#للروحِّ_حسّان12
{الفصل_الثالث}
{#تلميحات_ما_قبل_الريدة🌷}
"تقتلني إبتسامة منها..فكيف إذا ضحِكت؟؟!...!"
_بعد كلامه ده ما قدرتا أتجاوب معاهو...قال لي:- ساكتة ليه؟؟..إنتي ما شايفة أنو في حاجه غريبة حاصلة..لقاءنا في القطر..إتكرر اللقاء في الجامعة...وكل حاجه حصلت..حتى شغلك مع أختي..مشيتي المشتل عندكم..في كل مرة كنت بحاول ألقى تفسير للبحصل ده بس ما بلقى..هل ممكن يكون في تفسير للأحداث دي ولا دي مجردصُدف عابرة؟؟..لو إنتي شايفة أنو الحاجه دي عادية وبتحصل..فأنا بقول ليك لا❤...قولته ليهو:- حسان..أنت عاوز توصل لشنو؟؟..يعني قرب لي فهمك واشرح لي أكتر...قال لي:- لو قلتا ما عارف ح أكون كذاب..ولو قلتا عارف ح تطلبي مني شرح وتبرير..وأنا الفيني ما بتشرح ولا بتبرر...الفيني ده أول مرة يحصل لي..والله العظيم وجدياً يا إيناس..أنا مما شفتك تاني مرة في الجامعة وإنتي ما فارقتي بالي لحظة...ذكراك كانت حاضرة🌷...وأنا مبسوط بالحاجه دي وما ناكرها أبداً بل بالعكس..حاسس أخرتها خير..وخير شديد كمان❤ أسف ياخ لو طولته عليك..ح أقفل حالاً...قولته ليهو:- خلييك...قال لي:- كان الود ودي نتكلم أكتر..بس الوقت أتأخر...لازم تنومي وأنا كمان لأنو وراي شغل كتير بكرة...إيناس!؟...رديت :- أيوة...قال برِقة:- تصبحي طيبة وعافية...وخليك عارفة إني ح أنال الثٌّريا قريباً...🌷...على كده قفل الخط...خلاني جايطة..تايهه..مافاهمه حاجه..بين مبسوطة ومطمنه وطايرة وواقعة...أحاسيس كتيرة للحظة إتجمعت جواي....وزي ما قال هو :- "أخرتها خير...وخير شديد كمان❤"...!
"مواقف جمعت بين حسّان والثٌّريا..🌷"
_مرة كنت طالع مع رهف مشوار صغير في طريقنا لقينا مجموعة ناس متجمعين حوالين شاب بلقي شِعر بطريقة رائعة...في نص الناس ديك كلها شفت إيناس..كانت بتصور بكاميرتها..وإبتسامتها على وشها..رهف شافتها ومشت عليها..سلموا على بعض..وبعدين مسكتها من يدها وجابتها لي❤...سلمت عليها وركزتا مع الشعر اللي كان بقولو الشاب...بعد خلص قولته ليها :- ما اتوقعت أشوفك هنا...قالت:- نفس الشي...الظاهر اللي بيحصل معانا ده ح يستمر كتير...رديت بغموض:- وممكن نوقفه بخطوتين مُباركات..🌷..نزلت راسها لتحت وغيرت الموضوع...قالت:- ح أكمل باقي التصوير قبل الشاب يخلص ويمشي...رديت:- الشاب ح يخلص ويمشي وأنا ح أعيد كلامي مرة واتنين وتلاتة...رهف جات قاطعت حديثنا ب :- حسان يلا عشان ما نتأخر..إيناس محتاجه توصيلة!؟...قالت:- لالا..ح اتحرك كمان شوية...قولته ليها بهمس:- هو إنتي فعلاً جميلة..ولا الاستحياء ببقيك جميلة؟؟...لحظتها إتسمرت مكانها وقالت بصوت مرتجف:- حسان أمشي شوف الوراك...نتكلم بعدين...هي يمكن ما لاحظت لربكتها...بس أنا حتى رمشة عينها اللي زادت وتوتر فكها أنا لاحظته....❤
_في يوم كنت بزرع في المشتل و في نفس الوقت بمشي الزباين لأنو وقتها ماما طلعت تجيب بذور دوار الشمس..الوقت كان مساء..السماء من كترت السحب والغمام اللي عليها بتتشاف سودة..والهواء كان قوي شديد...إتفاجأتا بنغم وحسان واقفين على عتبة المشتل❤..كان كافي القميص وبحاول يغطي عيونه من الهواء القوي..ملامحه هادئة خالص ورزين...بعد سلموا علي...نغم قالت:- يلا يا السمحه عاوزة لي بذور دوار الشمس..قولته ليها:- توقيتك غلط..ماما طلعت قبيييل وللان ما جات..مشت تجيبهم..قالت لي:- ح استناها...فعلاً قعدوا معاي لحدي المغرب ما أذن...سقتا نغم ومشينا صلينا في البيت..لما جينا راجعين..لقينا حسان بدعي بصوت وبقول:- اللهم إن كانت خيراً فاكتبها لي..وإن كانت شراً فأصلح شأني وشأنها وأكتبها لي..🌷❤..نغم قالت ممازحه:- دي منو دي يا أخوي؟؟...عاين لي وقام من المصلاية وطبقها...قال ليها:- لما تتكتب لي أكيد ح تعرفيها...ما بس إنتي..كل الامة ح تعرفها...🌷
_أنا وحسان كنا بنتكلم دائماً وفي مواضيع مختلفة..مرة سياسة مرة ثقافة...ألخ...ماشاء الله عليه شخص راسه مليان..ما قاعد ساي في الدنيا دي...❤مرة بنتكلم والزمن سرقنا...قال لي:- عايني ح أقفل..وأنتي نومي طوالي..قولته ليهو:- وأنت ح تمشي وين؟..ما ح تنوم يعني؟؟..ضحك ضحكه خفيفة..وقال لي:- عاوز أنشر بوست في الفيسبوك وح أنوم فوراً...قولته ليهو:- ثواني..ثواني..نحنا ليه ما ضايفين بعض!؟..قال لي:- حالاً أعمل ليك إضافة...أخد أسم الحساب وطوالي رسل لي طلب...طبعا إنبهرتا حقيقي بكتاباته..وكمان كاتب نِصف كاتب..لالا هو عابر فعلاً...المشكلة ما هنا...المشكلة أنا اتصدمتا لما لقيت أخر كتابات ليهو معظمها عني...#الثٌّريا....🌷
"أحداث تمحورت فيما بعد...❤"
_مرة قاعدة وسرحانه..ماما قالت لي:-رايك شنو تردي عزومة الغداء لبنات رُويدا!؟..قولته ليها:- كنت بفكر في الموضوع ده..أعزمهم طوالي..بس إنتي كلمي خالتو رُويدا بطريقتك وانا بكلم البنات..قالت لي :- بعد بكرة يوم كويس!!؟..قولته ليها :- أممممم كويس ممكن...قالت لي :- متفقين❤...اليوم التاني الحصل إنو ماما كلمت خالتو...وقبلت الدعوة...بكده إبتدينا أنا وماما نخطط ح نعمل شنو في يوم الغداء وهكذا...
كلمت حسان إنو نحنا عزمنا أهله...قال لي:- الظاهر أنا ما بعزموني ولا شنووو؟؟..قولته ليهو:- ما تتعزم إلا أنت😌..يومك براهو..بس خليني أهدا وأروق..قال لي:- مستنيك..بالمناسبة مرسل ليك حاجه كده مع رهف..تقدري تقولي هدية أو عربون محبة...المهم حاجه مميزة ح توصلك بكرة❤...قولته ليهو :- ما من عشاق التشويق أنا..وريني الهدية شنو!؟..قال لي:- يا إيناس بكرة ما بعيد والله..أستني وشوفي براك...🌷
"يا يوم بكرة ما تسرِع"
_اليوم التاني من الصباح أنا وماما أشتغلنا نضافة في البيت وترتيب..وعملنا أصناف أكل كتيرة وجهزنا عصاير وقهوة وكعك وحاجات حلوة...العصرية كده خالتو مع بناتها وصلوا❤...ماما سلمت عليهم وضيفتهم...الونسة كانت عادية عن المجتمع الاسعار الموضة وووو...أنا قمتا ومشيت المطبخ..جات لاحقاني رهف..قالت لي:- حسان وصاني أسلمك الصندوق ده في يدك...شلته وفتحته...كان مليان بالكُتب الثقافية اللي نفسي من زمان فيها...🌷ما عارفة هو عرف من وين ولا كيف..المهم وقتها إنبسطتا ومن دون أي تحفظ إتصلت عليه...رد ب:- الثٌّريا...قولته ليهو:- حسان...ما عارفة أقول شنو!!؟...قال لي:-معناها الهدية وصلتك...قولته ليها بفرح :- شكراً يا حسان...رد بلطافة:-ولو تدللي❤..لو طُلت أجيب ليك لبن العصفور...صدقيني ما ح اتأخر ولا اتهاون...دي إنتِ يا إيناس...عارفة يعني شنو...إنتِ...!!!!؟🌷❤
أسفة جداً على التأخير أول واخر مرة🌷
#نتلاقى∆∆
