#للروحِّ_حسّان27
{الفصل_الخامس}
{#ثمار_الحُب❤}
_قربت منها وضميتها مسافة...هي اخدت حكاية خمسة دقايق عشان ترفع يدينا وتضمني..بعدها نزلت راسي ناحية وشها وبقيت أتأمل فيه❤..قولته ليها:- إنتي جميلة جداً...
"وأحتلت قبلتي الموقف...عانقتها مجدداً..دفء حُضنها يجعلني أشعر بالطمأنينة...رُحت أُمطرها بالقبلات اعلى شفتيها وعلى عُنقها وبين كتفيها وعلى راحة يديها...حتى أُزيلت الوحشة فيما بيننا...كم يُرهقني جمالها وتُحرك عيناها البنيتان فيني كُل ساكن...أكانت ليلة تُنسى؟؟؟...أتنسى ليلة خُلقت فيها ثُمرة حُب أُولى بيننا...🌻❤"...!
"صباح اليوم التاني"
_إيناس صحت قبلي..كانت واقفة جنب شباك غرفتنا وسرحانه..نزلت من السرير ومشيت ضميتهاا...قولته ليها:- صباح الخير للثٌّريا..قالت لي:- صباح الخير حبيبي...أدخل الحمام وألحقني فى المطبخً...قولته ليها:- حاضر...بستها في خدها وخليتا تمشي...بعد استحميت وصليت مشيت ليها..بعد شراب الشاي قالت لي:- حسان..إنت ليه بطلت تكتب زي زمان...قولته ليها:- ما قادر اكتب...نص إنتي ما ح تقري..ماف داعي إنو يتكتب اصلاً...ابتسمت لي وخفضت راسها..قالت معقبة على كلامي:-_ ح اقرأ وأعلق كمان..بس انت ارجع للكتابة...قولته ليها:- انا ما كاتب بقولو عليه وده ما جحود مني بس الكتابة دي ليها ناسها..أنا مجرد واحد بعبر عن مشاعره وبس🌻❤...قالت لي:- طيب..عشاني ارجع عبر عن مشاعرك تاني..نفسي اقرأ ليك جداً..قولته ليها:- حاضر..اول ما يجي نص في بالي بنزله طوالي...اقوم اجهز نفسي....ختت كباية الشاي وجات وقفت قدامي وقالت لي:- مما أتزوجنا والحاجات الحصلت معانا💔 أنا اهملتك شديد..حتى ما بساعدك في اللبس وما مهتمية لأمرك...انا أسفة لو...مسكت كتفيها بين يديني وقولته ليها:- إياك تعتذري..نحنا هنا عشان نخفف على بعض❤ ما نوجع بعض...فلو سمحتي كلامك ده تاني ما تقولي...ويلا جهزيني إنتي للشغل...قالت:- حاضر...أختارت لي لبسة جميلة شبهها...لبستها..عطرتني ولبستني ساعتي...قولته ليها:- ح اشتاق ليك...قالت:- ح أتصل عليك كل شوية طيب..إنتبه في الطريق..قولته ليها:- حاضر....في امان الله❤🌻...!
_نضفت البيت ومن بعدها طلعت لي كم مشوار واخيراً مشيت المشتل...لقيت عمتي قاعدة فيه وبتتونس مع بابا..عاملين ليهم فطور بسيط وعصير...بابا لما شافني قام فوق وسلم علي..قال :- اهلاً اهلاً ببتي السمحه❤..كيفك؟؟..قولته ليهو:- كويسة والله..سلمت على عمتو وقعدتا..عمتو قالت لي:- إيناس بعدين عاوزاك في موضوع ما تمشي طيب..اغشي البيت..قولته ليها:- حاضر...خلصت شغلي في المشتل..حسان اتصل علي..قال لي :- ادخلي الفيسبوك وصلتك رسالة عبر بوست❤..فتحت الفيسبوك..لقيته كاتب:-
"السلام،،،السلام يا أهل الارض..بلغني ان عينيها إحتلت كوبكم..فقط أنظروا إليهن بحب وسوف تُعلن الاستقلال...🌻❤"...عملت ليهو "أحبتته" وعلقت ليهو بكلام ماف زول بفهموا غيرنا❤....
