تاني يوم ادهم و ياسين صحيوا علي خناقه مازن و جاسر
مازن بعصبيه:لو مكنتش قولتلي اصبر لغايه ما تكبر شويه كان زمانها خطبتي......بس ازاي جاسر باشا ميعملش اللي في دماغه
جاسر بهدوء: انا عملت كده لمصلحتك و مصلحه ملك
مازن بعصبيه اكتر من هدوء جاسر: لا انت عملت كده لمصلحتك.....ده انا قولتلك هقولها بحبك بس...وانت قولت لأ
جاسر بعصبيه و هو يضرب مازن: انت لو كنت اعترفت لملك مكانتش هتركز في دراستها و هي ثانويه عامه...كمان ملك لسه موجوده
مازن وهو يرد إليه الضربه: ملك بتحب ياحضره الظابط
جاء جاسر ليرد و لكن قاطعه صوت ادهم
ادهم بحده: باااااااس و انت يا مازن اسكت
مازن و هو يجلس علي الارض بنكسار: اهدي ازاي و انا حب عمري بتضيع مني...و انا مش عارف ادافع عن حبي ليها
جاسر بستفزاز: علشان مش بتحبها...اللي بيحب حد بيدافع عن حبه ليه...انما انت لا
مازن بحزن: اللي بيحب بيتمني للي بيحبه السعاده حتي لو مع غيره يا جاسر
جاسر و هو يجلس بجانب مازن علي الارض: انا عارف انك بتحبها يا مازن...لكن مقدرش اجبر اختي علي حاجه
مازن: انا اسف اني مديت ايدي عليك
جاسر بحب اخوي: انت اكتر من صاحبي و ابن عمي ياض...كمان انا اللي بدأت...انا اسف
ياسين بجديه: خلصتوا خناق اتفضلو كل واحد يشوف هيعمل ايه قبل المهمه
الكل: مااااشي
***********************
في القاهره.....نور صحيت اخدت شاور و نزلت تحت لقيت الكل قاعد ياكل
نور: صباح الخير
الكل: صباح النورطيييب
حنان : تالي كلي يا بنتي
نور: مليش نفس و الله يا ماما
رحمه: انتي من يوم ما ادهم سافر و انتي مكلتيش حاجه
نور: معلش بقي يا طنط...انا هطلع اقعد علي اللاب توب شويه
حنان بحب: طيب يا حبيبتي....بس اعملي حسابك مرات خالك وبنتها جايين في الطريق ويقعدوا معانا اسبوعين لحد ما الفيلا تتشطب
نور بلا مباله: طيييب
*************************
في الاسكندريه و خصوصا في العنوان اللي ادهم و مازن هيهربوا منه الاطفال
مازن بهمس: في هنا 6 حراس من برا ...... انا هدخل بسرعه اشوف عدد الحراسه اللي جوا
ادهم: خلي بالك من نفسك...لا اله الا الله
مازن: محمد رسول الله
مازن دخل بهدوء و سرعه.... و كان في حارسين بيشربوا ما حرمه الله.....و تلاته واقفين علي باب اوضه........و في واحد نايم.....وبعدها خرج لادهم
ادهم: ها ايه الاخبار
مازن: في حارس نايم و في اتنين مش في وعيهم بسبب اللي بيشربوا و في تلاته واقفين علي باب اوضه جوا...اكيد دي الاوضه اللي فيها الاطفال
ادهم و مازن طلعوا مسدس و خبوا واحد تاني في جيب البنطلون عملوا كاتم للصوت و اتحركوا
اول ما دخلو....ادهم ضرب الاتنين اللي كانو بيشربوا و اغم عليهم علي طول بسبب انهم مش في وعيهم
مازن ضرب التلاته اللي علي باب الاوضه بسرعه و مهاره عاليا...خلاهم يفقدوا الوعي
مازن ولسه هيفتح الباب سمع حد بيقولوا
الحارس اللي كان نايم و هو يشير بمسدسه ناحيه مازن: انت مين و جاين هنا ليه
ادهم وهو يضربه بضهر المسدس علي راسه جامد: جاين علشان ناخد روحكم
الحارس فقد الوعي....و ادهم و مازن دخلوا بسرعه...وشافوا 10 اطفال اعمرهم من 9ال18 سنه
ادهم و هو يقترب من فتاه ترتعش و يبان انها في سن 15 سنه: احم...يا آنسه
البنت بزعر: و الله اسفه مش هحاول اهرب تاني...و الله ما هعملها تاني
ادهم البنت صعبت عليه: اهدي انا ظابط و هخرجكم من هنا بس يلا بسرعه و هدوء
البنت بخوف: ح..حاضر
مازن طلع يأمن الطريق..ولما شاف ادهم مش عارف يخرج الاطفال بسبب الحراس اللي برا....قام جري في مكان بعيد شويه وضرب نار في الهوا...خلي ال6 حراس يروحوا يشوفوا في ايه ... و ادهم ساعد الاطفال يخرجوا......و ركبهم الاتوبيس اللي كان جاي فيه هو و مازن.....و قالهم مهما حصل محدش ينزل من الاتوبيس...وراح شاف مازن في مكان بعيد عن المكان اللي فيه الحراس
مازن و ادهم ركبوا الاتوبيس و اتأكدوا ان مفيش حد جاي وراهم و اتحركوا علي الفندق و خلوا الاطفال يقعدوا في الاوضه و قفل عليهم....ادهم اتصل ب ياسين و جاسر و قالهم يجهزوا بالدعم و يجوا علي المكان...... وراح هو و مازن للمكان تاني و كان محاصر من رجال الشرطه و استخبوا لغايه ما متصور يجي
*************************
في الاسكندريه...وخصوصا في المستشفي عند أسماء و مصطفي....كانوا قاعدين في الاوضه اللي جنب اوضه المدير
مصطفي: اووووف العيال دي هتخلص امتي
أسماء: اهدي يا استاذ مصطفي اكيد راحوا للاطفال علشان يخرجوهم و اكيد هياخدوا وقت
مصطفي بمرح: بلاش كلمه استاذ دي قولي مصطفي
اسماء بخجل: م..مصطفي
كان مصطفي لسه هيتكلم قاطع كلامه صوت منصزر اللي خارج مت اوضه مكتبه متعصب
بره المكتب
منصور بغضب: ازاي ده يحصل...مشغل عندي شويه بهايم
الشخص: و الله يا باشا معرفش حصل ازاي
منصور: قداااامي اما اشوف المصايب اللي انتوا بتجبوها كل يوم
مصطفي: ادهم و مازن نفذوا انا هطلع علشان اروح وراه
اسماء: انا هاجي معاك
مصطفي بجديه: لا
اسماء بعند:و انا قولت هاجي معاك
مصطفي بعصبيه: اسماااااء
اسماء ببراءه: بلييييز يا مصطفي
مصطفي بقله حيله: ماشي....بس مش هتدخلي مكان ضرب النار...هتفضلي واقفه بره
اسماء: حاضر
اسماء و مصطفي راحوا لادهم و مازن
******استوووووب******
اسماء دكتوره اطفال باباها و مامتها متوفين...ملهاش اخوات...شعرها اسود و عنيها اخضر....مش محجبه....بتحب مصطفي بس مقلتلوش
