عمر ببرود: انا جوزها
صدمه وقعت علي الجميع زي الصاعقه
عاصم بسخريه: لا و الله....طب فين قسيمه الجواز
عمر بذكاء: لسه مطلعش من المحكمه
عاصم: طب ما انت ممكن تمون بتكدب عليا.... هو انا عيل صغير علشان تضحك عليا بكلمتين
رحاب و هي تقف بجانب عمر: بس فعلا احنا كاتبين الكتاب و فرحنا قرب حتي اسأل كل اللي موجود
سناء: اتفضل امشي من هنا بقي
عاصم بغضب و هو يخرج من الفيلا: هرجع تاني يا بنت سناء
بعد التأكد من خروج عاصم و رحيله....وخروج الحرس
ياسين: طب احنا هنعمل ايه دلوقتي.....انتوا مش كاتبين كتابكوا
عمر لسناء: ايه رأيك يا امي اكتب كتابي علي رحاب لغايه ما المشكله دي ما تتحل
سناء: و الله يا بني انا معنديش مشاكل...بس القرار لرحاب....اقعد معاها و شوف هي هتقول ايه
رحمه: طب ادخل يا عمر انت و رحاب اقعدوا في البلكونه
عمر: حاضر.....ودخل هو و رحاب البلكونه
عمر: هاااا ايه رأيك في الموضوع
رحاب: بص انا موافقه...بس لازم تعرف كل حاجه عني
عمر: ماشي
رحاب: انا اسمي رحاب ايمن الاسيوطي....من عائله بسيطه...... بابا عايز يسميني آيه بس ماما قالت له انها هتسمي رحاب و انها مش عايزه اسم آيه و لما ماما اقنعته اشترط ان الكل يناديني بآيه بس انا مش بحب الاسم ده علشان هو اللي كان بيناديني بيه و..........
قاطعها سؤال عمر: ليه مش بتحبي الاسم ده
رحاب: هقولك..... بابا كان عايز يجيب ولد علشان يشيل اسمه و كان شايف ان البنات فقر و كده يعني....فكان بيشغلني انا و ماما و بياخد الفلوس دي....و مكنش عايزني اكمل تعليمي...ثم اكمت بدموع.....و كان بيضرب ماما علي طول و لما ادخل يضربني انا كمان...ويفضل يقولي انا مش عايزك يا رب تموتي...و بعدها اقنعته اني اكمل تعليم بشرط اني انا اللي اجيب مصاريف الدراسه.......و لما كملت 16 سنه قالي في عريس متقدملك و انا موافق و هتتجوزيه انا قولت ان اللي متقدم ده هيكون عنده 20 سنه و خلاص.... و مش هيبقي في مشاكل....بس لما العريس اجيه اتفاجأت انه عنده 40 سنه و بابا كان موافق علي كده....ثم اكملت ببكاء اكتر....تعرف يعني ايه واحده عندها 16 سنه تتجوز واحد عنده 40 سنه يعني قد بنته....ولما قولت لبابا انا مش هتجوزه...ضربني بالحزام....و الراجل كلم بابا تاني يوم وقاله بنتك صغيره اوي انت قولتلي انها عندها 30 سنه...و الحمد لله متجوزتش......و بابا مات بعدها بكام شهر...وعمي صلاح اخدني و قال هيربيني علشان مليش حد غير عيله ابويا....بس كان بردو بيضربني.......ده حتي في مره كسرت طبق مسك معلقه و حطها علي النار و د و بعدها حطها علي ايدي و حرق لي ايدي...و من بعدها ماما اخدتني و هربنا و جينا علي القاهره....و محدش كان يعرف مكانا لحد انهارده........دي كل حكايتي
عمر كان حاسس بغضب كبير من ابو رحاب...وعمها..و في نفس الوقت حاسس ان قلبه بيتقطع بسبب دموع رحاب
عمر بحنان و هو يمسح دموعها: اهدي خلاص...و اوعدك هخدلك حقك من عمك ده
رحاب بطفوليه: بجد
عمر بضحك: اه و الله بجد
رحاب: طب كلمني عنك
عمر بابتسامه: حاضر يا ستي....انا اسمي عمر خالد المصري...عندي 25 سنه و معيد في جامعه....و اختي سما و مامتي سعاد....و والدي متوفي......قاعدين في فيلا اللي بابا سابهالنا و لما قولت لمانا اجيب فيلا و نقعد فيها قالت ان الفيلا دي فيها ذكريات ابوك و قالت لي اشتري فيلا و شطبها و اتجوز فيها....و فعلا اشتريت فيلا و شطبتها......بس كده دي كل حاجه
رحاب بسعاده: الله انت معيد في الجامعه
عمر بضحك: يعني سيبتي الفيلا و مسكتي في معيد في الجامعه
رحاب: عادي يعني
عمر: طب يلا نطلع نقول لهم انك موافقه...و ان الفرح اخر الاسبوع يكون ابن خالتي واصحابي جيهم من شهر العسل
رحاب: اوكي
عمر و رحاب طلعوا و قالو لعائله ان رحاب موافقه
سما بصراخ: اعاااااااااا اخويا هيتجوز يا جدعاااااان.
الكل اتفزع من صوت سما العالي...بس سما راحت جري علي حضن اخوها
سما و هي في حضن عمر: مبروك يا عمر
عمر بحب: الله يبارك فيكي يا قلب عمر
سما و هي تهمس لعمر: خلي بالك منها...انا عارفه انك بتحبها
عمر بصدمه و صوت واطي: عرفتي منين
سما: انا اعرف عنك حاجات كتيييير اوي....و بعدت عن حضنه و حضنت رحاب
و عمر اتفق مع سناء ان الفرح و كتب الكتاب اخر الاسبوع و سناء وافقت و كل واحد روح علي بيته
في ايطاليا عند ادهم و نور
ادهم صحي علي صوت تليفونه و شاف ان اللوا بيتصل بيه مكالمه جماعيه هو و مازن و جاسر و ياسين......سحب ايده براحه من تحت رأس نور...و غطاها كويس و وقف في بلكونه اللي في الاوضه
ادهم: الو.....ازي حضرتك يا افندم
اللوا: الحمد لله يا ادهم
مازن:في حاجه حصلت.......او في مهمه جديد يا افندم
اللوا: في مهمه جديده بس بعد اسبوعين
ياسين: طب ايه هي المهمه
اللوا بعمليه: هتقبضوا علي عصابه بيخطفوا اطفال و بيبيعوا اعضاءهم
جاسر: طب ما المهمه كده سهله......عايزين بس نعرف معلومات عن المهمه دي
اللوا: المهمه دي صعبه بس مفيش حاجه تصعب عليكم......المهم ان للاسف مفيش معلومات انتوا اللي هتجيبوا المعلومات و تنفذوا.......العصابه اللي بتخطف الاطفال دي في الاسكندريه
و بيبيعوا اعضاء الاطفال في مستشفي اسمها ******** و اللي عرفناه ان في واحد شغال جوا المستشفي بيساعدهم ....... و انتوا هتسفروا اسكندريه و هنحجز ليكم في فندق واحد
ادهم بجديه: طب هو ايه نسبه الخطر يا سياده اللوا
اللوا: 95٪ فيه خطر بس انتوا قدها...و انا واثق فيكم
ادهم: يعني في خطر 95٪
اللوا: ايوه
الكل: تمام يا افندم
اللوا: و لو نجحتوا في الهمه دي هتترقوا
الكل: بإذن الله
المكالمه خلصت و ادهم لسه هيدخل الاوضه اتصدم اول ما شاف نور واقفه وراه و دموعها نازله بصمت و حطه يديها علي فمها و بتكتم شهقاتها
ادهم بصدمه: نوور......انتي واقفه هنا من امتي
نور بدموع: من اول ما قمت ترد علي المكالمه......بالله عليك يا ادهم بلاش تروح المهمه دي خلي حد من زمايلك يروح.....علشان خاطري
ادهم حنان: مش هينفع يا نور ده مش بمزاجي
نور بصراخ و دموع: انت مسمعتش هو قااااال اييييه ده بيقولك نسبه الخطر 95٪ تعررررف يعني ايه.......لو ليا خاطر عندك بلاش تروح المهمه دي
ادهم و هو يقترب منها: اهدي يا نور و كل حاجه هتتحل...هي اول مره اطلع مهمه زي دي
نور بدموع و هي تحتضنه: في فرق انك تطلع مهمه و انت ابن عمي و في فرق انك تطلع مهمه و انت جوزي....ده كمان هتسافر بليييييز يا ادهم لاااااا
ادهم و هو يحاوطها: مش هينفع يا نور.....انا لو نجحنا في المهمه دي هترقي و هبقي مقدم...و ده حلمي
نور بدموع: انا مش عايزه اضيعلك حلمك بس بلاش يا ادهم
ادهم: متخافيش يا نور و ادعي و كل حاجه هتكون كويسه...كمان ده لسه ناقص اسبوعين
نور بدموع اشد: لوسمحت يا ادهم بلاش
ادهم و هو يمسح دموعها: طب ايه رأيك اطلع المهمه دي و اوعدك اني هحافظ علي نفسي
نور بطفوليه: بجد....و لا بتقول اي كلام
ادهم: بجد......بس عايزك تهتمي لدراستك علشان امتحناتك قربت
نور: حاضر......وعد من نور للرائد ادهم
ادهم بضحك: طبعا يا قلب الرائد
تفااااااعل ❤
كووومنت 💜
فووووت 🖤
فلووووووو🤎
