الكل كان متجمع تحت علي السفرة
ثريا: اومال فين نور و ادهم
ندي: احنا ملنا يا طنط
ثريا بدون نفس: ماشي
بعد دقائق نزل ادهم و نور و كانوا مسكين ايد بعض
ثريا: اهلا اهلا.... كل ده نوم
ادهم ببرود: عادي يا طنط ده العادي بتاعنا
ثريا: اكيد البتاع دي هي اللي اخرتك
ادهم: اولا انا مراتي ليها اسم..... ثانيا... براحتها تأخرني و لا لأ.... بس علي فكره انا اللي مأخرها
رحمه: خلااص يا جماعه
حنان: تعالي يا ادهم انت و مراتك يلا علشان تكلو
ادهم: لا يا ست الكل انا و نور هنفطر بره انهارده
حنان: ماشي يا حبيبي
خرج كلا من ادهم و نور و راحوا مطعم و فطروا و ادهم وصل نور الكليه
*********************************************
في الفيلا
رامز: خلصتي اكل يا حبيبتي
ليليان و هي تقف: اه... يلا علشان منتأخرش علي الجامعه
رحمه: ربنا معاكم يا حبيبتي
ليليان و رامز: يا رب يا امي
جاسر: طب يلا يا ندي علشان اوصلك
ندي: يلاا
و كل واحد اخد مراته و خرج
*******************************************
رامز و ليليان وصلوا الجامعه و دخلوا المحاضره مع بعض... و البنات و الشباب قعدوا يهمسوا
احد البنات: البت دي كانت نازله معه من العربيه
البنت التانيه: ربنا يهديهم
ليليان سمعت كلمهم و عنيها دمعت.... و رامز شاف عنيها المدمعه و عرف ان السبب كلام البنات دي.... علشان هو سمعهم.
رامز بعد ما امسك ايد ليليان: الكل يركز معايا عايز اشركم فرحتي..... و سعادتي كلها ليليان تبقي بنتي و حبيبتي و مراتي
الكل اتصدم...... الشباب صفروا... و البنات كانت حاسه انهم ظلموها ...... و طبعا كان في حد مش فرحان بالخبر ده اللي هو اشرف
اشرف لنفسه بغل: ان مخلتكوش تطلقوا مبقاش انا اشرف
******************************************
اليوم خلص و الكل طلع اوضته و مازن راح يجيب ملك
مازن بسعاده: يلا بسرعه اركبي
ملك بأستغراب: مالك يا مازن انت كويس
مازن: انا كويس جدا جدا...يلا بقي
ملك ركبت و راحوا علي الفيلا
مازن وقف في نص الفيلا و مسك ايد ملك.....و ملك مكسوفه و في نفس الوقت مستغربه
مازن بصوت عالي: كل الللي في الفيلااااا يجي بسرعه.....في حاجه مهمه لازم تعرفوها
الكل نزل يجري علي طول
ادهم: في ايه يا بني أدم انت.....في حد يدخل كده
نور: في ايه يا ملك....مازن ماله
ملك: و الله معرفش
جاسر بغيظ: انت يا استاذ سيب ايد اختي
مازن ببرود: لا
جاسر: ايه اللي لا دي اختي و بقولك سيب اديها
مازن ببرود: لا
جاسر لكرم: يا بابا خلي الزفت ده يسيب اديها
كرم: في ايه يا مازن......عايز ايه
مازن: انا عايز اطلب من حضرتك ايد ملوكه قلبي
جاسر بغيظ: ما تلم نفسك اسمها ملك
مازن بمرح: ملك..... ملوكه... مش مهم المهم اتجوزها.....و الفرح مع عمر و رحاب....و احنا كده كده عارفين بعض..... ها يا عمي
كرم: انا اتمناك زوج لبنتي.... بس الرأي لاخوها و مامتها..... و الاهم العروسه
حنان: انا بالنسبه ليا موافقه....انا مش هلاقي حد يخاف علي بنتي قدك
جاسر بمكر: و انا مش موافق...انت مش متسرع و متهور و متقدرش تحافظ علي اختي.....و اكيد ملك رأيها من رأي...صح يا ملك
ملك بلا وعي: لا مازن يعرف يحافظ عليا كويس و انا موافقه
الكل ضحك علي ملك و جاسر
جاسر و هو يحتضن ملك:الف مبروك يا حبيبتي
ملك بفرحه: الله يبارك فيك
الكل بارك لملك و مازن....و حنان و امجد و محمد و رحمه و احمد و كرم.....و اتبقي البنات و الشباب
ثريا بسخريه: نفسي اعرف بصتلها علي ايه....عامل زي ابن عمك متجوز واحده خدامه
مازن ببرود: علي ما اظن انتي ملكيش دخل...ومراتي مش خدامه
ثريا: مش فرقه انت و ابن عمك مش بتعرفوا تختاروا
جاسر بعصبيه: اياك تقولي كلمه لنور و لا ملك لأما و الله هنسي انك مرات خالي
ثريا: اعملك ايه ما ملك طالعه للبتاع دي.....الاتنين يساوي شغاله عندي،
ادهم: عارفه بقي لو جبتي سيره نور علي لسانك انتي حره
مازن و هو يأخذ ملك: و انا مش محتاج اتكلم...ملكيش دعوه بملك
الكل اخد مراته ومشي و متبقاش غير ثريا
ثريا: ان مخليتك تندمي يا بنت الشرقاوي مكنش انا ثريا
********************************
مازن: اوعي تصدقي كلام الحيزبونه اللي برا دي
ملك بدموع: هي علي طول بتكرهني انا و جاسر و نور....معرفش ليه و الله احنا بنعملهاش حاجه
مازن و هو يمسح دموعها: سيبك منها..... بس تعرفي انك لما بتعيطي خدودك بتحمر جدا
ضحكت ملك بكسوف
مازن: ايوه كده خلي الشمس تدخل
*********************************
مر اسبوع مفيهوش احداث تذكر غير:-
ادهم و نور عايشين في سعاده....و حب
رامز و ليليان عايشين بحب و جنون
جاسر و ندي بيهزروا كتير مع بعض
مازن و ملك مش مدين وقت للجد ديما هزار مازن و كسوف ملك....و جابوا فستان الفرح
عمر و رحاب لسه معترفوش لبعض......و نزلو مع مازن و ملك و جابو فستان الفرح
شادي و سما مشافوش بعض من اخر مره
ياسين هيعمل مفجأه ليارا
***********************************
جيه معاد الفرح
البنات مع رحاب و ملك في الاوضه
ملك بتوتر: شكلي حلو يا بنات
نور: اقسم بالله حلوه و قمر...... يا بنتي دي المره العاشره اللي تسألينا فيها
ملك: ما انا متوتره اعمل ايه
ليليان: رحاب مالك هاديه كده يعني
رحاب بأنتباه: لا انا معاكي اهو
حنان و سناء دخلو
حنان و هي تحتضن ملك بدموع: مبروك يا حبيبتي
ملك: الله يبارك فيكي...بس بطلي عياط بدل ما انا كمان هعيط و الكحل يبوظ
حنان و هي تمسح دموعها: ماشي
سناء و هي تحتضن رحاب: مبروك يا حبيبتي
رحاب: الله يبارك فيكي يا ماما
الباب خبط و نور فتحت و كانت ندي
ندي: المعازيم وصلوا و المأذون كمان
نور: ماشي نادي علي بابا
كرم جيه و اخد ملك......و محمد قرر ان هو اللي هيسلم رحاب لعريسها
و المأذون كتب كتاب ملك و مازن
المأذون: "بارك الله لكما و بارك عليكما و جمع بينكما في خير"
مازن قام حضن ملك و همس لها: مبروك يا حرم مازن محمد الشرقاوي
ملك بكسوف: الله يبارك فيك
رحاب و عمر قعدوا علشان يكتبوا الكتاب
المأذون: فين وكيل العروسه
سمعوا صوت جاي من علي باب القاعه
....: انا وكيل العروسه
رحاب بفرحه و هي تحتضنه: معااااااذ
معاذ: يلا علشان المأذون و العريس مستنين
وراحوا تاني عند المأذون و كتبوا الكتاب
عمر بغيظ لرحاب: مين ده يا رحاب
رحاب: ده معاذ ابن عمي
عمر بعصبيه مخفيه: ازاي تحضنيه كده
معاذ: اهدي يا برنس...رحاب اختي في الرضاعه
عمر: بردو مينفع........ثانيه انت قولت ايه
معاذ بضحك: رحاب اختي في الرضاعه
المأذون: انا همشي يا ابني و..................
ياسين بلهفه: تمشي ايه يا شخنا انت هتكتب كتابي دلوقتي انا كمان
ياسين شد يارا و قعدها
ياسين: يارا تقبلي تتجوزيني
يارا بصتله بصدمه و بصت لباباها اللي هز راسه بالموافقه
يارا بخجل: م..موافقه
و كتبوا الكتاب و ياسين اخد يارا في حضنه
و بدل الفرحتين تلات افراح
الوقت عدي و المعازيم روحت....و مازن و ملك راحوا شقتهم...و عمر و رحاب
************************************
مازن و هو يحمل ملك: نورتي بيتك يا عروسه
و لم ترد ملك من خجلها
مازن: مالك يا بنتي انتي احمريتي كده ليه
ملك بتوتر: نزلني يا مازن
مازن و هو ينزلها: طيب....انا هلبس في الحمام و لما تخلصي خبطي عليا... ماشي
ملك: ماشي
مازن و ملك لبسوا و صلوا
****************************************
عند رحاب و عمر .....دخلوا البيت و ما هي الاثواني و الجرس رن
عمر بأستغراب: مين اللي بيخبط دلوقتي
رحاب: طب شوف
عمر فتح الباب و اتفجأ ب...........................
************************************
يلاااااا تفااااعل 🖤
كومنت 💙
فووووت ☆☆☆☆☆☆☆
و Follow ❤
