#للروحِّ_حسّان14
{الفصل_الثالث}
{#تلميحات_ما_قبل_الريدة🌷}
"كنت دائمة النظر إليك والتأمل..حتى عند تلاقي الأرواح أنا من جذب روحك🌷!!"
_ختيت العلبة على الطرف وجبتا ورقه وقلم وبقيت أنزل الأحرف فيها..ولا جملة ما جات صح💔..حسيت نفسي غبية شديد..إنتباهي كلو كان مع الأحرف دي وأي جملة بكتبها بتطلع ما ظابطة وما جاية..ماما جات لقتني قاعدة ومركزه في الورقة القدامي...قالت لي:- أنا جيت..ما أنتبهتا ليها أول مرة..جات جنبي وقالت لي:- هييي...رفعت راسي بخلعه..قولته ليها:- ماما جيتي متين إنتي!؟..قالت لي:- من شوية..بتكتبي في شنوو!؟..قولته ليها:- شوية حاجات ما تشغلي بالك..تاني نزلت راسي وبقيت أشخبط وأعصر مخي..لحدي المساء أنا كنت بنفس الوضعية...ماما قالت لي:- يلا نقفل المشتل ونرجع...أبوك بكون جااا...شلتا العلبة ودخلت فيها المكعبات وطلعناا...حتى زمن الغداء ما أكلت زي الناس..منفسنة من موضوع الأحرف ومن أنو حسان ما ح يتكلم معاي إلا أعرف احل اللغز ده💔...بليل دخلت واتساب لقيته متصل...لما بديت أكتب تاني إتراجعتا..قولته هو كلمته واحده مستحيل يرد علي..ختيت العلبة في الدولاب ونمتا...!❤
"عند حسّان"
_كنت سلفاً قاعد في الدردشة بتاعت إيناس حتى لما بدت تكتب عرفتها ح تتراجع..كنت واثق إنها ح تاخد وقت عشان تعرف انا قاصد شنو بالجُمل دي..وفي الوقت اللي هي ح تعرف فيهو وقتها ح أكون جاهز تماماً عشان أنسئل منها قدام ربنا أولاً وأهلها ثانياً...❤..فقدتها خلال اليوم بالجد..بس كان لازم أعمل كده عشان تجتهد تعرف الجُمل وبالمرة تشتاق لي زي ما أنا مشتاق ليها...🌷..حاولتا أنوم ما قدرتا..جاتني فكرة أطمن بيها عليها..دخلت الفيسبوك ونزلت بوست كتبت فيه:-
"كيف حال ثٌّريتي اليوم..؟!❤"
كل التعليقات فاهمه البوست غلط افتكروهو عام وشغالين شير شير شير😂😂ًفجأه جاني إشعار إنها علقت..لقيتا كاتبة :-
"الثٌّريا في أشد حالاتها حِيرة وشوق والتفكير ببعض الاشياء يقتُلها...💔🌷"
رديت عليها ب:-
"أقرِؤها السَّلام حتى تطمئن..فالحيرة ستُصبِح على شاكلة طمأنينة..وعطش الشوق يرويه اللقاء..وبعض تلك الأفكار ستنتهي..🌷"..م ردت علي تاني..عرفتها أطمنت..وبكده قدروا أنوم مرتاح...
"اليوم التاني"
_صحيت بصداع مبالغة..لدرجه ما قدرت أمشي المشتل مع ماما..كنت قاعده اليوم كله في غرفتي وبرضو ما يئستا من أني اعرف لغز حسان...بس كل مرة صداعي بزيد..فجأه عرفت الكلمات اللي في النص....ركبتها طلعت:-
"ست قلبي وست البيت...❤"
قولته يا ربي أتصل!!..لالا الاحسن أتصل بعد أعرف باقي الكلمات..أثناء ما أنا منغمسة في أفكاري جاتني مكالمة من رهف...رديت ب:- رهف يا رهف..قالت لي:- حبيبتي..كيفك؟!...قولته ليها:- كويسة والله وأنتي؟؟...قالت لي:- تمام ومستنياك تجيني..قولته ليها مستغربة:- مستنياني ليه؟؟...قالت لي:- عشان موضوع ديكور الغرفة يا بت...رديت ب:- يا رهف والله جايطة ما بقدر التزم ليك بشغل حالياً..عشان كده شوفي غيري❤...قالت لي بتفهم:- طيب حاضر..بس برضو مستنياك..النبي النبي تعالي بكرة المساء..أجي من الشغل ألقاك موجوده..قولته ليها:- طيييب ح اجيك..أنبسطت وقفلت الخط...بابا جاا المساء لقاني حايمة بالورقة والاقلام غازاها في نص شعري..قال لي:- بتي السمحه نزلت دراسة وانا ما عارف😂..ده شنو العاملة في نفسك ده..حضنته مسافة وقولته ليهو:- والله الأنا فيهو حالياً أصعب من الدراسه ذات نفسها...قال لي:- ليه في شنوو..خييير؟؟...قولته ليهو:- م تشغل بالك...بعد العشاء..كلمتهم إني ماشة لرهف بكرة المساء..فأدوني الأذن...طول الليل كنت بفكر ياربي حسان لما يشوفني..ح يسلم علي..ح يسأل عن اخباري..ح يقول أشتاق لي..يارب يقول أي شي...أي شي...أنا جد أشتقت ليهو❤!
"صباح اليوم التاني"
_الصباح عملت كل إلتزاماتي ورسمت لوحتين...ونسيت موضوع الأحرف شوية عشان ما أتوتر...لحدي المساء كده جهزتا نفسي وطلعتا على بيت ناس حسان...لما وصلتا هناك لقيت خالتو ورُمي وعُلا..سلمت عليهم وقعدتا..عُلا قالت لي:- نغم ورهف لسه ما جوا..ها كيف ناس البيت؟؟..قولته ليها:- بسلموا عليكم...انا كنت متوترة و عيني على باب المدخل وتاني بعاين على اتجاه السلم..على أمل ألمح حسان...مرت ربع ساعة وجات رهف ومعاها نغم طول فترةة ونستي معاهم ما فهمتا شي...وأخيرا حسان جااا❤حسيت قلبي برقص رقيص من شوفته..سلم علينا كلنا وطلع غرفته..ما عارفة كان متعمد ولالا بس ما نزل بسرعه💔..لحدي ما زهجتا قولته ليهم :-يخوانا أنا استأذن الوقت أتأخر ولازم ارجع..رهف قالت لي:- يا بت يدوب الساعة 7 عليك الله اقعدي..قولته ليها:- ما ماف طريقة والله...خالتو رُويدا قالت لي:- طيب ثواني..طلعت فوق وجات نازلة مع حسان..قالت لي:- ح يوصلك لحدي البيت طيب..سلمي على أمك❤..قولته ليها:- يوصل...طلعت مع حسان ونهائي ما أتكلم معاي..ملامحه كانت عادية..لما قربنا نصل البيت...قولته ليهو:- هييي أنت...ما عاوز تتكلم معاي يعني إلا احل لغزك ده؟؟..إبتسم وقال لي:- م توقعتك تأخدي الوقت ده كلو..المفروض أنو إنتي أذكى من كده..طلع مستوى ذكائك عادي...أو خليني أقول معدووم..ده كلو وهو ببتسم طبعا...غاظني شديد...قولته ليهو:-طيب لحدي بكرة لو ما عرفت الكلمات دي..إنت توريني ليها..لأنو راسي ضرب جد جد والله 💔..قال لي:- أمممم طيب متفقين..ح أوريك..تخيلي يا إيناس أنا لسة واثق أنك منك تعرفي أنا قصدي شنو بالجُمل دي❤...قبل أتكلم أشر على بيتنا وقال:- وصلنا..يلا..نزلت وما ألتفت وراي لمن دخلت جوه..لقيت ماما نامت وبابا كان مستنيني..أتكلم معاي شوية وبعدين دخل غرفته...مشيت غرفتي وقبل أغير ملابسي..شلتا الورقة وبقيت أعاين للحروف بعيون وااااسعة..فجأه بقيت أقول:- أيوة صح...صح عرفتهم..عرفتهم والله...شلت تلفوني وإتصلت على حسان..كم مكالمة ما رد علي...رسلت ليهو واتساب رسالة محتواها:-
"بحبك...❤" (دي الكلمة الاخيرة العرفتها)
رد على طول:-
"وأنا كمان بحبك...❤"
"ست قلبي وست البيت"
"وست البنات لحدهن❤"
"متين نعقد"
"شهر..هو شهر واحد بس وتكوني معاي ولي وحداي❤ ولا أزيدو يا بت قلبي...!؟"
طبعا انا يدوب أستوعبت الحاصل والكلام وقع لي..بقيت اعاين لرسايل حسان عشرة عشرة..لا عرفت أضحك ولا ابكي ولا أعمل اي شي...بقيت واقفه مصدومة ومتصمغه في مكاني...!!
#نتلاقى∆∆
