غرام الشيطان

الفصل الرابع والاربعون ♥️

بسم الله اللهم صلى وسلم على محمد وعلى آله وصحبه أجمعين ♥️

___________
فى الصعيد خصيصاً فى قصر الرفاعى كان قد ذهب الجميع للنوم وجميع القصر مظلم ماعدا غرفة الفتيات كانو يتحدثون فى أمور عديدة تخص الميكاب والفاشون.

ضحى وهى تتوهم بحامد أمامها وتبدو فى أحلام اليقظة
_نفسى اتجوز حامد ونسافر برا الصعيد ونعيش فى مصر يااااه لو الحلم اتحقق

نظرو لها الفتيات بصدمة .مالذى جاء بذكر حامد لم يذكروه فى حديثهم كانو يتحدثون فى أمور أخرى ولكن يبدو أن ضحى لم تنتبه لهم من الأساس وكانت فى أحلامها الخاصة

سلمى وهى تسخر من ضحى
_اتفضلو شوفوا احنا بنتكلم ف اى وست شفيقة بتحلم بالاستاذ تيمور

نظرو لها كل من رضوى وغرام وضحكو على طريقة سلمى لسخريتها من ضحى

ضحى باشمئزاز وهى تنظر لهم
_تعرفى ايه انتى عن الحب كل ال فبالك الأكل وبس

سلمى بسخرية
_يبنتى الأكل كل حاجة من غيرو مش هنعرف نعيش تقدرى تقوليلى لو جوعتى وانتى جنب تيمور بتاعك هتاكلى منين هل هتقوليلو ادينى حبة حب لاحسن جعانة ولا بلق ريقى بشوية عشق لحسن عطشانة

انفجر كل من رضوى وغرام من الضحك على تصريح سلمى الذى يبدو منطقى ..

سلمى وهى تضحك بشدة
_والله معاكى حق دانا اتجوزت فيوم وليلة والآخر ضربنى وكان حابسنى وهربت منه ..ومازلت تضحك

لحظة صمت وصدمة مرت عليهم نظر كل من سلمى وضحى لبعضهم البعض وكانو مصدومين وغرام تلعن تلك الغبية على ماقالته بذلك يجب عليهم إخبار سلمى وضحى بحقيقة هروبهم ..

أما رضوى فكانت تلعن نفسها على ما قالته ..

غرام وهى تنظر لسلمى وضحى ..
_انا هقولكو كل حاجة

قصت عليهم غرام من معرفتها بمعتز وزواجها هى ورضوى إلى وقتنا هذا

تغيرت معالم وجه سلمى وضحى إلى القلق الشديد ونظرو لبعضهم نظرة خوف من القادم

سلمى بخوف ممزوج بالقلق
_غرام انتو عملتو مصيبة

غرام باستغراب شديد من طريقة قلقها وأنها تلومها هى ليس معتز
_مصيبة اى ياسلمى انا بقولك كان عايز يموتنى

ضحى بتصحيح لحديث سلمى
_هى متقصدش انكو غلطانين بس ال انتى متعرفهوش أن لو جدى عرف انكو هربتو هيقاطعكو العمر كله انتى متعرفيش حاجة عن تقاليد الصعيد يا غرام البنت لو هربت من بيت جوزها أهلها يتبرو منها العمر كله

غرام بصدمة شديدة
_للدرجادى ..بس انا كنت هموت ياضحى وكان عايز يحبسنى لحد ماموت

رضوى بقلق شديد
_ بس احنا مهربناش من فراغ احنا هربنا خوف منهم