في فيلا الشرقاوي.........
ثريا: انا هخرج شويه يا حنان
حنان: مش هتتغدي
ثريا: لا هتغدا بره
حنان: ماشي يا حبيبتي اتفضلي
ثريا خرجت........
رحمه: طيب انا هروح اناديهم علشان يتغدوا
حنان: ماشي
و بعد دقائق كان الكل مجتمع حول المائده ليتناولوا الغداء
جومانه: اومال مامي فين
حنان: هي قالت انها هتخرج شويه....و انها هتتغدا بره
جومانه: اوكي
ماجد: انتوا عاملين ايه يا بنات في الجامعه بتاعتكم
ملك: ليه يا جدو السيره دي ما احنا كنا تمام
ماجد: خليكي ساكته انتي يا فاشله
ملك: تسلم يا كبير
نور: الحمد لله كلو تمام....امتحناتي قربت خلاص
ماجد: شوفتي يا بت يا ملك اختك متفوقه ازاي
ملك: طب ما انا متفوقه
ماجد: يا نهار ابيض علي الكدب
ليليان: طب و انا اي نظامي يا جدو يا عسل انت
ماجد: و انتي كمان متفوقه و بتسمعي الكلام
ليليان بغضب طفولي: و الله يا جدو انا كبرت
رامز بضحك: متأكده انك هتبقي ام
ليليان بطفوليه: و مبقاش ام ليه بقي
رامز: خلاص..خلاص اسفين يا ابو صلاح
خلصوا اكل و كل واحد طلع علي اوضته
***************************
في الجامعه رحاب..........
رحاب طلعت موبايلها و اتصلت بعمر علي طول بعد ما خلصت محاضرتها
رحاب: ايوه يا عمر....انا خلصت
عمر: طيب يا قلبي انا مستنيكي بره
رحاب طلعت لعمر و ركبت جنبه و روحوا
رحاب بعد ما لبست: انا هقوم اعمل اكل يا حبيبي
عمر بتعب: مش لازم
رحاب: مالك يا عمر شكلك تعبان
عمر: لا ابدا ده تعب الشغل.... انا بس هنام و هكون كويس
رحاب: اوكي يا..........
قاطعت كلمها حينما رأت دم علي تيشرته
رحاب بخضه: ايه الدم اللي علي تيشرتك ده يا عمر
عمر بتوتر: ايه...مفيش...مفيش
رحاب و هي ترفع التيشرت: ايه اللي حصل يا عمر
عمر: خناقه بسيطه كده
رحاب قامت جابت شنطه اسعفات اوليه
رحاب و هي تغير علي الجرح: انت روحت لعمي صح يا عمر
عمر بتوتر: و ايه اللي جاب سيره عمك دلوقتي
رحاب: انت روحت لعمي يا عمر...و هو اللي عمل فيك كده صح
عمر بتنهيده: ايوه يا رحاب
رحاب و هي تمسك دموعها: احكيلي اللي حصل يا عمر
عمر: مش لازم يا رحاب
رحاب: لوسمحت احكي
عمر: عمك كلمني و قالي انك روحتي لمرات عمك و تعبتي فاجأه......فأنا روحت علي طول و دخلت ملقتش حد غيره...كان قاعد بيتفرج علي التلفزيون..و لما سألتو عليكي..لقيته طلع المطوه و قالي ان انا عقبه في حياته و ان هو كان خلاص قرب ياخد الورث لولا ان انا ظهرتله و ان هو لازم يقتلني و بعدها ضربني في بطني بالسكينه و جري و مفوقتش غير و انا في المستشفي و معاذ جنبي و لما سألته ايه اللي حصل....قالي ان هو كان رايح يشوف مرات عمه بس و هو داخل اتفاجأ بأن انا مرمي علي الارض و غرقان في دمي و هو سندني و اخدني عربيته و طلع علي المستشفي....و لما سألني مين عمل كده قولتله عمك و هو قال ان احنا لازم نبلغ عليه....بس انا اعترض و قولت ان انا اللي هجيب حقي...بس هو ده اللي حصل...بس انتي عرفتي منين
رحاب: عمي اتصل بيا قبل ما اتصل بيك و قالي.........
*فلااااش بااااك*
كانت رحاب قاعده في كافيتريه الجامعه الفتره اللي ما بين المحاضره الاولي و المحاضره التانيه و لقيت موبايلها بيرن و كان عمها...فردت بسرعه يمكن تكون مرات عمها بتستعمل الموبايل
رحاب: الو...
سامح بسخريه: ازيك يا بنت الغالي
رحاب: نعم...عايز حاجه
سامح ببرود: ادعي لجوزك بالرحمه زمانه بيتحاسب
رحاب بصدمه و عدم تصديق: انت كداب عمر مامتش
سامح: مع السلامه يا قطه
سامح قفل و رحاب مكنتش مصدقه ان عمر ممكن يسبها بس قررت انها تتصل بيه و لقت ان الموبايل مغلق
رحاب و هي تطمن نفسها: عادي يعني يمكن في محاضره...هبقي اتصل بيه كمان شويه
و بعد ساعه رحاب اتصلت بعمر و رد عليها و قالها انه بره
*باااااااك*
عمر بحنان: خلصتي لف الشاش يا قلبي
رحاب بدموع: اه
عمر: طب انتي بتعيطي ليه دلوقتي
رحاب بدموع: انا السبب في اللي حصلك ده...انا السبب
عمر و هو يمسح دموعها و يحتضنها: لا مش انتي السبب انتي معملتيش حاجه...عمك هو اللي عمل و هيتحاسب
رحاب: طب انت لسه تعبان
عمر: لا يا حبيبتي انا كويس
رحاب: طب الحمد لله يلا بقي نام و استريح
عمر: طيب
رحاب نامت و كذلك عمر.....
