خفايا محن

عطايا الخالق

ام محمد الجبوريه

#عطايا الخالق #

حدثتني احدهم في يوم كنت فاقده للأمل كنت في مستشفى الولادة والأطفال

انتظر دوري لدخول السونار لكي يقرر بعدها هل الطفل على قيد الحياة ام متوفي😭

لكي يجرو لي عمليه كورتاج كما يسمى في عالم الطب🤔

كانت تجلس على بعد مني فتاة غايه في الحسن ومعها شاب يفوق الخيال حسن وهيبه

تقربت الي وانا ابكي
جلست بجانبي وبدئت بالحديث
حبيبتي ليش تبجين ان شاء الله خير
كولي يالله وكلي امرج للباري ماينسه عباده خاصه الي ثقتهم بربهم عاليه

كتلها مااتحمل بعد هذا رابع طفل يموت بطني والناس ماترحم اني الي اعاني والعالم يامتشمت يا خطيه مايصير عدها وقسم يكولون على زوجي لويزوج لان الاطفال عندي تموت😭

اخذت اديه ثنينهم بين اديها وتكلمت
شوفي راح احجيلج عني واريدج اصيرين قويه وثقي بالله

الي كاتبه الله الج ولو بمقدار شعره ماكو كائن بالكون اله حق ياخذه منج

شوفي اني جنت اجمل بنات العائله الغرور فول عندي متفوقه بدراستي مدلله من ابوي شنو اطلبه يتوفر الي
بس كنت مااصلي مااصوم والي يصلي اضحك عليه بداخلي
دائما اردد
اني اصنع نفسي مو اي شي يصنعني يعني بين قوسين كان تفكيري تفكير ملحدين

دخلت كليه طب اذا اكولج وصلت حد
اكون ملحده ماكو الله عندي اني اخلق نفسي بارادتي بثقتي بنفسي

حلوه معتزه بجمالي  دخلت طب ورتفع سقف الغرور عندي

امي تدعيلي اضحك عليها

شنو تدعيلي اني بيدي اكون او لا اكون كملت طب تعينت اشوف الكل ازوجو اني ماكو احد تقدملي
حرفيا مو يتقدمولي َارفض لا
ماكو انسان دك بابنا اصلا

بنات ازغر مني اقل جمال حتى ما مكملات دراسه ازوجو واني ماكو احد
اعترف بحبه يوم رغم اني جمالي واناقتي وكلشي موجود عندي ماموجود عد غيري بنسبه ١٠ بالميه

يوم من الايام اجيت الامي كتلها ليش ماكو احد يخطبني شنو انعمت العالم عني

كالت ماما كلشي رزق ورزقج ماجاي

ضحكت 😂😂شنو رزقي ماجاي

ماما حبيبتي ادعي الربج واني هم راح ادعيلج يسهل قسمتج

هههه يعني شنو ادعي قصدج استجدي اطلب منه ينطيني رجل
لا مااطخ راس الي شي بالوجود حتى وان كان من خلق الوجود

لج ماما الدعاء الى الله مو طخين راس حرام الي تحجي وانتي دكتوره واعيه وفاهمه مثقفه

اوك رفعت اصبعي لسماء☝️ كانو اخاطب شخص واكثر بعد بستصغار
منا لسبوع اريد اكون مخطوبه
.
.
.
.
. يتبع