عند رحاب و سناء.....
رحاب بحماس: ايوه يا ماما زي ما بقولك كده طلع بيحبيني
سناء: ربنا يسعدكم يا بنتي... و يرزقكم الذرية الصالحة
رحاب: امين يا رب
و في الوقت ده رن هاتف رحاب بأسم عمر
رحاب: ثواني يا ماما عمر بيتصل هرد عليه
سناء: ماشي يا حبيبتي
رحاب بعد ما فتحت الخط: الو.....
عمر: ازيك يا قلبي
رحاب: الحمد لله....كنت عايز حاجه
عمر: اه انا تحت البيت....انزليلي
رحاب: حاضر......و قفلت معاه
رحاب لسناء: عمر تحت
سناء: طب انا هقوم اعمل اكل علشان لما جوزك يجي يقعد ياكل
رحاب بسرعه:لا لا متتعبيش نفسك.... عمر قايلي ان هو عايزني انزل و نمشي علي طول علشان عنده شغل بكره
سناء: ياكل و يمشي علي طول مش هيحصل حاجه
رحاب: مره جايه... معلش يا ماما
سناء: ماشي يا حبيبتي
نزلت رحاب لعمر و روحوا
****************************
عند ياسين و يارا...........
يارا: ياسو ايه رأيك نروح الفيلا عند عمو احمد و نور......ها بليييز
ياسين: امممممم طيب بس البسي بسرعه
يارا: لا خلاص انا لبست
ياسين: طيب و انا كمان هلبس
ياسين و يارا لبسوا و نزلوا............
***************************
عند شادي و سما.......
سما: شيدو...شادي...قلبي
شادي: قولتلك بلاش اسم شيدو ده
سما: بس انا عاجبني
شادي: طيب يا سما.....كنتي عايزه مصلحه ايه
سما: انا عايزه اخرج انهارده
شادي: ماشي بس اعملي حسابك ان احنا مينفعش نتأخر بره
سما: ليه بقي ان شاء الله
شادي: خلاص و انا اللي كنت هقولك لما نرجع حضري الشنط علشان نسافر...يلا اهي جت من عندك
سما بسرعه: لالا مين قال كده هنرجع بدري طبعا
شادي: طب يلا البسي
سما: اوكي
و ارتدوا ملابسهم ثم غادرو.....
***************************
عند مصطفي و اسماء.......
اسماء : كل ده نوم..... يلا بقي يا مصطفي انت وعدتني اننا نخرج انهارده
مصطفي بنوم: يخربيت الللي يوعدك بحاجه.....قومي البسي و انا هاخد شاور و البس و ننزل
اسماء: طيب...اه صح انا جهزت شنط السفر
مصطفي: ماشي يا قلبي
ارتدي كل منهم ملابسه و غادرو......
*****************************
في الجامعه عند نور.......
كانت نور شارده في اللي حصل قبل ما تتصل بجاسر
كانت نور رايحه لدكتوره الجامعه علشان كانت حاسه بتعب و الدكتوره قالت لها انها حامل في شهرين و نص....و طلعت من عند الدكتوره و هي فرحانه بس زعلانه من اللي ادهم عمله...فتصلت بجاسر
قاطع تفكرها صوت هاتفها و كان المتصل ادهم...و ردت
ادهم ببرود: اطلعيلي انا قدام الجامعه بره
كادت نور ان ترد و لكن قد اغلق ادهم الخط
خرجت نور لادهم و ركبت جنبه و بصت لادهم و الدموع في عينها.....و تجاهل ادهم دموعها و انطلق بالسياره....و بعد ربع ساعه تقريبا كانوا في الفيلا
رحمه: الحمد لله علي السلامه يا و لاد
ادهم: الله يسلمك يا طنط
رحمه: مالك يا نور....انتي كويسه
نور: اه يا طنط انا كويسه مفيش حاجه
ثريا بسخريه: ايه البرود ده....دي شكل واحده مزعله جوزها
نظرت لها نور و لم ترد
رحمه: ملناش فيه واحد و مراته هما حورين
ادهم و هو يسحب نور من يديها: يلا يا نور علشان عايزك في حاجه
و صعدوا الي الغرفه و قفلوا الباب......
ادهم بعصبيه: انتي ازاي تتصلي بجاسر يجي ياخدك من الجامعه....ليه متصلتيش بيا
نور بخوف: و الله انا اتصلت بيك بس انت مردتش.....فقولت انك مش عايز تكلمني و انك لسه زعلان مني..... فأتصلت بجاسر
فتح ادهم الموبايل بتاعه و لقي ان نور اتصلت بيه تلات مرات بس هو كان عامل الموبايل صامت
نور: ادهم
ادهم ببرود: عايزه ايه
نور: انا اسفه اني جدلت معاك الصبح....
أكملت بدموع: بس انت زعقتلي قدامهم و احرجتني...و كمان خليت ثريا هانم تتكلم عليا وحش
ادهم بندم: انا اللي اسف علي اني اتعصبت عليكي الصبح و دلوقتي....بس فعلا مكنش ينفع تجدليني قدامهم
نور بدموع: بس انا مكنتش عايزاك تتأخر علي شغلك
ادهم و هو يمسح دموعها و يحتضنها: حقك عليا.......قوليلي بقي عملتي ايه انهارده
نور بسعاده: انهارده كان اسعد يوم في حياتي
ادهم بأستنكار: اسعد يوم في حياتك علشان اتخنقنا
نور: لا طبعا...بس عرفت حاجه حلوه اوي اوي اوي....و اكيد هتعجبك
ادهم: يا تري ايه الحاجه اللي هتعجبني
نور: في هديه هتيجي كمان 6 شهور و نص
ادهم: و ليه متجيش دلوقتي
نور: مينفعش تيجي قبل معدها
ادهم: ايه الهديه اللي متنفعش تيجي قبل 6 شهور و نص
نور: البيبي يا حبيبي...انا حامل في شهرين و نص
ادهم بفرحه: بجد يعني انا هبقي بابا
نور: ايوه هتبقي بابا
ادهم و هو يحملها و يلف بيها: بحبببببك ياااااا نورررري
نور: و انا بحبك اكتر.
ادهم و هو ينزل نور: بس انتي عرفتي منين...انتي روحتي لدكتوره
نور: انا تعبت في الجامعه و روحت للدكتوره بتاعت الجامعه و قالت لي اني حامل في شهرين و نص
ادهم: طب يلا ننزل نقولهم
