ادهم طلع هو و نور الاوضه و قفل الباب
ادهم: انا هخلي ندي تطلع لنا الاكل هنا.... ماشي
نور بدموع: م.. ماشي
ادهم و هو يمسح دموعها بحنان: طب انتي بتعيطي ليه دلوقتي
نور بدموع: علشان انا مكنش قصدي كده خالص..... انا معرفش هما بيعملوني كده ليه
ادهم: طب ما انا مصدقك و عارف انك عمرك متعملي كده
نور و هي تنظر لادهم بدموع: ادهم هو انا وحشه
ادهم و هو يحتضنها: لا يا قلب ادهم... انتي اجمل بنت في العالم... سواء شكلك او اخلاقك
نور و هي تمسح دموعها بطريقه طفوليه: بجد
ادهم بضحك: اه بجد..... اغسلي وشك و انا هقول لندي
نور دخلت غسلت وشها......و ادهم كلم ندي و قلها تجيب ليهم اكل و طلعت ليهم الاكل و قعدوا يكلو.....و بعدها ناموا
*******************************
ملك كانت واقفه في الجنينه بتاعت الفيلا و جيه حد من وراها
ملك بخضه: مازن....انت بتعمل ايه هنا
مازن: معرفتش انام فطلعت اقعد في بلكونه الاوضه و شوفتك... قولت انزل اتكلم معاكي
ملك: ماشي... عايز نتكلم في ايه
مازن: قوليلي عامله ايه في دراستك
ملك: ليه السيره دي.... ده انا مبفهمش حاجه من الدكتور اللي عندنا ده
مازن: تعالي و انا افهمك اللي مش بتفهمي من الدكتور
ملك: و انت هتعرف تذاكرلي
مازن بمرح: ده انا كنت بطلع الاول يا بنتي
ملك بضحك: و انا اشهد
شرد مازن بضحكت ملك
ملك: مازن يا مازن
مازن بشرود: بحبك
ملك بصدمه: افندم
مازن بسرعه بعد ما فاق من شروده: انا اسف مكنتش اعرف انك هتدايقي
و لسه هيمشي
ملك بسرعه: و انا كمان
التفت مازن ليها بسرعه غير مصدق: و انتي كمان ايه
ملك بخجل: انت عارف
مازن: لا معرفش يلا بقي
ملك بخجل: و انا كمان ب..بحبك
مازن: ياااااه اخيرا....اومال مين اللي انتي بتحبيه و هو بيعتبرك زي اخته
ملك: انت
مازن بدهشه: انا....انا عمري ما اعتبرتك زي اختي
ملك: طب ليه مقولتش ليا
حكي لها مازن اتفاقه مع جاسر و ان هو ميعترفش لملك غير لما تخلص ثانوي
مازن: يلا تعالي معايا بسرعه
ملك: هتعمل ايه يا مجنون
مازن: هروح اطلب ايدك من عمي
ملك بضحك: خليها بكره علشان الكل نام
مازن: اه صح طيب...نعمل ايه دلوقتي...انا اعترافك ده طير النوم من عقلي
ملك: تعالي كل واحد يدخل اوضته و نتكلم واتس
مازن: ماشي يا قمر
و كل واحد طلع اوضته و قعدوا يتكلموا واتس
********************************************
عند رحاب كانت سرحانه في عمر و انها بتحبه...و فجأه حد اتصل و طلع عمر
رحاب: الو ايوه يا عمر ازيك
عمر: الحمد لله انتي عامله ايه
رحاب: تمام الحمد لله
عمر: ديما يا رب
رحاب: هو في حاجه...اصل انت اول مره تتصل في الوقت ده
عمر: اتمني مكنش صحيتك من النوم
رحاب: لا انا بسهر كتير
عمر: طب بصي فرحنا اخر الاسبوع... ايه رأيك
رحاب: اللي انت تشوفه
عمر: طب ينفع نتفق اتفاق
رحاب: طبعا... ايه هو الاتفاق
عمر: ايه رأيك نتعامل كصحاب بعد الجواز
رحاب بحزن اخفته: اه طبعا
عمر: ماشي... سلام بقي علشان تعرفي تصحي للجامعه... اه صح انا هوصلك بكره
رحاب: ماشي
رحاب قفلت معاه و ناموا
*******************************
في اوضه ادهم و نور...كانت نور صاحيه و مش عارفه تنام.
ادهم بتعب: اااااه
نور بفزع: في ايه يا ادهم مالك
ادهم: مفيش حاجه نامي انتي
نور حطت اديها علي راسه : ايه اللي مفيش يا ادهم انت سخن مولع
ادهم بتعب: نامي علشان جامعتك
نور: جامعه ايه و زفت ايه...........و نزلت تحت تجيب مايه من تحت علشان تعمله كمادات
نور و هي طالعه بالمايه من المطبخ قبلت ثريا
ثريا بسخريه: ايه ده انتي قررتي تمسحي الفيلا....و الله انا قولت خدامه محدش صدقني.... نفسي اعرف ادهم حبك علي ايه ده انتي جربوعه و...................
قاطع كلامها ادهم بعصبيه: انتي مالك بحبها ليه......كمان هي الخدامه مش حاجه وحشه من غير الخدم كانت حياتنا هتبقي فوضي......بس اقسم بالله لو عرفت انك او بنتك ضيقتوها بكلمه هنسي انك مرات خالها.....فاهمه
ثريا بخوف:ح..حاضر........و مشيت من قدامه و راحت اوضه بنتها
ادهم و هو يمسك ايد نور: تعالي يلا و سيبك من كلمها...........و دخلوا الاوضه
************************************
ثريا و هي بتصحي جومانه: اووووف قومي شوفي اللي حصل
جومانه: في ايه يا مامي
حكت لها ثريا كل اللي حصل
جومانه: يعني ايه اكيد بكدب علشان محدش يتعرضلها
ثريا بغل: المهم انك تتجوزيه....هنكسب من وراه فلوس كتير اوي
جومانه و هي تشد الغطا عليها: حاضر يا مامي......بليز اقفلي النور و الباب وراكي
ثريا بغيظ و هي تقفل الباب: ما هو ده اللي انتي فالحه فيه............و راحت اوضتها علشان تنام
************************************
ادهم دخل و نور دخلت وراه و قفلت الباب....و فجأه ادهم حس بتعب و سند علي الحيطه
نور و هي تذهب اليه في قلق: مالك يا ادهم....حاسس بأيه
ادهم بتعب: متخافيش انا كويس
نور: لا انت مش كويس
و اخدته و خليت ادهم ينام علي السرير و قعدت جنبه
نور و هي تضع له الكمادات: نام انت و انا هعملك كمادات لغايه ما السخنيه تنزل
ادهم: سيبك مني و نامي انتي.....يلا
نور: و انا قولت لا
ادهم بستسلام: ماشي
بعد ما ادهم غمض عينه...نور قعدت تعيط بدون صوت علشان ميحسش بيها.....و كانت بتعمله كمادات
ادهم قام قعد بقلق بعد ما سمع صوت شهقتها المكتومه: مالك يا نور....في ايه
نور و هي تمسح دموعها: مفيش عادي يعني
ادهم: طب عايز اسألك سؤال
نور: طبعا
ادهم: هي ليه مرات خالك و بنتها مش بتحبك...و طلما مامتك عارفه انهم مش بيحبوكي خلتهم يجوا ليه...... و بتعملك كده ليه
نور: والد ماما اللي هو جدي...و جدتي...مكنوش موافقين علي جوازه خالي سيد بثريا بس خالي قال ان دي حياته و ان هو حر فيها.....المهم ان خالي راح هو و جدي و جدتي و ماما عند اهل ثريا هانم علشان يخطبوها لخالي و كانت مؤدبه جدا و محترمه و كمان محجبه......بعد ما روحنا جدتي قالت اننا كنا فعلا ظلمنها و كده.......و اتجوزوا و كانو بيعملونا كويس جدا....لغايه ما بابا و ماما اتجوزوا و ثريا هانم كانت متغاظه ازاي اخت جوزها تتجوز رجل اعمال.. مع ان خالي عنده شركه صغيره و كان جايب فيلا
.......ثم اكملت بدموع........
..و في مره كان عندي ٥ سنين و ثريا هانم قالت لبابا و ماما ان هي هتخرجني و هما وافقه... و خرجنا و قبلنا راجل... ادتني للراجل ده و اديتله فلوس و قلتلوا " اعمل اللي انت عايزه تخطفها و لا تقتلها مليش في المهم مشفهاش تاني " و الراجل خدني و راح بيا البيت بس انا قعدت اعيط و مراته صحيت و الراجل حكلها كل حاجه... و مراته قالت له انت عملت كده علشان الفلوس و قلها لا و ان ثريا قالت له لأما تتصرف انت و تعمل فيها حاجه بدل ما هي تحطني في دار ايتام و تقول لبابا و ماما ان انا اتخطفت و هو خاف عليا و قال يخدني و يرجعني و مراته اخدتني في حضنها و سألتني علي اسمي قولتلها اسمي كامل و هي عرفت علي طول انا مين ... و قالت لجوزها ان انا مش عيله الشرقاوي و سألتني علي عنوان الفيلا و انا قولت ليها علي العنوان و راحوا لبابا و قلولوا انها كانت تايهه..... و بابا و ماما لغايه دلوقتي ميعرفوش حاجه عن اللي حصل
ادهم و هو يمسح دموعها بحنان: انا هخدلك حقك منهم
نور: بلااش يا ادهم
ادهم: طب يلا نامي
نور: لا انا مش هنام دلوقتي....نام انت
ادهم نام و نور قعدت جنبه بس تعبت و نامت و هي قعده علي الكرسي جنب ادهم.
********************************************
في صباح يوم جديد ادهم صحي و شاف نور نايمه علي الكرسي جنبه
ادهم و هو بيصحيها: نور يا نور
نور بخضه: في ايه انت كويس...فيك حاجه
ادهم: انا كويس....انتي نمتي ليه علي الكرسي
نور: عصب عني انا نمت فجأه
ادهم: بعد كده متتعبش نفسك في حاجه
نور: حاضر....ادهم ينفع اسألك سؤال
ادهم: اه طبعا
نور بتوتر: هو...هو انت بتحب
ادهم: اه طبعا بحب بنت مؤدبه و عسوله و دمها خفيف و اعرفها من زمان.....و اخلقها عااااليه جدا...انتي بقي بتحبي،
نور و هي تمسك دموعها: لا مش بحب
ادهم: هو مش انتي قولتي "انا هتجوز حد بحبه مش جواز صلونات"
نور: انا كان قصدي ان انا عايزه اتجوز حد بيحبني و بحبه
ادهم بفرحه: بجدددد
نور: اه....بس صحيح هي البنت اللي انت بتحبها اسمها ايهى
ادهم و هو يشيل نور و بيلف بيها في الاوضه: اسمها نور....انا بحب واحده اسمها نور......انا بحبككككك يا نووور
نور بصدمه: ايه بتحبيني انا
ادهم و هو ينزلها: اه بحبك انتي و اتجوزتك علشان بحبك و علشان احميكي بردوا.....و سألتك هو انتي مش موافقه ليه قولتي انك عايزه تتجوزي حد بتحبيه و انا افتكرت انك بتحبي حد علشان كده قولت ليكي اني هتجوزك علشان احميكي....
نور بخجل: و انا كمان
ادهم بأستغراب: و انتي كمان ايه
نور بخجل: انا..انا بحبك يا ادهم
ادهم: و انا بموت فيكي يا روح قلب ادهم....
******************************************
يلاااااااا تفاااعل......
و Comment كتيييير
و vote ☆☆☆☆☆☆☆
و الله بقي لو يبقي في Follow
