز اخذه : شتحسين فيه ؟
ندى: بنامم بليز خلني مارح ازعجك والله
عزيز: زين تعالي
ندى جابت البطانية الي هي اخذتها  وسوت زي الحاجز : كل واحد وبمنطقته ان جيت صوبي ياويلكك
عزيز حقرها وكمل يقرا

شهد وقف شعر جلدها من قربه
فيصل: انا لا تتحركين
شهد وقفت تناظره مصدومه اشرت بمعنى شفيه؟
فيصل همس : في احد شفته
شهد بنفس همسه : انا بعد عشان كذا نزلت
فيصل اشر لها ورا : شوفي هذاك هو
شهد لفت وكانت بتروح له فيصل حسبها :وين يامجنونه في كاميرات قاعده تصور كل شي
شهد :مين ذاا؟
فيصل:معرف والله بس شوفي متلثم
المجهول رفع راسها لمصدر الهمس
شهد بخوف:شافنا؟
فيصل سكر فمها :لا رجع يكمل
المجهول اخذ اغراضه وطلع من السور
شهد لفت لقت قطوه وراها : فيصل وخرهااا وخرها
فيصل:ياليلل ياليلل انتي للحين تاخفين !
القطوه قربت منها
شهد تسلقت ظهر فيصل :بليز وخرها
فيصل ابعد القطوه عنها
شهد نزلت بخوف زفرت براحه :شكرا
فيصل سحب عليها ودخل
شهد بنفسها:الحمد الله والشكر ذا اللي الله قدرك عليه؟

ظهر يوم جديد
حنين كانت تدور راكان بعيونها
راكان نزل وبيده سله ملابس : جده ذول مابيهم عطيهم المحتاجين بشتري لي ملابس جديده
لينا لمعت عيونها بفرح : بتروح المول بروح معك
راكان تأفف: زين بس لا تطوليننن!
لينا: طيبب
حنين:الا صدق وين سلمان ؟
لينا شهقت :نسيتهه
حنين بهمس : شفيك؟
لينا قامت بعجله واتجهت لغرفه سلمان ودقت الباب
سلمان وهو يمشط شعره :ادخلي
لينا دخلت وهي قامطه : قبل لا تقول اي شي امس كنت تعبانه وعقب اللي صار نسيتك
سلمان تعطر ولبس ساعته : زين
لينا :ها؟
سلمان لف عليها وببرود : شي ثاني؟
لينا: لا بس شفيك منفس؟
سلمان: مو منفس وراي طلعه
لينا: زين وانا بطلع مع راكان المول
سلمان:او زين ماشاء الله قلتي لي
لينا تنرفزت تخصرت : فهمني شلي مضايقك
سلمان سحب جواله : حليها بنفسك لينا
لينا: شدعوه كل ذا عشان نسيتك!!
سلمان: تحسبيني تافهه لذي الدرجه؟
لينا: ولين ما اكتشف بتضل تعاملني كذا؟
سلمان لمس خاتمه :احنا لبسنا ذول مشاكلنا لا تطلع نمثل قدامهم اننا سعيدين لين مخك يكتشف
لينا: انا شسويت؟بس فهمني اقلها
سلمان: بطلع اللحين
لينا:وين؟
سلمان: مو شغلك
لينا : طيب لا دقيت رد
سلمان طنشها وطلع
لينا :ياليلل مو فاضيه لههه انا

فيصل طلع من غرفه الجد وهم متفقين
الجد نزل وراهه : دقي علي الكل ضروري اكلمكمم
شهد: شفيه جدي؟
حنين: لا تخوفونا شصاير ؟
الجد:كلمىو راكان وعزيز وندى ولينا
شهد:بروح انادي عزيز
فيصل:وانا ندى احد يدق على لينا
سلمان وهو نازل :السلام عليكم
الجده:تعال جدكم يليكم

شهد اتجهت غرفه عزيز دقت الباب ودخلت بدرعمه :عز كتمت ضحكتها من شكلهم كانت ندى نايمه عكس ورجلها على صدر عزيز وعزيز حاضن رجلها ونايم شهد طلعت برا وضحكت ودموعها تصب لمحها فيصل:شفيك؟
شهد :تعال شوف دخلو الغرفه فيصل:اوف اوف اوف وربي لو جدي شافكم قص رقبتكم
شهد لفت عليه ورفعت حاجبها وبهمس :قل والله!! اكثر واحد نام عندي انت
فيصل: انطمي مانمت ولا مرا
شهد تخصرت بتحدي:نصاب
فيصل سو نفس حركتها : ماني نصاب
شهد  : المهم شلون نقومهم اللحين ؟
فيصل بنحشه : انتي قوميهم
شهد شدت تيشيرته :تعال تعالللل ساعدني
فيصل: بلوزتي يا هيه
شهد انتبهت لكدمه برقبته : فيصل ايش ذا؟
فيصل توتر من لمستها
شهد:لايكون اللي ببالي؟
فيصل:لااااا طبعاا لما ضربتيني ذاك اليوم
شهد بتأنيب ضمير : سوري للحين تعورك؟
فيصل حب اهتمامها : لا عادي
شهد دق جوالها كان المتصل عبد الكريم ندى وعزيز نزو بخوف :يمهه شصاير !!
فيصل انتتبه للمتصل تنرفز :يلا بسرعه امشو تحت جدي يبينا
شهد عرفت انه تضايق 
عزيز وندى قامو ونزلو تحت وفيصل معهم وشهد ردت على عبدالكريم
فيصل وقف عند الباب يسمع
شهد:انت بعدين معك ؟
عبدالكريم: طيب شسوي مشتاق
شهد فتحت سبيكر لما شافت ضل فيصل : تشتاق لك العافيه انا اقول واذلف
عبدالكريم:عشانه صح؟
شهد سكتت
عبد الكريم: كنت عارفف بس حاب اقولك مادرا عن هوا دارك كان بيسافر مع حبيبته
شهد سرحت بتفكير معقولهه؟! معرفت شترد عليه ما تدري هو ليش رجع اصلاا
عبدالكريم: وين رحتي ولا كلامي صدق؟
شهد: ا
قاطعها فيصل دخل الغرفه واخلاقه قفلت سحب الجوال وسكر الخط رما عليها الجوال: جدي يناديك
شهد: وليش تسكره؟!
فيصل: مستوعبة شقاعد يقول ؟!
شهد حست بشخص يصوب من الشباك شهد سحبته للارض اصابت الطلقه المزهرية
فيصل كان مصدوم حسب ان الرصاصه جت بشهد : فيك؟!! شيييي!!
شهد وهي فوقه متألمه من الطيحه : لا لا صار لك شي؟
فيصل سحب راسها لصدره : الله ياخذه
شهد:مين شصايرر فيصل ؟!!
فيصل سحبها وطلعو الممر بسرعه
شهد:شصاير فيصل؟!!
فيصل مسك يدها ونزل تحت للصاله وصرخ : انبطحوووووو
الكل انبطح بخوف وسمعو صوت الطلقاتت تكسر الزجاج
عزيز كان يصرخ : حنيننن حنين وينك؟!!
حنين كانت تحت الكنب : موجودههه عزيز لا تتحرك شوف ندى شوفهاا
عزيز اللتفت لندى اللي كاتمه الالم
الجد والجده منبطحين بالارض
شهد قعدت تصرخ بخوفف رجولها مو شايلتها فيصل حاول يشيلهاا بس كانت تتحرك تبي تروح لهمم
فيصل : شهدد هم بخييررر لا تخافين اللحين الشرطه تجيي
شهد حست بدوخه
سلمان:فيصل ليناااا ليناااا
فيصل:وينهاا؟!!
سلمان: فوق
انتهى💜