#للروحِّ_حسّان26
{الفصل_الخامس}
{#ثِمار_الحُب❤}
"نعم إنطفأت روحي من بعدك..ولم أعُد انا..لم أعُد يا أمي"
"على لسان حسان"
_صحيت الصباح ولقيت إيناس ماف جنبي..بعد صليت طلعت برة..لقيتا في المطبخ بتعمل الشاي و بتتكلم بالتلفون مع عهد..قالت:- أيوة ايوة النوع ده موجود..عهد بس شوفي لي أسماك من نوع ()..تمام ح استناك في المشتل الساعة 11 ما تتأخري...بعد قفلت إلتفتت وعاينت لي وبملامح عادية قالت:- صباح الخير..قولته ليها وانا بخلل شعرها بيدي:- صباح الفل يا ست قلبي..أمس نمتي مرتاحهه؟؟..قالت :- أيوة واتحركت من جنبي...ادتني كباية شاي وشالت لنفسها ومشت قعدت في الصالة الصغيرة...ما كنت مستغرب من تصرفاتها لأنو ليها حق❤وانا عازرها ومُقدر اللي هي فيه....إتجهزتا وكنت طالع على شغلي...كانت قاعدة في غرفة المكتبة بتقرأ في رواية رعب..وهي ما النوع البقرأ روايات رعب وروايات بوليسية وكده..استغربتا..قولته ليها:- إيناس أنا طالع على الشركة..قالت لي:- طيب..أنا كمان ح اطلع بعد شوية المشتل...قربت منها وبستا راسها وقولته:- بس تخلصي أتصلي علي تمام❤..قالت :- تمام...طلعتا من البيت وانا بالجد خايف عليها..موت أمها مؤثر فيها جداً ومخليها منطفية...!
"على لساني"
_الحياة ح تستمر...صح انا مواصلة حياتي وبتشاف للكل عادية وخصوصي قدام بابا عشان ما يرجع للصفر تاني💔..بس قدام حسان ما قادرة أمثل..ما قادرة أبين إني عادية..انا روحي منطفية وفي فضى جواي...ماما خلت فرقة ووحشة صعب تتملي بغيرها لو مهما يحصل❤..خزنتا كاميرتي البحبها ودفاتري والواني وحتى كتبي...كل حاجه كنت بحبها وبعملها بشغف خزنتها في خرنة وقفلت عليها بالطبلة والمفتاح.."...البيت كان نضيف ما محتاج حاجه..جهزت نفسي وطلعت على المشتل..طول الطريق كنت بتكلم مع بابا وبحماس كمان🌻❤...وصلت هناك..مشيت بيتنا وتحديداً غرفة ماما...عن كمية البكاء البكيتو..بعدها طلعت ملابس ماما..اللي كانت لسة زي ما هي مرتبة في الدولاب..نزلتها في شنطة وطلعت بيها..كلمت بابا إني ح اتبرع بيها وهو وافق...شلت بس توب واحد من تيابها..والباقي أتبرعت بيهم...عهد جاتني وجابت لي الاسماك..قولته ليها:- الله حلوييين شديد..ما لقيتي غير 7 ؟؟..قالت:- وآخر شي كمااان...تاني الا طلبية السنة الجديدة..قولته ليها:- حلووو..قعدت معاي شوية وطلعت...جاتني خالتو رُويدا..أتونست معاي مسااافة وقبل تمشي قالت لي:- إيناس..اي وقت حسيتي نفسك عاوزة تتكلمي تبكي تصرخي..انا هنا❤قلتها ليك قبل كده..أنا أمك التانية..وح اكون مبسوطة لو في يوم لجأتي لي..قولته ليها:- ما بتقصري والله يا خالتو..بوعدك اعمل كده لما احتاج❤..
"على لسان حسان"
_المساء إيناس اتصلت علي مشيت ليها في بيتهم..كانت قاعده جنب ابوها وهو خاتي يدو على كتفها وبتضحك مبسوطة...سلمت عليهم❤..عم آدم حالته النفسية شكلها اتحسنت بكتييير..والسبب الاول هو يقينه ورضاه بقضاء الله سبحانه وتعالى..والسبب التاني وجود إيناس جنبه...باست ابوها في خده وقالت:- ما تفتح المكيف طيب لأنو شكلك عندك مبادئ التهاب...خلي بالك من نفسك❤..قال ليها:- حاااضر..ودعناه وطلعنا...طول الطريق إيناس كانت مدمعه...وصلنا البيت..غيرت ملابسها صلت العشاء وطلعت الجنينة شايلة ليها كتاب "أذكار المسلم"..عيونها فيهم ألم غريب..ما حبيت أزعجها في الاول بس لما قعدتها براها طالت..مشيت وقعدت جنبها وميلت ليها راسها على كتفي..بقت تبكي مسافة بعدها أستغفرت...قولته ليها:- لما تبكي بترتاحي!؟..قالت لي:- قلبي بوجعني أكتر...انا لازم أبين مبسوطة قدام بابا عشان أخفف عليه لأنو ده واجب علي..وفي نفس الوقت بموت في الدقيقة الف مرة...حسان الحياة بدون أم صعبة شديد...في تفاصيل كتيرة المفروض ماما كانت تكون معاي فيها💔..أستغفر الله العظيم...ضميتها لصدري وخليتا تتفشى وتبكي أكتر..بعدها قولته ليها:- يلا قومي غسلي وشك..صلي ركعتين وأدعي لأمك..إنتي عارفة لما تتكلمي مع ربنا رسايلك بتوصل لأمك؟..قالت لي بلهفة:- بالجد؟؟..قولته ليها:- أيوة...أتكلمي كتيير واحكي كل تفاصيل يومك في ركعتين في جوف الليل...ح ترتاحي جداً❤...!
من بعدها بقت مواظبة على قيام الليل وسورة الملك والبقرة❤...!
"ستة اشهر مرت على وفاة خالة كوثر"
_طِيلة الستة اشهر ديل إيناس كانت حياتها نمطها غريب وعملي..معظم وقتها في المشتل..وكل خميس مع ابوها..في البيت ما بتتكلم كتير..حتى لو اتكلمنا بتكون حابة تسأل من حاجه معينة بس...إتخلت عن هواية التصوير وشغف المطالعه وحتى الرسم..هي يمكن بترسم بس قدام أبوها..واللوحه دائماً بتكون سوداوية...بتزور أخواتي وهم كذلك بعملوا كده..هي قدام الناس طبيعية وفل الفل...بس في بيتنا إنسانة منطفية ما بتجذبها اي تفاصيل مهما كانت جميلة...حاولت مرات عِدة أطلعها من اللي هي عايشاه بس بفشل...رغم ده كنت مبسوط إنو هي مبينة لي الحقيقة ما بتمثل علي...في يوم جيت راجع البيت متأخر..دخلت الغرفة ما لقيتا..ولا في المطبخ..مشيت غرفة المكتبة لقيتها راقدة في الكنبة وبتبكي💔..رقدتا جنبها وضميتها..بقت تقول لي:- اليوم شفتها...غفيت على الكنبة شوية وشفت ماما يا حسان😭😭❤...ماشة على أرض خضراء والموية يمينها وشمالها..لونها صافي زي الحليب ومبتسمة و بتقول لي:- أنا في الفردوس يا إيناس...أرويني بدعواتك وصدقاتك لسه يا بتي❤حسان أنا...ما تمت جُملتها وبقت تبكي وماسكه في قميصي لحدي ما نامت وهي ما حاسة بنفسها..شلتها ورقدتها في غرفتنا..شغلت جنبها سورة البقرة...وما نمت..الليل كله براقبها...!
ومن بعدها!!!..جات الذكرى السنوية الاولى حقت الخالة كوثر..إيناس عملت فيها حاجات كتيييرة..تبرُعات ووزعت أكل وملابس وغيره وغيره❤🌻....ابوها حالته ماشة احسن..خصوصي إنو أخته "بت أبوه" الوحيدة نزلت من السعودية وقررت تستقر معاهو في البيت❤..الحاجه دي كانت مُبهجه ومطمئِنة...رجعنا البيت اخر الليل هلكانين..إيناس كانت نعسانة شديد..شجعتها تصلي وبعدين تنوم...اتكاسلت شوية لكن في الاخر صلت..بعدها وقفت قدام المراية فكت شعرها عشان تجي تنوم..لقيت نفسي ماشي عليها وبدون مقدمات ضاميها وبقول :-
"لا يليق بكِ الانطفاءة..كما القمر إنتِ..تضحكين فيضئ الكون بأكمله...تراقصي وسط النجوم...تنفسي الصعداء...❤"
#نتلاقى∆∆
