#للروحِّ_حسّان11
{الفصل_الثالث}
{#تلميحات_ما_قبل_الريدة🌷}
"في كل مرة كنت أنظر فيها إلى أحد أبنائي..أتبسم..لقد اخترت لهم أماً رائعه بالفعل..🌷}
_رجعت البيت إتونستا مع ماما وبابا حبتين وبعدها دخلت غرفتي..حوالي الساعة 9 مساء جاتني مكالمة من رقم غريب..رديت بكل عفوية:- ألو...السلام عليكم...جاني صوت بقول:- 0116618315...هل أصبت أم أخطأت؟؟..قولته ليهو متعجبة:- حسّان...قال لي :- نعم..حسان يا إيناس🌷..سكت مسااافة طويلة..بس ما كنت مستغربة لأنو هو ماشاء الله باين عليه فطِن❤..قولته ليهو:- ح يكون عندك جائزة مميزة..قال لي :- لا ياخ..ما عملت شي يستدعي إنو يكون عندي جائزة..عموماً إتصلت علشان أخليك تعرفي إني عرفت رقمك..الوقت إتأخر ف تصبحي على خير يا ثُريا وما تركزي في الاسم لأنك ما ح تفهمي حالياً..قولته ليهو :- تلاقي الخير يا حسان...على كده قفلنا..
"عند حسان فيما قبل وبعد المكالمة👆🏻"
_بعد إيناس شوشتني بالالغاز اللي ركبتها على رقمها وطلعت..قعدتا بهدوء واستكنت على الاخر..حقيقي اخدت زمن علشان أعرف رقمها كم..وعلى قدر ما كنت متشوق أعرفه على قدر ما إتشوقتا واتلهفتا أكتر عليها لمن اتصلتا وسمعت صوتها..❤...صوت ما بين حنين ورايق..فيه حاجه مميزة..أطربت طبلات أذني للحقيقة...بعد قفلت منها سمعت أغنية محببة لقلبي وهي أغنية "نشوة ريد" مصطفى سيد أحمد:-
نشوه ريداحساسك ليا نشوه ريد احساسك ليا ورده وصلك جنه اصللك اجمل ليل
الوصل جميل اجمل ليل الوصل جميل اجمل ليل الوصل جميل نحنا مشينا الخطوه
الاولى نحنا مشينا الخطوه الاولى نحنا مشينا الخطوه الاولى مشوارنا بيقصر نحنا
مشينا الخطوه الاولى نحنا مشينا الخطوه الاولى بكره بنحكى الشوق للفطره بكره بنحكى
الشوق للفطره نار الريد الغابت تظهر نار الريد الغابت تظهر الاطفال يافاطمه بغنوا الافراح
لابد من ترجع الاطفال يابنيه بغنوا الافراح لابد من ترجع الا حلام الدونك فاتت لو واصلنا
من ترجع الا حلام الدونك فاتت لو وا صلنا صباحا بيطلع نشوه ريد احساسك ليا نشوه ريداحساسك
ليا ورده وصلك جنه اصللك اجمل ليل الوصل جميل اجمل ليل الوصل جميل اجمل ليل الوصل جميل اجمل ليل الوصل جميل
❤❤❤❤❤❤❤❤❤...!
"صباح اليوم التاني"
_صحيت بدري بكل نشاط وكنت مبسوطة..فتحت تلفوني ودخلت الواتساب..لقيت رهف مرسلة لي خاطرة كده رهيبة🌷قولته ليها:- صباح الخير وبعد..!الخاطرة دي الكاتبها منووو...قالت لي :- حسان اخوي..رسلتها ليك عشان لفتت إنتباهي..قولته ليها:- أخوك كاتب..؟؟..قالت لي:- هو كتاباته جميلة..بس ما معترف أنو كاتب فهمتي..المهم كل ما تعجبني حاجه بجيبا ليك هنا🌷..كان مكتوب تحت اسمه بالعربي...بعدها جاتني رسالة منو بتقول:- صباح الخير لسُمرتك فائقة الجمال ولعينيكِ البنيتين...❤..قولته ليهو:- صباح الخير للحيتك أولاً ثم قامتك الطويلة ثانياً..ولحضرة عيناك أخيراً...❤..رسل لي مقطع صوتي بقول :- أنا حالياً في الشركة بس أرجع البيت بعدين برواق نتكلم ان شاء الله...وعلى كده خلص حوارنا....!
كنت مبسوطة شديد حتى ماما لاحظت لي لما كنا في المشتل..بتعامل مع الزبائن بلطافة زيادة عن اللزوم وبسمتي ما فارقتني...وكمان بغني أغنية وردة الجزائرية:- بتونس بيك..أنا بتونس بيك🌷..ماما بس كانت بتعاين لي لما في الاخر لقتني روقتا..باستني في خدي وقالت:- ماعارفة منو سبب السعادة دي كلها..بس اتأكدي يطبع سعادة وفرح على قلبك قبل وشك❤..قولته ليها:-ماما انتي فهمتيني غلط...قالت لي بضحكهه:- والله قارياك صح...كل اللخبطة دي كنتا فيها قبل أتزوج من آدم...ما ح اضغط عليك تحكي حالياً عشان يمكن فعلا يكون ماف شي..بس أول ما يبقى في..أنا هنا وأبقي تعالي أحكي لي....!
"بيت اسرة حسان"
_رجعتا البيت المساء..تاني حاجه عملتها بعد صليت..شلته تلفوني ورسلت لايناس رسالة محتواها:- لو ما فيها حرج وضيق..ممكن أتصل عليك!؟...جاني ردها بعد ربع ساعة:- حالياً مشغولة والله..بتصل عليك بعد ساعة لو فاضي...رديت:- أيوة فاضي...لو حكيت ليكم عن كمية السعادة الأنا حاسس بيها يمكن تقوله علي ببالغ..بس الحقيقة إنو إيناس بنت مكانة ليها جواي من غير ما تحس..🌷
"بيتنا"
_بابا كان بحكي لي عن شاب في الشارع بتلفظ بأسوأ الالفاظ ..الموقف ده هزاهو شديد💔..كان بحكي وهو متحسر من معظم الشباب البقوا يتلفظوا ويسؤا لبعض وللدين بشكل مهين عشان الناس تضحك أو يحسوا نفسهم رهيبين...قال لي :-عارفة الزعلني اكتر شنو؟؟..ردة فعل الناس..تخيلي شايفين موضوع السب عند الشباب عادي وعند البنات حرام وعيب وغلط كبير...هل الدين مقتصر على البنات؟؟؟...شيء مؤسف الواحد يضيع دنيته وأخرته بالطريقة دي💔..قولته ليهو:-بابا ما تزعل نفسك..ربنا يهديهم
ويهدينا🌷...قال لي:- وين كوثر...في المشتل لسة؟؟..قولته ليهو:-بتقفل فيهو اسي بتجي..مع كلمتي دي هي جات داخلة..بابا مشى عليها متلهف...مسك يديها وقال:-ده كلو بتقفلي في المشتل..قالت :- اي والله...أرص ليك الغداء؟؟..قال ليها:- شبعااان والله...طمنيني..إنتي كويسة؟؟..ردت:- كويسةة..وانت كيف كان يومك!؟.قال ليها:- عال عال....جملة بابا حقت "طمنيني..إنتي كويسة"..وراها مشتاق ليك فاقدك..وراها كلمات كتيرة مرتبطة بالحب والمودة اللي بينهم🌷...
رجعتا لحسان حوالي الساعة 8...إتعرف علي أكتر وعرفني على نفسه وإنو مهتم بالشعر والخواطر...آخر حاجه قالها لي قبل يقفل:- لو تعلمي إنو دي المرة الأولى البشارك شخص حاجه بحبها..ما كل الحوالي عارفني بكتب...رديت:- شكلك كده النوع المثقف شديد...كده سمعني خاااطرة...قال لي:- طيب...
"صوتها كالطبول تُقرع في أُذناي..سجينٌ قلبِها أنا..خداها تلمع كالمرايا.."
"أقف عند بابها متوسلاً مترجياً"
"أرجوكِ أن لا ترحلي..ظلي معي..ظلي معي"
وتوقفي فلتسمعي نبضات قلبي ما تقول يا أنسة...🌷
قولته ليهو:-ما شاء الله جميل...قال لي:- ك كما عينيك يا ثٌّريا..قولته ليهو:ممكن افهم ليه بتقول لي ثٌّريا..!؟
رد متغزل:- لكِ أن تتخيلي أنو جمالك ك جمال الثٌّريا يا إيناس...❤
إبتسمت وما رديت...رجع قال :- هل ممكن أنالك في يوم ما...!!!🌷
#نتلاقى∆∆
