عند احمد صديق معتز ذهب إلى الشركة وهو فى قمة غضبه من تلك الفتاة التى تدعى ملك ذهب احمد الى مكتب معتز وجد كل من معتز وشادى هناك
شادى: مالك ياسبع البرمبة
احمد : بقولك أنا مش ناقص كلمة من حد أنا على أخرى
شادى : طب ماتقولنا مالك هو فى حاجة حصلت يابنى
احمد : لاء ابدا اتهزءت من حتة بت مالهاش تلاتين لأزمة
شادى بضحك : يابنى هو انتا موعود بالخناق مع البنات تطلع مين دى
احمد بإحراج : احم صاحبة البنت الى اتخانقت معاها امبارح
انفجر شادى ضحكا على صديقه أما معتز ابتسم ابتسامة بسيطة أظهرت وسامته وحرك رأسه بعلامة الياءس من صديقه ثم أكمل نظره فى الأوراق التى فى يده
احمد : بتضحكو
شادى بضحك : يابنى هو انتا حد عاملك عمل كل يوم تتخانق مع واحدة وبعدين اتخانقتو ليه
احمد : ابدا ياسيدى زى صاحبتها بكلمها وبقولها انتى مش محترمة ولا بيك ولا عليك الاقى الكليه كلها اتفرجت عليا
وهو يقلدها
شادى بضحك : احمد انتا مش طبيعى بجد لازم يكون ليك معاملة خاصة مع الستات
احمد : سابنالك المعاملة الخاصة ياخويا بس أنا البت دى بالذات مش هسيبها
شادى بغمزة : إيه وقعت ياحمدالمنشاوى ولا أى
احمد : ولا وقعت ولا حاجة أنا بس هربيها
شادى : ياخويا ربى الاولى الى مسكتك ظبطتك ولا اقولك اتربى انتا الاول
نظر له أحمد نظرة يعرفها شادى ثم جرى شادى الى الخارج وخلفه احمد
معتز : مصاحب شوية مجانين
_______________________&
عند غرام ذهبت للمنزل
غرام : ممممااااااممماااا
الأم : كاتك مو عايز ايه
غرام : أنا جعااانة
الأم : هجبلك ياختى خوشى غيرى على مااجبلك الاكل
غرام : ماشى ياست الكل أمال نورا فين
الأم : فى الدرس وزمانها جاية
غرام : ماشى أنا داخلة
دلفت غرام الى غرفتها وبدلت ملابسها ومن ثم ذهبت لتأكل تناولت طعامها ودلفت لغرفتها ومن ثم دق الباب
الأم : حاضر حاضر جاية
فتحت الأم ووجدت فتاة فى 20 من عمرها واقفة وتبدو عليها ملامح البراءة والحزن
الأم : انتى مين
الفتاة : أنا ريم حضرتك هو مش ده مكتب الاستاذة غرام المحامية
الأم : اه
ريم : طب أنا كنت عاوزة الاستاذة غرام
الأم : طيب يابنتى اتفضلى جوا فى المكتب وأنا هقولها
ريم : حاضر ياطنط ثم دلفت ريم إلى المكتب
عند غرام دقت الأم باب الغرفة
غرام : اتفضل
الأم : غرام فى واحدة عايزاكى برة
غرام : مين الى عايزنى
الأم : واحدة اسمها ريم بس أى زى القمر
غرام بتفكير : أنا معرفش حد بالاسم ده
الأم : مايمكن عايزاكى فى شغل
غرام : يمكن .طب هاتيلنا حاجة نشربها على ماالبس
الأم : ماشى
ارتدت غرام ملابسها ومن ثم ذهبت لمكتبها وجدت فتاة جميلة للغاية ويبدو عليها الحزن
غرام : سام عليكو
وقفت ريم : وعليكم السلام
غرام : اتفضلى اقعدى
جلس كل منهم
غرام : اتفضلى
ريم : أنا أسمى ريم محمود عندة عشرين سنة فى كلية آداب ووالدى ووالدتى متوفين وأنا عايشة مع مرت بابا
غرام : كملى
ريم : أنا بعد ماماما ماتت بابا اتجوز واحدة معرفهاش ومستريحتلهاش اصلا كانت بتعاملنى فى منتهى الحب لما بابا كان عايش لما بابا مات بانت على حقيقتها ولقيت معاملتها معايا اتغيرت وبتعاملنى فى منتهى القسوة ولكن بابا لما مات المفروض اخد ميراثى هى مادتنيش حاجة ومش راضية تدينى ميراثى وحقى فى بيت ماما وكل أما اطالبها تقولى مش هتاخدى حاجة وكل ميراثك هيبقى لاولادى هى مخلفة بنتين وولد ولادها بيعاملونى فى منتهى قلة الأدب معانى اكبر منهم
غرام بمقاطعة : بيضربوكى
ريم : لاء
غرام : اتفضلى كملى
ريم : أنا عايزة اخد ميراثى ومش عارفة اعمل ايه وكل أما اروح لمحامى ميرداش يرفع قضية ويقولى كلامك مالهوش دليل اعمل ايه
غرام : هو والدك ميت بقالو قد ايه
ريم : بقالو سنتين
غرام : هو فيه ورق يثبت أن ليكى ميراث
ريم : ايوا معاها ومش راضية تديهولى وكذا مرة اخدهم من وراها تعرف
غرام : اممم طب أنا حاليا مش هقدر اعمل حاجة
ريم ببكاء : ارجوكى اتصرفى أنا مش عارفة اعمل ايه أنا عايز اعيش حياتى بعيدة عنهم وأشوف مستقبلى
غرام بحزن : طب أهدى وماتعيطيش وإنشاء الله كل حاجة هتبقى كويسة
ريم : يارب
غرام ببعض المزاح : بس أى القمر ده أنا أول مرة اشوف قمر بيعيط
ريم بضحك خفيف وهى تمسح دموعها : شكرا
غرام : العفو ياستى وعموما إنشاء الله كل حاجة هتتحل
ريم : إنشاء الله
غرام بتفكير : هو الورق معاها فى البيت
ريم : اه فى اوضتها
غرام : تمام
ريم : فى خطة فى دماغك
غرام : اه بس هقولك عليها لما تتغدى معايا
ريم : مش هينفع أنا اتاخرت
غرام : لاء بقولك أى هتقعدى يعنى هتقعدى أنا اصلى صعيدى وانتى حرة
ريم بضحك : طيب
غرام: ايوة كدة اضحكى خالى الشمس تدخل
ريم : انتى طيبة اوى يا غرام
غرام : ضلاما طيبة نبقى أصحاب أى رأيك
ريم : وأنا موافقة
دق الباب
غرام : اتفضل
الأم : العصير يابنتى
غرام : لاء ياماما عصير أى خليه غداء ريم هتتغدا معانا
الأم : تنورى يابنتى
ريم : شكرا ياطنط
غرام : يالا بقى نتغدا
ثم ذهبوا ليتناولو الطعام
_________________&
اسفة على التأخير وبالمناسبة مبروك على ألسنة الجديدة وإنشاء الله سنة سعيدة عليكو ♥️♥️♥️
غرام : الشيطان
بقلم الكاتبة : رنا متولى
& ملكة القلم &
أنت تقرأ
غرام الشيطان
Mystery / Thriller١_عندما يتغلب العشق والغرام على القسوة والجبروت ٢-وعندما يندم الوحش على اذيت ملاكه ويندم بعشقه ٣-وعندما لا يشعر الطرف الثاني من ذالك الولهان الذي يعشقه كل هذا سيتغير وكل شئ سيتغير وسيتغلب الادمان والحب على الظروف القاسية ومرار الحياة في غرام ا...
